ரத்னம் படத்திற்கு கட்டப்பஞ்சாயத்து : விஷால் வேதனை | நகைகள் மாயமானதாக புகார் : ஞானவேல்ராஜா வீட்டு பணிப்பெண் தற்கொலை முயற்சி | துருவ் விக்ரமிடம் பேச்சுவார்த்தையை தொடங்கிய சுதா | ‛இந்தியன் 2' படத்தின் தாத்தா வராரு என்ற முதல் பாடல் விரைவில் வெளியாகிறது | நடிகர் மன்சூர் அலிகான் காங்கிரஸ் கட்சியில் இணைகிறார் | வடக்கன் பட டீசர் வெளியானது | விக்ரமின் 'வீர தீர சூரன்' படப்பிடிப்பு இன்று துவங்கியது | 'கல்கி 2898 ஏடி' : ஒவ்வொருவருக்கும் இவ்வளவு சம்பளமா ? | பஹத் பாசில் படத்தை ஒருபோதும் மிஸ் பண்ணாதீர்கள் : சமந்தா | போதை ஆசாமிகளின் தாக்குதலுக்கு ஆளானேன் : உறுமீன் இயக்குனர் அதிர்ச்சி தகவல் |
2018ம் ஆண்டு முடிவதற்கு இன்னும் பத்து நாட்களே உள்ளன. இந்த வாரமும், அடுத்த வாரமும் வெளியாகும் படங்களுடன் இந்த வருடத்திய வெளியீடுகள் நிறைவடைகின்றன. இந்த ஆண்டில் இதுவரை சுமார் 170 படங்கள் வெளிவந்துள்ளன. இன்னும் சுமார் 10 படங்கள் வெளிவர வாய்ப்புள்ளன. ஆக, மொத்தமாக இந்த வருடப் படங்களின் எண்ணிக்கை 180ஐத் தாண்டினால் ஆச்சரியம் தான்.
இந்த வருடத்தில் அதிகப் படங்களில் நடித்த நடிகர் என்ற பெருமையை விஜய் சேதுபதி பெறுகிறார். அவர் நடித்து இந்த வருடத்தில் 'ஒரு நல்ல நாள் பாத்து சொல்றேன், ஜுங்கா, செக்கச் சிவந்த வானம், 96, சீதக்காதி' ஆகிய படங்கள் அவருடைய திரைப்படப் பட்டியலில் சேரும்.
சிறு சிறு கதாபாத்திரங்களில் நடித்து வந்த விஜய் சேதுபதி, 2010ம் ஆண்டு வெளிவந்த 'தென்மேற்குப் பருவக்காற்று' படத்தின் மூலம் நாயகனாக அறிமுகமானார். 8 வருடங்களில் 25 படங்களைத் தொட்டுள்ளார். நாளை(டிச.,19) வெளியாக உள்ள 'சீதக்காதி' படம் விஜய் சேதுபதிக்கு 25வது படம்.
இந்த வருடத்திய படங்களில் விஜய் சேதுபதிக்கு 'செக்கச் சிவந்த வானம், 96' ஆகிய படங்கள் வெற்றிப் படங்களாகவும், 'ஒரு நல்ல நாள் பாத்து சொல்றேன், ஜுங்கா' தோல்விப் படங்களாகவும் அமைந்தன. 'சீதக்காதி' படத்தில் விஜய் சேதுபதி கௌரவத் தோற்றத்தில் தான் நடித்துள்ளார். அந்தப் படத்தின் வெற்றியும், தோல்வியும் அவரை பெரிதும் பாதிக்க வாய்ப்பில்லை.
2018 போலவே 2019லும் அதிகப் படங்களில் நடிக்கும் நடிகர் என்ற பெருமை விஜய் சேதுபதிக்கே கிடைக்கும் வாய்ப்புள்ளது. 2019 பொங்கலுக்கு அவர் நடித்து 'பேட்ட' படம் வெளிவர உள்ளது. அடுத்து 'சூப்பர் டீலக்ஸ்' படம் வெளியாகலாம். அதன் பின்னர் 'மாமனிதன், இடம் பொருள் ஏவல்' ஆகிய படங்கள் வெளிவரலாம். தெலுங்கில் 'சைரா நரசிம்ம ரெட்டி' படம் வெளிவரும்.
தமிழ் சினிமாவில் தன் யதார்த்தமான நடிப்பால் தனக்கென தனி இடத்தை இந்த 2018ம் ஆண்டில் விஜய் சேதுபதி உருவாக்கிவிட்டார். அதற்கு '96' படத்தின் வெற்றி மிக முக்கிய காரணமாக அமைந்துவிட்டது. இனி வரும் காலங்களிலும் விஜய் சேதுபதியிடமிருந்து வித்தியாசமான படங்களையே ரசிகர்கள் எதிர்பார்க்கிறார்கள்.