டைம் டிராவல் கதையா...! : வெளியானது ரஜினி 171 பட அப்டேட் | சூர்யாவின் 44வது படத்தை இயக்கும் கார்த்திக் சுப்பராஜ் | மலையாள பிக்பாஸ் நிகழ்ச்சியில் கைகலப்பு : போட்டியாளர் மருத்துவமனையில் அனுமதி | இயக்குனர் சங்கத்தில் உறுப்பினர் அட்டை பெற்றார் மோகன்லால் | சூர்யா நடிக்கயிருந்த கதையில் விஜய் சேதுபதி | ரூ.100 கோடி பட்ஜெட்டில் உருவாகும் சிவகார்த்திகேயன் படம் | மல்டி ஸ்டார் படமாக உருவாகும் இளையராஜா பயோபிக் | திருமணத்தில் அப்பா விவேக்கின் கனவை நனவாக்கிய மகள் தேஜஸ்வினி | சித்தார்த் - அதிதிக்கு நிச்சயதார்த்தம் நடந்தது...! - இருவரும் அறிவிப்பு | ஏப்ரல் மாதத்தில் ரஷ்யா செல்லும் ‛தி கோட்' படக்குழு |
கடந்தவருடம் மலையாளத்தில் சூப்பர்ஹிட்டடித்த சாதாரண பட்ஜெட் படம் தான் 'இதிகாசா'. இரண்டு மோதிரங்களினால் ஆண் பெண்ணாவதும், பெண் ஆணாவதும் அதன்பின் நடக்கும் கலாட்டாக்களுமாக சுவாரஸ்யமாக கதை சொல்லியிருந்தார்கள். இந்தப்படத்தின் வெற்றியை கொண்டாடி முடிப்பதற்குள் அதில் ஹீரோவாக நடித்த டாம் சாக்கோ போதைப்பொருள் பயன்படுத்திய வழக்கில் கடந்த பிப்ரவரியில் கைது செய்யப்பட்டார். பின்னர் ஜாமீனில் விடுதலையானார். இருந்தாலும் தென்னை மரத்தில் தேள் கொட்டினால் பனைமரத்தில் நெறி கட்டியதுபோல டாம் சாக்கோ 'இதிகாசா' படத்தில் நடித்த காரணத்தால் கொஞ்ச காலம் அந்த படக்குழுவினரும் போலீசாரின் சந்தேக வட்டத்தில் சிக்கி அலைக்கழிக்கப்பட்டனர்.
தற்போது அதிலிருந்து ஒரு வழியாக மீண்டுவிட்ட அந்தப்படத்தின் இயக்குனர் பினு தனது அடுத்த படமான 'ஸ்டைல்' படத்தையும் இயக்கி முடித்துவிட்டார். இதில் இயக்குனரின் பெருந்தன்மை என்னவென்றால் போதை வழக்கில் இருந்து ஜாமீனில் வெளிவந்த டாம் சாக்கோவையே மீண்டும் இந்தப்படத்தில் கதாநாயகனாக்கி இருப்பதுதான். ஒரு கார் மெக்கானிக், அவனை விட பத்து வயதுக்குமேல் குறைந்த வயது கொண்ட அவனது தம்பி, மெக்கானிக்கின் காதலி ஆகியோரை சுற்றி இந்த கதை பின்னப்பட்டுள்ளதாம். பழமையான கார்களாக சேகரிக்கும் நபர் ஒருவர் இவர்களது வாழ்க்கையில் குறுக்கிட, அதன்பின் நடப்பதை ஆக்சன், காமெடி என சரிசமமாக கலந்து படமாக்கியுள்ளாராம் இயக்குனர் பினு.