Advertisement

சிறப்புச்செய்திகள்

நீங்கள் இங்கே இருக்கிறீர்கள்: முகப்பு » ஸ்பெஷல் ரிப்போர்ட் »

2.0 : இரண்டு பாடல்களும் இனிக்கிறதா...?

28 அக், 2017 - 15:13 IST
எழுத்தின் அளவு:
How-is-2.O-Songs?

ஏ.ஆர்.ரகுமான் இசையில், நா.முத்துக்குமார், மதன் கார்க்கி பாடல்களை எழுதியுள்ள 2.0 படத்தின் இசை வெளியீடு நேற்று துபாயில் பிரம்மாண்டமாக நடைபெற்றது. இந்திய நேரப்படி அதிகாலையில் விழா நடந்து முடிந்த பின்னும் அதிகாரப்பூர்வ இணையதளங்களில் பாடல்களை தாமதமாகவே வெளியிட்டார்கள். ஆனால், நேற்று இரவே பல்வேறு இணையதளங்களில் பாடல்கள் லீக் ஆகி படக் குழுவினரை அதிர்ச்சியடைய வைத்தன.

படத்தில் இடம் பெற்றுள்ள மூன்று பாடல்களை, நா.முத்துக்குமார், மதன் கார்க்கி 2.0 படத்தின் பாடல்களை எழுதியிருந்தாலும் நேற்று மதன் கார்க்கி எழுதிய இரண்டு பாடல்களான எந்திர லோகத்து...., ராஜாளி ஆகிய இரண்டு பாடல்களை மட்டுமே வெளியிட்டனர். மறைந்த நா. முத்துக்குமார் எழுதிய பாடலை நேற்று வெளியிட்டிருந்தால் அவருக்கும் அவருடைய புகழுக்கும் ஒரு அஞ்சலி செலுத்தியதாக இருந்திருக்கும்.

எந்திர லோகத்து சுந்தரியே... பாடலை சித் ஸ்ரீராம், ஷாணா திருப்பதி ஆகியோர் பாடியுள்ளார்கள். இந்தப் பாடலைக் கேட்பதற்கு எந்திரன் படத்தில் இடம் பெற்ற இரும்பிலே ஒரு இருதயம் பாடலைக் கேட்பது போலவே உள்ளது. அச்சம் என்பது மடமையடா படத்தில் தாமரை எழுதி இடம் பெற்ற ராஜாளி என்ற வார்த்தையை மதன் கார்க்கி இந்தப் பாடலிலும், இரண்டாவது பாடலிலும் பயன்படுத்தியது ஏனோ?.

எந்திர லோகத்து.. பாடலின் ஆரம்பமே உயிரே..உயிரே... என ஆரம்பமாவதே முரணாக உள்ளது. ஆண் ரோபோவும், பெண் ரோபோவும் பாடல் ஆக இது இருக்கலாம். பாடல் ஆரம்பத்தில் பெண் குரல், உயிரில்லாத ஆண் ரோபோவைப் பார்த்து உயிரே உயிரே எனப் பாடுகிறது. அடுத்து ஆண் ரோபோ, ரத்தம் இல்லா கன்னம் ரெண்டில் முத்தம் வைக்கட்டா என பெண் ரோபோவைப் பார்த்து பாடுவது போல் எழுதப்பட்டுள்ளது. என் கணி மடி, கணினி ரஜினி நீ என ரஜினியின் பெயரையும் குறிப்பிட்டிருப்பது அருமை.

“சென்சார், கேபிள், விசைப் பொறி, குறும் பதிவு, கடவுச் சொல், கணி மடி, கணினி,” வழக்கம் போல கணினி சார்ந்த அறிவியல் வார்த்தைகளுடன் விளையாடியிருக்கிறார் மதன் கார்க்கி. சித் ஸ்ரீராம், ஷாஷா குரல்கள் பாடலில் தனித்துத் தெரிகின்றன.

இரண்டாவது பாடல் ராஜாளி நீ காலி. பாடலின் ஆரம்பம் ஐசா கசுமோ பேரன்டா என ஆரம்பமாகிறது. மதன் கார்க்கி விளக்கினால் நலம். இந்தப் பாடலிலும் ராஜாளி நீ காலி என்கிறார்கள். எந்திர லோகத்து பாடலில், என் உயிரே உயிரே ராஜாளியே, எனை நீ பிரியாதே என்கிறார்கள்.

ராஜாளி நல்லவரா, கெட்டவரா... அவர் யார் எனத் தெரியவில்லை. இந்தப் பாடலில் அடுத்து நரகத்துக்கு நீ விருந்தாளி என்று வேறு ராஜாளியைச் சொல்கிறார்கள். அடுத்து பாடலில் சொல்லப்படும் அளவீடு வார்த்தைகளான பொடி மாசு, குட்ட, ஆறே அங்குலம், ரன்கூஸ்கி (எந்திரன் கொசு) களைப் பார்க்கும் போது இந்தப் பாடலில் பல குள்ளமான ரோபோக்கள் சேர்ந்து பாடுவார்கள் போலத் தெரிகிறது.

எந்திர லோகத்து, ராஜாளி ஆகிய இரண்டு பாடல்களிலும் கற்பனையின் உச்சம் வார்த்தைகளில் வந்து விழுந்திருக்கிறது. இசையாகப் பார்க்கும் போது இரண்டு பாடலுக்கும் பெரிய வித்தியாசம் இல்லை என்றே தோன்றுகிறது. இருந்தாலும் ஏ.ஆர்.ரகுமான் ரசிகர்களும், ரஜினிகாந்த் ரசிகர்களும் பாடல்களைக் கொண்டாடுவார்கள்.

ஷங்கர் படம் என்றாலே பாடல்களை ஒலி வடிவில் கேட்பதை விட ஒளியாக, பேரொளியாக அதைத் திரையில் பார்க்கும் போது நம் கற்பனைக்கும் எட்டாத காட்சியாக விரியும் என்பது நிஜம். அது இந்த இரண்டு பாடலையும் ஷங்கர் எப்படி படமாக்கியிருப்பார் என்று நம்மை இப்போதே கற்பனை செய்ய வைக்கிறது.

Advertisement
தீபாவளிப் படங்கள் ஒரு கண்ணோட்டம்தீபாவளிப் படங்கள் ஒரு கண்ணோட்டம் 10வது மாதத்தில் கிடைத்த வெற்றி - 2017ன் 10 மாதப் படங்கள் ஓர் பார்வை 10வது மாதத்தில் கிடைத்த வெற்றி - 2017ன் 10 ...


வாசகர் கருத்து (8)

Parthiban V - Tamilnadu,இந்தியா
11 நவ, 2017 - 12:20 Report Abuse
Parthiban V பாடல்கள் ரஹ்மான் பாடல்கள் போல் இல்ல, அனிருத் பாடல்கள் மாதிரி இருக்கு, ரொம்ப மொக்கை..இத ரிலீஸ் பண்ணாமல் இருந்துருக்கலாம்.
Rate this:
Neelaa - Atlanta,யூ.எஸ்.ஏ
31 அக், 2017 - 01:08 Report Abuse
Neelaa பாடல்கள் ரொம்ப ரொம்ப சுமார். ஏ ஆர் ரஹ்மான் இசையமைத்தாரா? நம்பவே முடியவில்லை.
Rate this:
LAX - Trichy,இந்தியா
29 அக், 2017 - 03:00 Report Abuse
LAX அரசியல் (போர்) களத்தில் கமலைக் கண்டதுமே 'போடா' ஆண்டவனே நம் பக்கம் இருக்கான்' என்று சினிமா டயலாக் அடித்துவிட்டு 'விக்கிரமாதித்தனும் - வேதாளமும்' டைப்பில் மீண்டும் அவரது பைத்தியக்கார ரசிகர்??களை 'அரசியலுக்கு வா தலைவா' என்று கெஞ்ச வைத்து /அலைக்கழித்து வேடிக்கை விளையாட்டு காட்ட ஆரம்பித்து விடுவார்.. மேலும், 'இன்னும் என்னிடம் ஆண்டவன் எதுவும் சொல்லவில்லை' - கட்சி எல்லாம் இப்போ நமக்கெதுக்கு.. காலத்தின் கையில் அது இருக்கு..' என்று கூலாக அடுத்த படத்துக்கு அக்ரீமெண்ட் ஸைன் பண்ண கிளம்பிடுவாரு.. & ரசிகர்களுக்கு - பிம்பிளிக்கி பிளாப்பி தான்..
Rate this:
Krish - Madurai,இந்தியா
28 அக், 2017 - 17:40 Report Abuse
Krish பாடல் பிரமாதமாக ஒன்றும் இல்லை. கேட்க கேட்கத்தான் நன்றாக இருக்கும் என்று கூறுவார்கள்.
Rate this:
balaji -  ( Posted via: Dinamalar Android App )
28 அக், 2017 - 17:13 Report Abuse
balaji பாடல்கள் இரண்டும் ஏறத்தாழ ஓரே டியூன். இதற்கு எதற்கு இவ்வளவு மெனக்கெடல் இத்தனை வருடம் என புரியவில்லை. பாடல்கள் சரியில்லை என்பதே உண்மை. ஆனால் இத்திரைப்பபடத்தில் பாடல்களுக்கு வேலை இல்லை என்றே எண்ண தோன்றுகிறது. பாடல்களில் சறுக்கிவிட்ட ரகுமான் அவர்கள் சரி பின்னணி இசையிலாவது சாதிப்பாரா என்று பார்க்கலாம்
Rate this:
Ragu - Doha,கத்தார்
02 நவ, 2017 - 19:57Report Abuse
RaguARR....he is out of field and creating different combinations of noise in the name of music...
Rate this:
மேலும் 2 கருத்துக்கள்...

உங்கள் கருத்தைப் பதிவு செய்ய

Login :
OR )Login with
New to Dinamalar ?
(Press Ctrl+g or click this   to toggle between English and Tamil)
Advertisement
Advertisement

டாப் 5 படங்கள்

  • வரவிருக்கும் படங்கள் !
    Tamil New Film Dhuruva natchathiram
    Tamil New Film Bhaskar oru Rascal
    Tamil New Film Billa Pandi
    • பில்லா பாண்டி
    • நடிகர் : ஆர் கே சுரேஷ்
    • நடிகை : சாந்தினி
    • இயக்குனர் :சரவண சக்தி
    Tamil New Film Yavanum Puthanillai

    Tweets @dinamalarcinema

    Advertisement
    Copyright © 2017 Dinamalar , No.1 Tamil website in the world. All rights reserved. Mail as Your Suggestion to webmaster@dinamalar.in