Dinamalar

பவர் பாலிட்டிக்ஸ்

நெல் பயிருக்கு பெயர் பெற்ற தஞ்சையின் செல்லப் பெயர் கொண்ட இயக்குனர்தான் கடைத்தெரு நடிகையை அறிமுகப்படுத்தினார். அறிமுகப்படுத்திய இயக்குனரும், அறிமுகமான நடிகையும் பெரிதாக சாதிக்கவில்லை. இதனால் வறுமை தாங்க முடியாமல் ஆந்திரதேசத்துக்கே திரும்ப இருந்த நடிகையையும், அவரது தாய்குலத்துக்கும் அடைக்கலம் கொடுத்தார் இயக்குனர். இப்போது நடிகை டாப்புக்கு வந்து விட்டாலும் இயக்குனர் அப்படியேதான் இருக்கிறார். நல்ல படங்களில் பெரிய ஹீரோக்களோடு நடித்து வரும் நடிகையை தன்னோடும் நடிக்கச் சொல்லி இயக்குனர் டார்ச்சர் கொடுத்து வருகிறார். ஏற்கெனவே நன்றி கடனுக்காக நடித்துக் கொடுத்த வில்லங்க படம் கடைத்தெரு நடிகைக்கு சரிவை கொடுத்தது. இப்போது ஊரைச் சுற்றி வந்து புராணப் படம் எடுக்கிறார் அந்த இயக்குனர். அதிலும் தனக்கு ஜோடியாக நடிக்கச் சொல்லி கடைத்தெரு நடிகையை டார்ச்சர் செய்தார். டிமிக்கி கொடுத்து வந்தார் நடிகை. ஆனாலும் இயக்குனர் விடுவதாக இல்லை. தனது கடந்தகால வாழ்க்கை பற்றி பேச ஆரம்பித்து விடுவாரோ என்று பயந்த நடிகை. நடித்து முடிக்கும் வரை யாரிடமும் சொல்லக்கூடாது என்ற நிபந்தனையோடு நடிக்க ஒப்புக் கொண்டு நடித்தும் வந்தார். ஆனால் இயக்குனர் ஒரு நல்ல சந்தர்ப்பத்துக்காக காத்திருந்தார்.

சென்னை புறநகரில் நடிகை நடித்துக் கொண்டிருந்தபோது சின்ன மின்சார வயரில் மிதித்து விட்டார், இதனால் அதிர்ச்சி அடைந்த நடிகை "ஆ..." என்று கத்தி பின்பு சுதாரித்துக் கொண்டு அடுத்த ஷாட்டுக்கு ரெடியாகிவிட்டார். பார்த்தார் இயக்குனர் இதுதான் சரியான சந்தர்ப்பம் என்று முடிவு செய்தார். "அய்யோ ஹீரோயினியை பவர் அட்டாக் பண்ணிடுச்சு" என்று செய்தியை பரப்பி விட்டார். இயக்குனர் திட்டமிட்டபடியே மீடியாக்கள் நடிகைக்கு கரண்ட் ஷாக் அடித்த செய்தியோடு அவர் படத்தில் இவர் நடிக்கும் செய்தியையும் வெளியிட்டது. எப்படி என் பவர் பாலிட்டிக்ஸ் என்று இயக்குனர் புன்சிரிப்போடு தொடர்ந்து படம் எடுத்துக் கொண்டிருக்கிறார்.

• 
  ஷில்பா செட்டி மற்றும் ராஜ் குந்த்ராவின் 97 கோடி சொத்துக்கள் முடக்கம்!
• 
  'வார்-2' படப்பிடிப்பில் ஜிம் பயிற்சியாளரை மகிழ்வித்த ஜூனியர் என்டிஆர்
• 
  தொடர் தோல்வியில் தவிக்கும் அக்ஷய் குமார் :'சர்பிரா' காப்பாற்றுமா ?
• 
  அமிதாப், ஏ.ஆர்.ரஹ்மானுக்கு லதா மங்கேஷ்கர் விருது
• 
  சரியான நேரத்தில் சரியானதை செய்துள்ளேன் - வித்யா பாலன்

• 
  மீண்டும் இயக்குனரிடம் சரண்டர்
• 
  'ராசி' பட விழா ரத்துக்கு காரணம் இதுதானா ?
• 
  தமிழில் மூடப்படும் பிரபல ஓடிடி தளம் ?
• 
  அடிக்கடி 'எஸ்கேப்' ஆகும் சங்க செயலாளர்
• 
  டென்ஷன் ஆன காமெடி