Advertisement

சிறப்புச்செய்திகள்

நீங்கள் இங்கே இருக்கிறீர்கள்: முகப்பு » ஸ்பெஷல் ரிப்போர்ட் »

ஹிட் ரகசியம்! மனம் திறக்கிறார் ஏ.ஆர்.முருகதாஸ்!!

23 டிச,2012 - 12:50 IST
எழுத்தின் அளவு:

 வசூலைக்குவித்து கொண்டு இருக்கும் "துப்பாக்கி தந்த உற்சாகத்தில் இருக்கிறார், இயக்குனர் ஏ.ஆர்.முருகதாஸ். இயக்கிய ஏழு படங்களும் வெற்றி. என்றாலும் வெற்றியின் தலைக்கனம் இவரிடம் இல்லை. அமைதியான தோற்றத்துடன், அருமையான புன்முறுவலுடன், யதார்த்த மனிதராய்த் தெரிகிறார். விழுப்புரம், கள்ளக்குறிச்சியில் பிறந்தவர். திருச்சி பிஷப் ஹீபர் கல்லூரியில் வரலாறு பாடத்தில், இளங்கலை பட்டம் பெற்று உள்ளார். சினிமாவில் சாதிக்கும் லட்சியத்துடன், சென்னைக்கு ரயில் ஏறியவர். தனி ஆளாக போராடி, காலுன்றி, இன்று உச்சத்தை தொட்டு விட்டார். எல்லா நடிகர்களுக்கும், இவர் படத்தில் நடிப்பது என்பது ஒரு கனவு. மதுரை வந்தவர், நம்மோடு பேசியதில் இருந்து...

* கல்லக்குறிச்சியில் இருந்து சென்னைக்கு சென்று சாதித்தது எப்படி?

திருச்சியில் கல்லூரி படிப்பை முடித்ததும், கனவு உலகமான சினிமாத்துறைதான் கண்முன் தோன்றியது. சென்னைக்கு கிளம்பி விட்டேன். கலைமணி இயக்கிய மக்களாட்சி, உதயசங்கர் இயக்கிய பூச்சுடவா, சூர்யா இயக்கத்தில் குஷி, வாலி போன்ற ஏராளமான படங்களில், உதவி இயக்குனராக பணிபுரிந்தேன்.

* எப்படி அஜீத்..."தீனா ஆனார்?

வாலி படத்தில் பணிபுரிந்த போது, அஜீத்துடன் பழக்கம். 2001 காலகட்டத்தில் பல புதிய இயக்குனர்களை அவர் அறிமுகப்படுத்திக் கொண்டிருந்தார். அவர் மூலம் "தீனாவை இயக்கும் வாய்ப்பு கிட்டியது. அஜீத், சுரேஷ்கோபி நடித்த அப்படம் "ஹிட் ஆகி, என்னை பற்றி பேச வைத்தது.

* உங்கள் "ரமணா, விஜயகாந்திற்கு பெரும் மாற்றத்தை உருவாக்கியதே...?

போலீஸ், கிராமத்து சப்ஜெக்ட்டிலிருந்து வித்தியாசமாக ஒரு படம் செய்ய வேண்டும் என, நடிகர் விஜயகாந்த் விரும்பினார். அதன்படி ரமணாவை இயக்கினேன். அவரும் நல்ல ஒத்துழைப்பு கொடுத்தார். அந்தக் கதை ரசிகர்களுக்கு பிடிக்கும் என, எதிர்பார்த்தேன். படத்தை ரசிகர்கள் வெற்றி பெறச் செய்தனர். பழிக்குப்பழி வாங்கும் கதைகள் ரசிகர்களிடம் என்றைக்குமே வரவேற்பை பெறும். அதை சற்று வித்தியாசமாக மாற்றினால், மேலும் சிறப்பாக இருக்கும் என, திட்டமிட்டேன். அதன்படி, "கஜினி வெளியானது. இந்தியிலும் படம் படு ஹிட்.

* "துப்பாக்கி ஹிட் ஆகும் என எதிர்பார்த்தீர்களா?


நடிகர் விஜய் ஒரு "மாஸ் ஹீரோ. வழக்கமான கமர்ஷியல் படங்களிலிருந்து மாறுபட்டிருக்க வேண்டும் என, விரும்பினார். அதன்படி துப்பாக்கியை இயக்கினேன். மும்பையில் ரியல் லொகேஷனில் விஜய் நன்கு ஒத்துழைப்பு கொடுத்து நடித்தார். திரையிட்ட இடங்களில் எல்லாம் வெற்றி தான். இதற்காக விஜய்  உற்சாகம் தெரிவித்தார். அவரது தாய், தந்தை, மனைவி, ஏன் குழந்தைகள் உட்பட அனைவரும் வாழ்த்து தெரிவித்ததை மறக்க இயலாது. இந்தியில் அக்ஷய்குமாரை வைத்து இப்படத்தை இயக்கவுள்ளேன்.

* இயக்கிய படங்களில் உங்களுக்கு பிடித்தது...?

ஏழாம் அறிவு.  வித்தியாசமான படம். அறிவியல் ரீதியாக வரலாற்று தகவல்களுடன் நிறைய விஷயங்களுடன் வெளிவந்தது.

* உங்கள் "ஹிட் ரகசியம் என்ன?

மக்கள் ரசனைக்கு ஏற்ப, அடுத்து என்ன வரும் என, யூகிக்க முடியாதளவு படங்களை கொடுக்கும் போது "ஹிட் ஆகிறது. என் படங்களில், இதில் கவனமாக உள்ளேன்.

* இயக்குனர்கள் நடிகர்களாகும் காலம் இது... நீங்கள்..?

அந்த எண்ணம் இல்லை.

* கமல், ரஜினியை எப்போது இயக்க போகிறீர்கள்?

காலமும் கதையும் கைகூடினால் கட்டாயம்  இயக்குவேன்.

எதிர்காலத்தில் சினிமா இயக்குவேன்! சாந்தினியின் சிறப்பு பேட்டி!!எதிர்காலத்தில் சினிமா இயக்குவேன்! ... பாலுமகேந்திராவின் முதல் பார்வை...! பாலுமகேந்திராவின் முதல் பார்வை...!


வாசகர் கருத்து

No comments found

உங்கள் கருத்தைப் பதிவு செய்ய

Login :
( OR )Login with
New to Dinamalar ?
(Press Ctrl+g or click this   to toggle between English and Tamil)
Advertisement
தொடர்புடைய படங்கள்
Advertisement

டாப் 5 படங்கள்

  • வரவிருக்கும் படங்கள் !
    Tamil New Film Linga
    • லிங்கா
    • நடிகர் : ரஜினிகாந்த்
    • நடிகை : ,அனுஷ்கா,‌சோனாஷி சின்ஹா
    • இயக்குனர் :கே.எஸ்.ரவிக்குமார்
    Tamil New Film Daisy
    • டெய்சி
    • நடிகர் : ,....
    • நடிகை : ,...
    • இயக்குனர் : ,ஸ்ரீநாத் ராமலிங்கம்
    Tamil New Film Oru kadhal oru kalyanam
    Tamil New Film Takkar
    • டக்கர்
    • நடிகர் : பிரேம்ஜி அமரன்
    • நடிகை : ,மீனாட்சி தீக்ஷித், அருந்ததி
    • இயக்குனர் : ,ஜெயபால்

    Tweets @dinamalarcinema

    Advertisement
    Copyright © 2014 Dinamalar , No. 1 website in Tamil. All rights reserved. Mail as Your Suggestion to webmaster@dinamalar.in