Advertisement

சிறப்புச்செய்திகள்

டைம் டிராவல் கதையா...! : வெளியானது ரஜினி 171 பட அப்டேட் | சூர்யாவின் 44வது படத்தை இயக்கும் கார்த்திக் சுப்பராஜ் | மலையாள பிக்பாஸ் நிகழ்ச்சியில் கைகலப்பு : போட்டியாளர் மருத்துவமனையில் அனுமதி | இயக்குனர் சங்கத்தில் உறுப்பினர் அட்டை பெற்றார் மோகன்லால் | சூர்யா நடிக்கயிருந்த கதையில் விஜய் சேதுபதி | ரூ.100 கோடி பட்ஜெட்டில் உருவாகும் சிவகார்த்திகேயன் படம் | மல்டி ஸ்டார் படமாக உருவாகும் இளையராஜா பயோபிக் | திருமணத்தில் அப்பா விவேக்கின் கனவை நனவாக்கிய மகள் தேஜஸ்வினி | சித்தார்த் - அதிதிக்கு நிச்சயதார்த்தம் நடந்தது...! - இருவரும் அறிவிப்பு | ஏப்ரல் மாதத்தில் ரஷ்யா செல்லும் ‛தி கோட்' படக்குழு |

நீங்கள் இங்கே இருக்கிறீர்கள்: முகப்பு » ஸ்பெஷல் ரிப்போர்ட் »

என் ஒளிப்பதிவு மரபுகளை மீறும்! - ஒளிப்பதிவாளர் எஸ்.ஆர். கதிர்

17 மே, 2015 - 14:13 IST
எழுத்தின் அளவு:
Cinematographer-S.R.Kathir-interview

இவரது பெயரில் உள்ள கதிர் போலவே, இவருக்கு தொழில்...கதிரும் (ஒளி) கதிர் சார்ந்த விஷயங்களும் தான்!. தமிழ் சினிமாவில், ஒளியில் விளையாடும் வல்லவர்களில் இவரும் ஒருவர். கற்றது தமிழ் படம் மூலம் இவருக்கு கிடைத்த பளிச் அடையாளத்தை , சுப்ரமணியபுரம், நாடோடிகள், ஈசன், போராளி ஆகிய படங்களில் தக்கவைத்துக்கொண்ட திறமைமிகு ஒளிப்பதிவாளர். சமீபத்தி்ல், ராஜதந்திரம் படம் மூலம், இவரின் கைவண்ணம் கைதட்டல் வாங்கியிருக்கும் நிலையில், லென்ஸ் எனும் இந்திய - ஆங்கில படத்தில் பணியாற்றிக்கொண்டிருக்கிறார்.


இப்ப இருக்கிற காலகட்டத்துல, ஒளிப்பதிவாளரா இருக்கிறது சுலபம் இல்ல ; அதேநேரத்துல , கஷ்டம் கிடையாது எனும் அர்த்தம் பொதிந்த வார்த்தைகளுடன், யதார்த்தமாய் நம்மிடம் பேசுகிறார் ஒளிப்பதிவாளர் எஸ்.ஆர்.கதிர்.




ஒரு படத்தி்ல், ஒளிப்பதிவின் பங்கு என்பது?


ஒரு காட்சி, பார்க்கிறதுக்கு நல்லா இருந்தாலே, அதுக்கு ஒளிப்பதிவு தான் காரணம்னு ஒரு பொதுவான கருத்து இருக்கு.ஆனா, அது உண்மையில்லை! சில் படங்களோட திரைக்கதை, தெள்ளத்தெளிவா இருக்கும் ; ஒளிப்பதிவுல இதுதான் இருக்கணும்னு தீர்க்கமா சொல்லிடும். ஆனா, சில திரைக்கதைகள் அப்படி அமையாது. அந்த படத்துல வர்ற காட்சிகளுககு, நாம எவ்வளவு தான் மெனக்கெட்டாலும் காட்சி சிறப்பா அமையாது. இந்தவகையில, திரைக்கதை தான் ஒளிப்பதிவு ஜொலிக்கிறதுக்கு முக்கிய காரணம்!


லென்ஸ் படத்துல என்ன சிறப்பு?


இன்றைய காலகட்டத்துல, சமூக வலைதளங்கள்ல நடக்கிற அநியாயங்களைப் பத்தி சொல்கிற ஒரு படம். இயக்குநர் பேரு, ஜெயபிரகாஷ் ராஜ். குறைஞ்ச பட்ஜெட்ல எடுக்கிற நல்ல படம். அதான், யோசிக்காம சரின்னு சொல்லிட்டேன்!


ராஜதந்திரம் படத்தில் ஏதேனும் சுவாரஸ்யம்?


குறைஞ்ச பட்ஜெட்ல எடுக்கிற படத்தை, ஒசத்தியா காட்டணும்ங்கறது தான், எங்களுக்கு இருந்த ஒரே எண்ணம்! ஹீரோ அர்ஜூனும், அவன் நண்பர்களும், நகைகளை திருடுறப்போ, அவங்க மூணு டார்ச் வைச்சிருக்கிற மாதிரி காமிச்சிருப்பேன். திரைக்கதைப்படி, அப்படியில்லை ; ஆனா, ஒளிப்பதிவோட சுவாரஸ்யத்திற்காக திரைக்கதை அனுமதிச்ச விஷயம் அது!


சசிக்குமார் - சமுத்திரக்கனி - கதிர் நட்பானது எப்படி?


மவுனம் பேசியதே படத்துல, இயக்குநர் அமீரோட உதவி இயக்குநர் சசிக்குமார் ; ஒளிப்பதிவாளர் ராம்ஜிக்கு உதவியா, நான்! இப்படித்தான் நாங்க நண்பர்கள் ஆனோம். சசிக்குமாரோட நண்பர் சமுத்திரக்கனி! நண்பனோட நண்பன் எனக்கும் நண்பன் இல்லையா ; இந்த அடிப்படையில, மூணு பேரும் ஒருத்தரை ஒருத்தர் நம்புறோம் ; தொடர்ந்து சேர்ந்து வேலை செய்றோம்! இந்த கூட்டணி தவிர, கற்றது தமிழ், ஒரு கன்னியும் மூன்று களவாணிகளும், ராஜதந்திரம் படங்களுக்கு, மற்ற இயக்குநர்களோட சேர்ந்தும் வேலை பார்த்திருக்கேன்.


உங்கள் ஒளிப்பதிவின் அடையாளம்?


முதல் விஷயம், என் ஒளிப்பதிவு எந்த மரபுகளையும் பின்பற்றாது. அப்புறம், ஒரு உலக சினிமா பார்த்துட்டு, அந்த படத்துல வர்ற மாதிரியே காட்சிகள் அமைக்கிற டிரெண்டு, எனக்கு சுத்தமா பிடிக்காது. என் கற்பனைத்திறன்ல இருந்து உருவாகுற விஷயத்தை, காட்சிப்படுத்தணும் ; இதுதான், எப்பவுமே என்னோட விருப்பம்!




உங்களை வியக்க வைத்த ஒளிப்பதிவாளர்கள்?


விடியும் முன் படத்துல, சிவகுமார் விஜயன் பண்ணியிருந்த ஒளிப்பதிவு நேர்த்தியா இருந்தது. அப்புறம், நான் மிகவும் மதிக்கிற, நேசிக்கிற, ஒளிப்பதிவாளர் பி.சி.ஸ்ரீராம் ஓ.கே.கண்மணியில கலக்கியிருந்தாரு. காட்சிக்கு காட்சி இருக்கிற தொடர்பை, ஒளிக்கலவையும் சரியா சொல்லணும். அதை, பி.சி.யோட ஒளிப்பதிவு எப்பவுமே கச்சிதமா பிரதிபலிக்கும். இதுலேயும், அமர்க்களமா இருந்தது!


இயக்குநராகும் எண்ணம்...?


இப்போதைக்கு இல்லை!


சீக்கிரமே அந்த எண்ணம் வரட்டும் ; வாழ்த்துக்கள்!

Advertisement
கருத்துகள் (0) கருத்தைப் பதிவு செய்ய
மறக்க முடியுமா? - வெயில்மறக்க முடியுமா? - வெயில் 2021 - தமிழ் சினிமாவின் பாதை மாறுமா? ; காத்திருக்கும் சவால்கள்! 2021 - தமிழ் சினிமாவின் பாதை மாறுமா? ; ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய

வாசகர் கருத்து

No comments found

உங்கள் கருத்தைப் பதிவு செய்ய

Login :
New to Dinamalar ?
(Press Ctrl+g   to toggle between English and Tamil)

பேஸ்புக் மூலம் கருத்து தெரிவித்தவர்கள்

Advertisement
Advertisement

டாப் 5 படங்கள்

  • வரவிருக்கும் படங்கள் !
    Tamil New Film Na Na
    • நா நா
    • நடிகர் : சசிகுமார் ,
    • இயக்குனர் :NV நிர்மல்குமார்
    Tamil New Film Mayan
    • மாயன்
    • நடிகர் : வினோத் மோகன்
    • நடிகை : பிந்து மாதவி
    • இயக்குனர் :ராஜேஷ் கண்ணா
    Tamil New Film Devadas
    • தேவதாஸ்
    • நடிகர் : உமாபதி
    • நடிகை : ஐரா ,மனிஷா யாதவ்
    • இயக்குனர் :மகேஷ்.ரா
    Tamil New Film Yang Mang Chang
    • எங் மங் சங்
    • நடிகர் : பிரபுதேவா
    • நடிகை : லட்சுமி மேனன்
    • இயக்குனர் :எம்எஸ் அர்ஜூன்
    dinamalar-advertisement-tariff

    Tweets @dinamalarcinema

    Advertisement
    Copyright © 2024 Dinamalar - No.1 Tamil website in the world. All rights reserved. Mail Us Your Suggestion to webmaster@dinamalar.in