Advertisement

சிறப்புச்செய்திகள்

நீங்கள் இங்கே இருக்கிறீர்கள்: முகப்பு » ஸ்பெஷல் ரிப்போர்ட் »

ஒளிப்பதிவு தனித்து தெரியக்கூடாது - டிமான்ட்டி காலனி ஒளிப்பதிவாளர் அரவிந்த்

05 ஜூலை, 2015 - 15:24 IST
எழுத்தின் அளவு:
Cinematographer-Aravind-interview

டிமான்ட்டி காலனி. இளம் கூட்டணியில் உருவாகிய படம். அதில் பலரின் கவனத்தை ஈர்த்தது... திகில் தருணங்களில் அசராமல் அசத்தி இருக்கும், அரவிந்தின் ஒளிப்பதிவு! 27 வயது இளைஞன்; ஐந்து ஆண்டுகளாக தமிழ் சினிமாவில் ஒளிப்பதிவின் வசம் இருப்பவர்; இரண்டு ஆண்டுகளாக சந்தோஷ் சிவனின் நிழலில் வளர்ந்தவர். அந்த அனுபவத்துடன், தன் முதல் படத்திற்கு பிள்ளையார் சுழி போட்டிருக்கிறார்.


'நான் தொல்லியல் ஆராய்ச்சியாளர் ஆகணும்னு ஆசைப்பட்டவன். இப்போ 'சினிமா பக்கம்' வந்துட்டேன்!' பேச ஆரம்பிக்கிறார், அரவிந்த்!


சினிமாவுக்கு அரவிந்த் நுழைந்தது?


என் சொந்த ஊர் வேலூர். படிச்சது, சென்னையில இருக்கிற லதா ரஜினிகாந்தோட ஆஸ்ரம் பள்ளியில்! அங்கேதான் எனக்கு சினிமா ஆர்வம் வந்தது. அதே ஆர்வத்துல, விஷுவல் கம்யூனிகேஷனும்; மும்பையில இருக்கிற ஒரு பிலிம் இன்ஸ்டிடியூட்ல போஸ்ட்-புரொடக் ஷனும் படிச்சேன். 2010ல, சந்தோஷ் சிவன் சார்கிட்டே அசிஸ்டென்டா சேர்ந்துட்டேன்.


போஸ்ட்-புரொடக்ஷன் படிச்சிட்டு எப்படி ஒளிப்பதிவு?


எனக்கு சின்ன வயசுல இருந்தே ஓவியங்கள் மேல ஈடுபாடு அதிகம். அதே மாதிரி, ஒரு விஷயத்தை எப்படி கிரியேட்டிவா காட்டுறதுன்னு ரொம்ப யோசிப்பேன். அந்த முனைப்பு, ஒளிப்பதிவு பக்கம் என் கவனத்தை திருப்பிடுச்சு.


இயக்குனர் அஜய் ஞானமுத்துவும், நீங்களும்...


'துப்பாக்கி' படத்துல, ஏ.ஆர்.முருகதாஸ் சாரோட உதவி இயக்குனர் அஜய் ஞானமுத்து. சந்தோஷ் சிவன் சாருக்கு உதவி ஒளிப்பதிவாளர் நான். அப்போ, நண்பர்கள் ஆனோம்! படப்பிடிப்புல அஜய் ரொம்ப, 'துறு துறு'ன்னு இருப்பான். நான் சோர்ந்து போகும்போதெல்லாம், எனக்கு 'எனர்ஜி' கொடுக்கிறது அவன் தான்!


உங்கள் பார்வையில் ஒளிப்பதிவு...


ஒரு திரைக்கதைக்கு உயிர் கொடுக்கிறதே ஒளிப்பதிவு தான். அது, கதையை விட்டு விலகாம இருக்கணும். படத்துல ஒளிப்பதிவு மட்டும் தனியா தெரிஞ்சா, அந்த படம் தோல்வின்னு அர்த்தம்!


'டிமான்ட்டி காலனி' படத்தில், ஒரே அறையில் ஒளிப்பதிவு செய்த அனுபவம்?


மொத்தம், 36 நாள் ஷூட்டிங். சென்னை பின்னி மில்லுல செட் போட்டு எடுத்தோம். பெரும்பாலும், இருட்டிலேயே, 'ஷூட்' பண்ணினோம். இதுல ரொம்ப முக்கியமான விஷயம், லைட்டிங். கரன்ட் இல்லாம இருக்கிற ஒரு அறை. அதுல, சோடியம் லைட், மெழுகுவர்த்தி, 'லைட்ஹவுஸ்' வெளிச்சம்னு தத்ரூபமாக காட்ட முயற்சி பண்ணினேன். 'ப்ரேமிங்'ல ரொம்ப கவனமா இருந்தேன். குறிப்பா, 'ஒஜா போர்டு' பயன்படுத்தியிருக்கிற காட்சி, மெழுகுவர்த்தி வெளிச்சதுல மட்டுமே எடுத்தது. திகில் உணர்வை ஏற்படுத்த, இப்படி ஒளிப்பதிவு பண்ணியிருந்தேன்.


இந்த படத்துல பயன்படுத்தியிருக்கும் நிறங்கள் பற்றி...


முதல் பாதியில் ஒரு, 'ப்ளாஷ்பேக்' வரும். அதை கறுப்பு - வெள்ளையில காமிக்காம, 'பளிச்' நிறங்களை வைச்சி ரொம்ப வண்ணமயமா காட்டியிருப்போம். ஏன்னா, படத்துல இன்னொரு பாதி ஒரே அறைக்குள்ளே நடக்குது. அதுல வண்ணங்களை சேர்க்க முடியாது. 'ப்ளாஷ்பேக்' கலர்புல்லாவும், அறைக்குள்ளே நடக்குற காட்சிகள் நீல நிறத்துலேயும், 'க்ளைமாக்ஸ்' காட்சிகள் ஆரஞ்சு நிறத்துலேயும் இருக்கற மாதிரி பார்த்துக்கிட்டோம். இந்த வெரைட்டி, படம் பார்க்கும் ரசிகனை, சோர்வாக்காம இருக்கும்னு நினைச்சோம்.


சரி... நிஜமான டிமான்ட்டி காலனிக்குப் போய் இருக்கீங்களா?


அய்யய்யோ... அந்த பக்கம் கூட போனதில்லை!


ம்ம்ம்... அந்த பயம் இருக்கட்டும்!

Advertisement
கருத்துகள் (0) கருத்தைப் பதிவு செய்ய
மறக்க முடியுமா? - வெயில்மறக்க முடியுமா? - வெயில் 2021 - தமிழ் சினிமாவின் பாதை மாறுமா? ; காத்திருக்கும் சவால்கள்! 2021 - தமிழ் சினிமாவின் பாதை மாறுமா? ; ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய

வாசகர் கருத்து

No comments found

உங்கள் கருத்தைப் பதிவு செய்ய

Login :
New to Dinamalar ?
(Press Ctrl+g   to toggle between English and Tamil)

பேஸ்புக் மூலம் கருத்து தெரிவித்தவர்கள்

Advertisement
Advertisement

டாப் 5 படங்கள்

  • வரவிருக்கும் படங்கள் !
    Tamil New Film Na Na
    • நா நா
    • நடிகர் : சசிகுமார் ,
    • இயக்குனர் :NV நிர்மல்குமார்
    Tamil New Film Mayan
    • மாயன்
    • நடிகர் : வினோத் மோகன்
    • நடிகை : பிந்து மாதவி
    • இயக்குனர் :ராஜேஷ் கண்ணா
    Tamil New Film Devadas
    • தேவதாஸ்
    • நடிகர் : உமாபதி
    • நடிகை : ஐரா ,மனிஷா யாதவ்
    • இயக்குனர் :மகேஷ்.ரா
    Tamil New Film Yang Mang Chang
    • எங் மங் சங்
    • நடிகர் : பிரபுதேவா
    • நடிகை : லட்சுமி மேனன்
    • இயக்குனர் :எம்எஸ் அர்ஜூன்
    dinamalar-advertisement-tariff

    Tweets @dinamalarcinema

    Advertisement
    Copyright © 2024 Dinamalar - No.1 Tamil website in the world. All rights reserved. Mail Us Your Suggestion to webmaster@dinamalar.in