இருட்டு ரகசியங்களை படமாக்கப்போகிறார் சோனா?

 கவர்ச்சி நடிகையாக சினிமாவில் களமிறங்கியவர் சோனா. இப்போதுவரை அந்த பெயரை தக்க வைக்கும்படியான வேடங்களிலேயே நடித்து வருகிறார். என்றாலும் அவ்வப்போது தனது திறமைக்கேற்ற களம் கிடைக்கவில்லை என்று இயக்குனர்கள் மீது குற்றச்சாட்டுகளை அள்ளி விட்டு வருகிறார். அதேபோல், கனிமொழி என்ற படத்தின் மூலம் தயாரிப்பாளராகவும் தன்னை பிரகடனம் செய்தார் சோனா. ஆனால் அந்த படத்தின் தோல்விகாரணமாக, அதன்பிறகு படம் தயாரிப்பதையே கிடப்பில் போட்டார்.

அதேசமயம் தனது வாழ்வில் நடந்த இருட்டு ரகசியங்களை முழு கதையாக மாற்றி தான் இயக்குனராகப்போவதாகவும் முன்பே அறிவித்திருந்தார். அதை இப்போது நிறைவேற்ற களம் இறங்கி நிற்கிறார் சோனா. தேவ் என்ற பெயரில் இயக்கும் அப்படத்தை அவரே தயாரிக்கிறார். எந்த மாதிரியான கதை என்பதை இப்போது சஸ்பென்சாக வைத்திருக்கிறார். என்றாலும் சோனா படம் இயக்குகிறார் என்றால் அதில் ஏதாச்சம் சர்ச்சைக்குரிய விசயம் இல்லாமல் இருக்காது என்று ஆவலுடன் எதிர்நோக்கியுள்ளது சினிமா உலகம்.