இந்தியாவில் தேர்தல் திருவிழா : ஓட்டளித்து ஜனநாயக கடமையாற்றிய தமிழ் திரைப்பிரபலங்கள்...! | 'ஆதிசக்தி' : புதிய பயணத்தை துவங்கிய சம்யுக்தா | ரீ-ரிலீஸ் ஆகும் ‛மங்காத்தா' | மகாபாரத கதையை 2 பாகங்களாக இயக்கும் லிங்குசாமி | சிகரெட் பிடிக்கும் நான் அட்வைஸ் பண்ணியதை ரசிகர்கள் ஏற்கவில்லை : பஹத் பாசில் | இன்ஸ்டா கணக்கு நீக்கம் : யுவன் விளக்கம் | விஷம் கலந்த ஜூஸ் கொடுத்து விட்டார்கள் : நடிகர் மன்சூரலிகான் குற்றச்சாட்டு | ஏ.ஆர்.ரஹ்மானின் தேர்தல் விழிப்புணர்வு பிரச்சாரம் | 'பிரேமலு' படத்தைப் பாராட்டிய நயன்தாரா | தேர்தலுக்கு பின் விடாமுயற்சி படத்தின் இறுதிகட்ட படப்பிடிப்பு |
சூரிய நாயகனின் உறவினராக ரசிகர் மன்றத்தை மட்டுமே பார்த்துக் கொள்வதற்காக வந்தவர், அப்படியே தயாரிப்பாளராக உயர்ந்து அந்த நாயகனின் குடும்பத்தினர் நடிக்கும் படங்களை மட்டுமே தயாரித்து வந்தார். இடையில் நாயகனின் குடும்பத்தினருக்கும் அந்த உறவினருக்கும் உரசல் ஏற்பட்டதாகவும் அதனால்தான் நாயகனே தனியாக படத் தயாரிப்பு நிறுவனம் ஆரம்பித்தார் என்றும் சொல்லப்பட்டது. அதன் பின் இரு தரப்பினரும் அமர்ந்து பேசி அவர்களுக்கிடையே இருந்த பிரச்னைகளை தீர்த்துக் கொண்டார்கள் என்றும் சொல்கிறார்கள்.
தற்போது பச்சை நிறுவனம் அடுத்தடுத்து சில பெரிய படங்களின் தமிழ்நாடு வினியோக உரிமையை வாங்கியுள்ளது. அந்தப் படங்கள் அனைத்துமே மிகப் பெரிய படங்கள். அது மட்டுமல்லாது அவர்களது சொந்தத் தயாரிப்புப் படம் ஒன்றும் இருக்கிறது. மேற் சொன்ன படங்கள் அனைத்துமே ஏப்ரல், மே மாதங்களில் வெளிவர உள்ளதால் அந்த நிறுவனம் மட்டுமே தொடர்ச்சியாக திரையரங்குகளை வளைத்துப் போடும் நடவடிக்கைகளில் இறங்கியுள்ளதாம். இதனால் மற்ற தயாரிப்பாளர்களும், சில தயாரிப்பாளர்களும் பாதிக்கப்படுவதாகச் சொல்கிறார்கள். திரையுலகில் பல்வேறு பிரச்னைகள் சூழ்ந்துள்ள நிலையில் ஒரு சிலர் மட்டும் மற்றவர்களைப் பற்றிக் கவலைப்படாமல் செயல்படுவதாக பாதிக்கப்படுபவர்கள் குற்றம் சாட்டுகிறார்கள்.
சமீப காலங்களில் படங்களை வெளியிட சரியான தியேட்டர்கள் கிடைக்காமல் பல நல்ல படங்கள் தவித்த கதைகளும் நடந்துள்ளன. இதற்கு முன்னணியில் உள்ள ஒரு சில முக்கிய தயாரிப்பாளர்களே காரணம் என்றும் தெரிவிக்கிறார்கள். உடனடியாக பெரிய படங்களுக்கென தனியான தேதிகளை ஒதுக்கியும், மற்ற சிறிய தயாரிப்பாளர்களின் படங்களை வெளியிடவும் சம்பந்தப்பட்டவர்கள் நடவடிக்கை எடுக்க வேண்டும் என்பதே தவித்து வரும் தயாரிப்பாளர்களின் கோரிக்கையாக உள்ளது.