Advertisement

சிறப்புச்செய்திகள்

நீங்கள் இங்கே இருக்கிறீர்கள்: முகப்பு » ஸ்பெஷல் ரிப்போர்ட் »

சர்கார்' பாடல்களில் காணாத தமிழ் - விமர்சனம்

03 அக், 2018 - 12:27 IST
எழுத்தின் அளவு:
How-is-Sarkar-songs-?---Here-the-Review

சன் பிக்சர்ஸ் தயாரிப்பில், ஏ.ஆர்.முருகதாஸ் இயக்கத்தில், ஏ.ஆர்.ரகுமான் இசையமைப்பில் விஜய், கீர்த்தி சுரேஷ், வரலட்சுமி, யோகி பாபு மற்றும் பலர் நடிக்கும் 'சர்கார்' படத்தின் இசை வெளியீடு நேற்று(அக்., 2) நடைபெற்றது.

ஏற்கெனவே இரண்டு சிங்கிளாக, 'சிம்டாங்காரன், ஒரு விரல் புரட்சி' ஆகிய பாடல்களை தனித் தனியே வெளியிட்டார்கள். நேற்று படத்தில் இடம் பெற்றுள்ள மற்ற மூன்று பாடல்களான 'சிஇஓ இன் தி ஹவுஸ், ஓஎம்ஜி பொன்னு, டாப் டக்கர்' ஆகிய பாடல்கள் வெளியிடப்பட்டன.

ஐந்து பாடல்கள் படத்தில் இடம் பெற்றுள்ள நிலையில் தமிழ்ப் படமான 'சர்கார்' படத்தின் பெயரில் ஹிந்தியின் தாக்கமும், பாடல்களில் ஆங்கிலத் தாக்கமும் அதிகமாக இருக்கின்றன. தமிழ் வார்த்தைகளையும், வரிகளையும் தேடிப் பார்க்க வேண்டியதாக உள்ளது.

'மெர்சல்' படத்தில் 'ஆளப் போறான் தமிழன்' என தமிழ் மீதும், தமிழ் மக்களின் மீதும் அதிகப் பாசம் இருப்பதாகக் காட்டிக் கொண்ட விஜய், இந்தப் படத்தில் ஆங்கில வார்த்தைகளுக்கு அதிக முக்கியத்துவம் கொடுக்கப்பட்ட பாடல்களை ஏற்றுக் கொண்டது ஆச்சரியமாக உள்ளது.

அர்த்தம் தெரியாத தமிழ் வார்த்தைகள்
'சிம்டாங்காரன்' பாடலில் இடம் பெற்ற சென்னைத் தமிழ் வார்த்தைகளுக்கு தமிழிலேயே என்ன அர்த்தம் என்று இன்னமும் பலரும் தேடிக் கொண்டிருக்கிறார்கள்.

ஆறுதல் தந்த புரட்சி


'ஒருவிரல் புரட்சி' பாடலில் மட்டும் விஜய்யின் அரசியல் எண்ணத்தை வெளிப்படுத்தும் பாடலாக உள்ளதால் தமிழ் வார்த்தைகளைச் சேர்த்து அதை மட்டும் தமிழ்ப் பாடலாக உருவாக்கியிருக்கிறார்கள்.

எந்திரன் ஞாபகம்
நேற்று வெளியான பாடல்களில் 'சிஇஓ இன் த ஹவுஸ்' பாடலின் ஆரம்ப இசையைக் கேட்கும் போதே 'எந்திரன்' பாடலின் ஞாபகம் வருகிறது. போகப் போக அது உண்மைதான் என்று முழு பாடலுமே அட, ஆமாம்ல என அதை உறுதி செய்கிறது. இந்தப் பாடல் முழுவதுமே ஆங்கில வார்த்தைகளுக்கு நடுவில் மட்டுமே சில தமிழ் வார்த்தைகள் வருகிறது. 'பிளே ஆட எனை எனை, வேண்டுமா துணை துணை' என்ற வரிகளில் 'பிளே' என்பதற்குப் பதிலாக 'விளையாட எனை எனை' என்று எழுதிப் பாடினால் கூட டியூனில் உட்காருகிறது. அப்புறம் எதற்கு ஆங்கிலமோ ?. 'கூகுளே நாளைக்கு உன்னைத் தேடி மலைக்கணும்டா' என்று ஒரு வரி வருகிறது. ஏற்கெனவே, கூகுள் மொழி மாற்றத்தில் விஜய்யைக் கிண்டலடித்து சில மோசமான மொழி மாற்றத்தை யாரோ 'செட்' செய்தது ஞாபகத்திற்கு வந்து போகிறது. ஏற்கெனவே, விஜய்யை கூகுளில் மலைக்க வைத்து செய்துவிட்டார்கள்.

'டாப் டக்கர்' பாடலின் ஆரம்பமும் ஆங்கில வார்த்தைதான், தொடர்வதும் ஆங்கில வார்த்தைகள்தான். விஜய்யின் புகழ் பாடும் பாடலாக இந்தப் பாடல் அமைந்திருக்கிறது. நடுவே 'என்டே...என்டே' என்று வார்த்தை வருகிறது. அது என்ன மலையாளமா ?. ஒருவேளை மலையாள ரசிகர்களுக்கோ ?. 'அடங்கணும்யா, மடங்கணும்யா' என விஜய்யைச் சொல்கிறார்களா, அல்லது யாரைச் சொல்கிறார்கள் ?.

சமூக வலைதள வார்த்தைகள்
'ஓஎம்ஜி பொன்னு' பாடலின் ஆரம்ப இசையும் ஏற்கெனவே ஏஆர் ரகுமான் இசையில் கேட்ட இசையாகவே உள்ளது. இன்றைய இளைஞர்கள் சமூக வலைத்தளங்களில் சுருக்கமாக அழைத்துக் கொள்ளும் வார்த்தைகள் இந்தப் பாடலில் அதிகம் இடம் பெற்றுள்ளன, அவையும் ஆங்கிலம் மட்டும்தான். GR8, AKA, XOX, ASAP, BAE, BFF, ROFL, IMO, KIT, IDK, GM, GNSD, LOL, SH, HRU, HBD, SSOU, TY, CG, TC என பல ஆங்கில சுருக்க வார்த்தைகள் இருப்பதால் இந்தப் பாடல் இளம் ரசிகர்களை உடனடியாகக் கவர்ந்துவிடும்.

தமிழ் வார்த்தைகள் எங்கே?
ஆக நேற்று வெளியான 'சர்கார்' படத்தின் மற்ற மூன்று பாடல்கள், தமிழ்ப் பாடல்கள் அல்ல என்பது வருத்தத்துக்குரிய உண்மை. ரகுமான் இசையில் எத்தனையோ இனிமையான அழகான தமிழ்ப் பாடல்களைக் கேட்டு ரசித்த நமக்கு இந்தப் படத்தில் ஆங்கிலக் கலப்புடன் ஒரு அதிர்ச்சியைக் கொடுத்திருக்கிறார்.

பேசும் போது தமிழ், தமிழ் என அதிகமாகப் பேசும் கவிஞர்கள் கூட சினிமா என்று வந்துவிட்டால் தங்களது தமிழார்வத்தை மறந்துவிட்டு மற்ற மொழிகளுக்கு முக்கியத்துவம் தருவது தவறானது. இனியாவது, அவர்கள் தங்களின் தமிழார்வத்தைப் பற்றி மிகுதியாகப் பேசாமல் இருப்பது நல்லது. அது இந்தப் படத்தின் அனைத்துப் பாடல்களையும் எழுதியுள்ள விவேக்கிற்கும் பொருந்தும்.

டிரெண்ட்டிற்கு வராத பாடல்கள்

விஜய் நடிக்கும் படங்களின் பாடல்கள் வெளிவந்தால், உடனடியாக யு-டியூபில் டிரென்டிங்கில் உடனே நம்பர் 1 இடத்தைப் பிடித்து, தொடர்ந்து சில நாட்களுக்கு இருக்கும். இந்தப் படத்தின் பாடல்களைப் பொறுத்தவரையில் அது நடக்காமல் இருப்பதிலிருந்தே பாடல்களை ரசிகர்கள் எப்படி ரசிக்கிறார்கள் என்பதைப் புரிந்து கொள்ளலாம்.




சர்கார் பாடல்கள் விவரம்...

இசை - ஏஆர் ரகுமான், பாடல்கள் - விவேக்

01. சிஇஓ இன் த ஹவுஸ்...
பாடியவர்கள் - நகுல் அபயங்கர், பிளாசி

02. ஓஎம்ஜி பொன்னு...
பாடியவர்கள் - சித் ஸ்ரீராம், ஜோனிதா காந்தி

03. ஒருவிரல் புரட்சி....
பாடியவர்கள் - ஏஆர் ரகுமான், ஸ்ரீநிதி வெங்கடேஷ்

04. சிம்டாங்காரன்...

பாடியவர்கள் - பாம்பே பாக்யா, விபின் அனேஜா, அபர்ணா நாராயணன்

05. டாப் டக்கர்...

பாடியவர் - மோகித் சௌஹான்


Advertisement
கருத்துகள் (14) கருத்தைப் பதிவு செய்ய
எம்.ஆர்.ராதா நினைவலைகள்எம்.ஆர்.ராதா நினைவலைகள் செப்டம்பரில் சிறப்பித்த படங்கள் - ஓர் பார்வை செப்டம்பரில் சிறப்பித்த படங்கள் - ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய

வாசகர் கருத்து (14)

மனிதன் - Dubai,ஐக்கிய அரபு நாடுகள்
14 அக், 2018 - 09:00 Report Abuse
மனிதன் இந்த வீணாப்போனவர்களுக்கு இவ்வளவு நாள் வரி விளக்கு அளித்ததுதான் தப்பு தமிழ் பெயர் வைத்தால் வரி விளக்கு என்று இருக்கும்போது மாஞ்சி மாஞ்சி தேடிப்பிடித்து வைத்தார்கள் ஆனால் இப்போ பாருங்கள் ஒரு பய புள்ள வைக்க மாட்டேங்குது படத்து பெற கேட்டாலே நமக்கே சந்தேகம் வருது இது தமிழ் படம்தானா என்று நடிகரைப்பார்த்துதான் தெரிந்துகொள்ளவேண்டி இருக்கு
Rate this:
Vasudevan Srinivasan - Chennai,இந்தியா
11 அக், 2018 - 18:49 Report Abuse
Vasudevan Srinivasan மெர்சல் என்பதே ஒரு அர்த்தமில்லாத வார்த்தைதானே.. தமிழ்த் திரைப்படங்களில் பாடல்கள் செத்து பல ஆண்டுகள் ஆகிவிட்டது..
Rate this:
Visvalingam Subramaniam - Sinbgapore,சிங்கப்பூர்
04 அக், 2018 - 13:53 Report Abuse
Visvalingam Subramaniam இப்போதைய தமிழ்த் திரைப் பாடல்கள் தமிழ் மொழியைச் சீரழிக்கின்றன. அந்தப் பாடல்கள் எந்த வகையிலும் தமிழ் மொழிக்கு ஏற்றம் தருவதாக இல்லை. ஓரு காலத்தில் தமிழ் திரைப் பாடல்களைக் கேட்டு தமிழ் அறிவை வளர்த்துக் கொண்டோம். அந்த பரம்பரையைச் சேர்ந்தவன் நான். ஆனால் இன்று, தமிழ் அறிவை பாழாக்குகிறது திரைப் பாடல்கள், தமிழ் ரசிகன், பாடலாசிரியர், இசை அமைப்பாளர், இயக்குனர், தயாரிப்பாளர், இந்த அளவுக்கு மொழி, இனப்பற்று இல்லாத, சொரணை அற்றவர்களாக மாறி விட்டார்களே என்று நினைக்கும் போது மிகவும் வேதனையாக இருக்கிறது.
Rate this:
Mohammad rafi - DUBAI,ஐக்கிய அரபு நாடுகள்
04 அக், 2018 - 12:45 Report Abuse
Mohammad rafi 420 விஜய், மக்களுக்கு நல்லது செய்வதுபோல பாஷன்க்கு செய்வதும் அரசாங்கத்தை ஏமாற்றுவதும் அவனுடைய பொழுது போக்கு ..பாவம் தமிழன்ஸ் ...
Rate this:
Anand - chennai,இந்தியா
04 அக், 2018 - 11:13 Report Abuse
Anand விளங்காத பயல். இந்த லட்சணத்தில் பெரிய அப்பாடக்கரு மாதிரி பில்டப்பு வேறு.
Rate this:
மேலும் 9 கருத்துக்கள்...

உங்கள் கருத்தைப் பதிவு செய்ய

Login :
OR )Login with
New to Dinamalar ?
(Press Ctrl+g or click this   to toggle between English and Tamil)
Advertisement
Advertisement

டாப் 5 படங்கள்

  • வரவிருக்கும் படங்கள் !
    Tamil New Film Pettikadai
    • பெட்டிக்கடை
    • நடிகர் : சமுத்திரக்கனி
    • நடிகை : சாந்தினி
    • இயக்குனர் :இசக்கி கார்வண்ணன்
    Tamil New Film Ispet rajavum idhaya raniyum
    Tamil New Film Viswasam
    • விஸ்வாசம்
    • நடிகர் : அஜித் குமார்
    • நடிகை : நயன்தாரா
    • இயக்குனர் :சிவா
    Tamil New Film Neeya 2
    • நீயா 2
    • நடிகர் : ஜெய்
    • நடிகை : வரலெட்சுமி ,கேத்ரின் தெரஸா
    • இயக்குனர் :எல்.சுரேஷ்
    dinamalar-advertisement-tariff-2018

    Tweets @dinamalarcinema

    Advertisement
    Copyright © 2018 Dinamalar , No.1 Tamil website in the world. All rights reserved. Mail as Your Suggestion to webmaster@dinamalar.in