Dinamalar

அவர் சொன்ன ஐ லவ் யூ! உஷ்... இது நடிகை நஸ்ரியாவின் ரகசியம்!!

"நேரம் நன்றாக இருந்தால், கதாநாயகிகள் கனவுக் கன்னியாவதை தடுக்க முடியாது. நாயகியே நன்றாக இருந்தால், கனவுக் கன்னியாக "நேரம் தடையிருக்காது. அப்படி ஒரு நாயகி தான், "நேரம் படத்தில் அறிமுகமான நஸ்ரியா. "காஷ்மீர் ஆப்பிளுக்கு கால் முளைத்தால், கருப்புத் திராட்சை கண் விழித்தால், ஆரஞ்சுப்பழத்திற்கு உதடு அசைந்தால், "ஸ்ட்ராபெரி சிரிக்க முயன்றால் எப்படி இருக்கும்? அது நஸ்ரியா, என்கிறது, இன்றைய இளைஞர் பட்டாளம்.

இளைஞர் மட்டுமின்றி, இளம்பெண்களின் "பேஸ்புக் பக்கத்தை அலங்கரித்துக் கொண்டிருக்கும் நாயகிகளில், நஸ்ரியாவுக்கு தான் முதலிடம். ஒரே படத்தில், எந்த நடிகைக்கும் இந்த "ஈர்ப்பு இருந்ததில்லை. அந்த வரவேற்பு தான், அடுத்தடுத்து நஸ்ரியாவின் "கால்ஷீட்டை "பிசி ஆக்கிவிட்டது. இருப்பினும், "தினமலர் வாசகர்களின் தீபாவளியை மேலும் தித்திப்பாக்க, நஸ்ரியாவின் "நச் பேட்டி

* எங்கே இருந்தீங்க இத்தனை நாள்...?

வளர்ந்தது, படித்தது துபாய்; இப்போ இருப்பது திருவனந்தபுரம். அம்மா, அப்பா, நான், தம்பி என, குட்டியான "க்யூட் குடும்பம். நம்புங்க, நான் இப்போ "பி.காம்., படிக்கிறேன்!

* "பேமஸ் ஹீரோக்களின் "டிக் நீங்க தானாமே?

"நேரம் நல்லா இருந்ததால, ஆர்யா, தனுஷ் படங்களில் நடக்க வாய்ப்பு கிடைத்தது, என்னோட "லக். அதே நேரத்தில் என்னுடைய உழைப்பும் இருக்கு. நிறைய பேருக்கு கதாநாயகி ஆக வேண்டியிருக்கு, பார்க்கலாம்.

* உங்கள் அழகிற்கும், பெயருக்கும் தொடர்பிருக்காமே?

நஸ்ரியா என்பது உருது வார்த்தை. "நம் கண்ணை விட்டு அகலாத விஷயம் என்று, அதற்கு பொருள். இதற்கும், என் பெயருக்கும் தொடர்பிருக்கா?(உண்மை தானே, கண்ணை விட்டு அகலுமா உங்கள் முகம்?)

* கவனம் செலுத்த விரும்பும் விஷயம்?

நடிப்புக்கு புதுசு என்பதால், எனக்கு எதுவும் தெரியலே. நடிப்பு, நடனம், அலங்காரம் என, அனைத்திலும் கவனம் செலுத்த வேண்டியுள்ளது.

* தமிழ் சினிமாவில் போட்டி பலமா இருக்குமே?

போட்டி இருக்கணும்; அப்போ தான், நல்லா நடிக்கணும் என்ற எண்ணம் வரும். நமக்கு கிடைக்கும்னு எழுதியது, கண்டிப்பா கிடைக்கும்.

* கேரள வரவு என்றாலே, தமிழில் தனி முத்திரை கிடைக்குதே?

இது ஆரம்பத்தில் இருந்தே இருக்கு; கேரள நடிகைகள் நிறைய @பர் தமிழுக்கு வர்றாங்க. முத்திரை ஏன் கிடைக்கிறது என்பதை ரசிகர்களிடம் தான் கேட்க வேண்டும்.

* நீங்க பார்த்து, பொறாமைப்பட்ட நடிகைகள்?

நதியா, ரேவதி, ஷாலினி படங்களை பார்த்து, அசந்து போயிருக்கேன்; பொறாமை பட்டிருக்கேன். இப்படியும் நடிக்க முடியுமான்னு, யோசிக்க வெச்சவங்க, அவங்க தான்.

* உண்மையை சொல்லுங்க, நீங்க "மேக் அப் மேடம் தானே?

சொன்னா நம்ப மாட்டீங்க... ஜீன்ஸ், டாப், தலையில் ஒரு "கிளிப்; இது தான் நஸ்ரியா. எனக்கு பிடிக்காத விஷயம் "மேக்அப்.

* வளர்ச்சி ஒருபுறம், "கிசுகிசு மறுபுறமா?

நடிக்க வந்துட்டா, இதெல்லாம் சகஜம். நம்மை சுத்தி "கிசுகிசு வந்தா, நாம வேறு "லெவலில் இருக்கோம்னு, சந்தோஷப்படணும்.

* ஜெய்-நஸ்ரியா...?

என் முதல் படம் "திருமணம் என்னும் நிக்காஹ்; ஹீரோ ஜெய். தமிழ் கத்துக்கிட்டது, அவரிடம் தான். எங்களுக்குள் இருப்பது, "நட்பு மட்டும் தான்.

* "படிப்பு-நடிப்பு கஷ்டமில்லையா?

என் பிரண்ட்ஸ் தான், எனக்கு உதவி செய்யுறாங்க. டைம் கிடைக்கும் போது, அவங்களை சந்திச்சு, குறிப்பெடுத்துக்கொள்வேன். தேர்வுகளை "மிஸ் செய்யததில்லை.

* ஆர்யா, நடிகைகளுக்கு "டார்ச்சரா?

அய்யோ பாவம்... அவரு நல்ல பிரண்ட். எதுவா இருந்தாலும், முகத்துக்கு நேரா பேசுவார். ஜாலியான ஆள், நல்ல நடிகர்.

* தமிழ் ரசிகர்கள்?

அவங்களோட எதிர்பார்ப்பை நெனச்சா, பயமா இருக்கு; அதை பூர்த்தி செய்ய முயற்சி பண்ணனும். ஒரு நாள் அம்மா கூட போயிட்டு இருந்தேன்; ஒருவர் ஓடிவந்து, "ஐ லவ் யூ... உங்க கண்ணு ரொம்ப பிடிக்கும்னு சொல்லிட்டு, ஓடிட்டாரு. அதை இப்போ நெனச்சாலும், சிரிப்பு வரும். என் ரசிகர்கள், "தினமலர் வாசகர்களுக்கு தீபாவளி வாழ்த்துக்கள், என, அவர் பேட்டியை முடிக்க, பெட்டியை கட்ட மனமின்றி, விடைபெற்றோம் அவரிடம்!

• 
  சிவாஜியின் மகன் சாம்பாஜி வாழ்க்கை சினிமா ஆகிறது
• 
  அக்ஷய் குமாருக்கு ஜோடியாக நடித்தால் விமர்சிப்பதா? - மனுசி சில்லார் ஆவேசம்
• 
  சல்மான் கானுக்கு ஜோடியாக கியாரா அத்வானி?
• 
  ‛ஜவான்' பாடலுக்கு நடனமாடிய மோகன்லால் : ஷாருக்கான் நன்றி
• 
  அயோத்தியில் இடம் வாங்கிய அமிதாப்பச்சன்

• 
  ஓடிடி - வாழ வைக்கிறதா, நசுக்குகிறதா? : கலங்கும் கலையுலகம்
• 
  மாற்றத்தை ஏற்படுத்தாத மார்ச் மாதத் திரைப்படங்கள்
• 
  தமிழ் சினிமா 2024 - பிசுபிசுத்த பிப்ரவரி
• 
  காலத்திற்கேற்ப மாற்றத்தைக் கொண்டு வருமா தமிழ் சினிமா?
• 
  ஆரம்பமே இப்படியா...? - 2024ன் முதல் மாதம் ஓர் அலசல்