Dinamalar

எனக்கு ஏற்ற நபரை இன்னும் சந்திக்கவில்லை!: சதா

ஜெயம் படத்தின் மூலம், தமிழ் சினிமாவுக்கு அறிமுகமானவர், சதா. அஜித், விக்ரம் என முன்னணி நாயகர்களுடன் நடித்தவர். சில ஆண்டுகளாக போதிய வாய்ப்பில்லாமல் இருந்த இவர், தற்போது டார்ச்லைட் படத்தில் முக்கியமான பாத்திரத்தில் நடித்துள்ளார். அவருடன் ஒரு சந்திப்பு:

டார்ச்லைட் எந்த மாதிரியான படம்?

கடந்த, 1980களில் நடப்பது போன்ற சம்பவங்கள், கதையாக சித்தரிக்கப்பட்டுள்ளன. பாலியல் தொழிலில் ஈடுபடும் பெண்கள் குறித்த கதை. நான் இதுவரை, இந்தமாதிரி துணிச்சலான பாத்திரத்தில் நடிக்கவில்லை. ஆரம்பத்தில் சாதாரணமாக தான் நினைத்தேன். ஆனால், விருப்பமில்லாத தொழிலில் ஈடுபடும் பெண்களின் நிலையை படத்தில் பிரதிபலித்தது கஷ்டமாக இருந்தது.

அந்த மாதிரி தொழிலில் ஈடுபடும் பெண்கள் குறித்து?

அந்த மாதிரி தொழிலில் பெண்கள் ஈடுபடுவதற்கு காரணமே, ஆண்கள் தான். பெண்கள் யாருமே விரும்பி அதில் ஈடுபடுவதில்லை.

பாலியல் தொழிலை சட்டப்பூர்வமாக்கலாமா?

அரசு இத்தொழிலை சட்டப்பூர்வமாக்குவதை விட, இத்தொழிலுக்கான தேவையை குறைத்தாலே போதுமே... ஒவ்வொருவரும் இவ்விஷயத்தில், தங்கள் பொறுப்பை உணர வேண்டும்.

சினிமாவில் இடையில் காணாமல் போனது ஏன்?

படங்களில் நடிக்காமல் இருந்த போது, மனதுக்கு பிடித்த மாதிரியான கதைகள் எதுவும் அமையவில்லை. நாயகிக்கு முன்னுரிமை தரும் படங்கள் நிறைய வந்தன. ஆனால், நீண்ட இடைவெளிக்கு பின் வந்தால், நல்ல படமாக தர வேண்டும், மக்கள் மனதில் நிற்கும் வகையிலான படத்தில் நடிக்க வேண்டும் என, விரும்பினேன்.

படத்தில் நடித்த போது வருத்தப்பட்டீர்களா?
பொதுவாகவே நான் கொஞ்சம் அமைதியான கூச்சசுபாவம் உள்ள பெண். இந்த படத்தில் நடித்த போது வருத்தப்படவில்லை. ஆனால் ஒரு சில காட்சிகளில் நடிக்கும் போது கொஞ்சம் வருத்தப்பட்டேன்.

படத்தில் உங்கள் எல்லையை தாண்டி நடித்திருக்கிறீர்களா?
நிச்சயமாக இல்லை. படத்திற்கு என்ன தேவையோ அந்தளவு மட்டுமே கிளாமராக நடித்திருக்கிறேன். மற்றபடி படத்தில் முகம்சுழிக்கும்படியான ஆபாச காட்சிகள் இருக்காது. என்னோட லிமிட் எனக்கு தெரியும், ரசிகர்கள் எப்படி நடித்தால் பார்ப்பார்கள், பெண்கள் படத்தை பார்த்தால் என்ன மாதிரி உணர்வார்கள் என்று தெரியும். அதை மனதில் கொண்டே நடித்திருக்கிறேன், எல்லை மீறவில்லை. படத்தில் நல்ல மெஸேஜ் உள்ளது.

திருமணம் எப்போது?

எனக்கு ஏற்ற மாதிரி, நான் விரும்பும் வகையிலான நபர்கள் யாரும், என் வாழ்வில் வரவில்லை. அந்த மாதிரி நபரை சந்திக்கும் போது திருமணம் குறித்து யோசிக்கலாம்.

அடுத்து நடிக்கும் படம்?

இரண்டு கதைகள் வந்துள்ளன. நானே தயாரிக்கலாமா அல்லது வேறு யாராவது தயாரிப்பில் நடிக்கலாமா என, யோசித்து வருகிறேன்.

அழகின் ரகசியம்?

விலங்குகளிடம் இருந்து கிடைக்கும் பால் சம்பந்தப்பட்ட பொருட்கள், இறைச்சி என எதுவும் சாப்பிட மாட்டேன். பால் மற்றும் இறைச்சி உற்பத்திக்காக மருந்துகள் அதிகம் கலக்குகின்றனர். காய்கறி, சப்பாத்தி போன்றவை தான் என் உணவு.

• செய்திகள்
• ஆல்பம்
• வந்த படங்கள்
• வரவிருக்கும் படங்கள்

• 
  அயோத்தியில் இடம் வாங்கிய அமிதாப்பச்சன்
• 
  சினிமாவில் வளர திறமை மட்டுமே போதாது : பரிணிதி சோப்ரா
• 
  கபீர் சிங் படத்தில் நடித்தது நான் செய்த இமாலய தவறு ; பாலிவுட் நடிகர் ...
• 
  ஷில்பா செட்டி மற்றும் ராஜ் குந்த்ராவின் 97 கோடி சொத்துக்கள் முடக்கம்!
• 
  'வார்-2' படப்பிடிப்பில் ஜிம் பயிற்சியாளரை மகிழ்வித்த ஜூனியர் என்டிஆர்

• 
  ப்ரீத்தாவின் பிரியமான கனவு
• 
  வெற்றியும் தோல்வியும் ஒரே நாள் தான் : ஜெயித்துக்காட்டும் ஜெயம் ரவி
• 
  கனா கண்டேன்... வென்றேன் : அட.. டா.. அக்சதா அஜித்
• 
  சின்ன வயது சினிமா சாதித்தேன் - தேஜா வெங்கடேஷ்
• 
  மக்களை சந்தோஷப்படுத்தணும்: சந்தோஷத்தில் சாம்ஸ்