Dinamalar

என் ஆசை நிறைவேறி விட்டது! : ப்ரியா லால்

ஜீனியஸ் படத்தில் நாயகியாக நடித்துள்ள ப்ரியா லால், தன் முதல் தமிழ் பட அனுபவத்தை நம்மிடையே பகிர்ந்த போது:

உங்களது முதல் படம்?

மலையாளத்தில் ஜனகன் என்ற படத்தில் சுரேஷ் கோபியின் மகளாக நடித்தேன். அதன் பின், நிறைய காதல் மற்றும் காமெடி படங்களில் நடித்துள்ளேன். தமிழில் ஜீனியஸ் தான், என் முதல் படம்.

ஜீனியஸ் படத்தில், என்ன பாத்திரத்தில் நடித்துள்ளீர்கள்?

ஜாஸ்மின் என்ற நர்ஸ் பாத்திரத்தில் நடித்து உள்ளேன். என் கதாபாத்திரம் அனைவருக்கும் பிடிக்கும். நான் நடித்த முதல் காட்சியே கிளைமாக்ஸ் தான். நீளமான காட்சி என்பதால், சிரமமாக இருந்தது. ஒரு சிறிய பாவனை கூட அந்த பாத்திரத்தை கெடுத்து விடக்கூடாது, என்பதில் கவனமாக இருந்தேன்.

'மீ டூ' புகார்கள் அதிகரித்து வரும் நிலையில், சினிமாவில் நடிக்க பெற்றோர் சம்மதித்தனரா?

ஒரு தமிழ் படத்திலாவது நடிக்க வேண்டும் என்பது, என் நீண்ட நாள் கனவு. பாட்டு, நடனம், நடிப்பு என, அனைத்திலும் எனக்கு ஆர்வம். ஆனால், என் குடும்பம் சினிமா பின்னணியில் இல்லாததால், அம்மாவிடம் சொல்ல தயங்கினேன். ஆனாலும், என் ஆசையை, என் பெற்றோர் நிறைவேற்றி வைத்துள்ளனர்.

படத்தின் நாயகனை பற்றி கூறுங்கள்?

இந்தப்படத்தில், ரோஷனும், நானும் புது வரவு. அவர் எப்போதும் நேர்மறையான எண்ணம் உடையவர். அவரைச்சுற்றி நேர்மறையான அதிர்வு இருந்து கொண்டே இருக்கும்.

பிடித்த நடிகை?

ரேவதியை ரொம்ப பிடிக்கும். இப்போது நித்யாமேனன்.

பிடித்த நடிகர்?

விஜய், விஜய்சேதுபதி, தனுஷ் ரொம்ப பிடிக்கும்.

இயக்குனராக திட்டமிட்டுள்ளீர்களா?

இப்போதைக்கு நடிப்பு மட்டும் போதும். எதிர்காலத்தில் என்ன வேண்டுமானாலும் நடக்கலாம். இயக்கும் வாய்ப்பும் கிடைக்கலாம்.

இந்தியா - மேற்கிந்திய தீவுகள் இடையிலான கிரிக்கெட் போட்டிக்கு வர்ணனையாளராக இருந்தீர்களா?

ஐந்தாண்டுகளுக்கு முன் கொச்சியில் நடந்த, இந்தியா - மேற்கிந்திய தீவுகள் அணிகளுக்கு இடையேயான கிரிக்கெட் போட்டிக்கு, விளம்பர துாதராக பங்கேற்கும் வாய்ப்பு கிடைத்தது. அப்போது, சிறிது நேரம் போட்டியை பற்றி வர்ணனை செய்தேன்.

• 
  தொடர் தோல்வியில் தவிக்கும் அக்ஷய் குமார் :'சர்பிரா' காப்பாற்றுமா ?
• 
  அமிதாப், ஏ.ஆர்.ரஹ்மானுக்கு லதா மங்கேஷ்கர் விருது
• 
  சரியான நேரத்தில் சரியானதை செய்துள்ளேன் - வித்யா பாலன்
• 
  அனிமல் படத்தின் வெற்றிக்கு வித்யாபாலன் சொல்லும் காரணம்
• 
  டீப் பேக் வீடியோ மூலம் பிரச்சாரம் : காங்கிரஸுக்கு எதிராக புகார் அளித்த ...

• 
  வெற்றியும் தோல்வியும் ஒரே நாள் தான் : ஜெயித்துக்காட்டும் ஜெயம் ரவி
• 
  கனா கண்டேன்... வென்றேன் : அட.. டா.. அக்சதா அஜித்
• 
  சின்ன வயது சினிமா சாதித்தேன் - தேஜா வெங்கடேஷ்
• 
  மக்களை சந்தோஷப்படுத்தணும்: சந்தோஷத்தில் சாம்ஸ்
• 
  பழங்கால நடன மாஸ்டர் களை தேடி...