Advertisement

சிறப்புச்செய்திகள்

நீங்கள் இங்கே இருக்கிறீர்கள்: முகப்பு » நட்சத்திரங்களின் பேட்டி »

இப்போதைக்கு காதலும் இல்லை; கல்யாணமும் இல்லை: 'அட்டக்கத்தி' தினேஷ்

29 டிச, 2017 - 00:49 IST
எழுத்தின் அளவு:
am-not-thinking-about-love-and-marriage-now:-atakkatti-dinesh

நல்ல படங்களில் மட்டுமே நடிக்க வேண்டும் என்ற முடிவுடன் இருக்கிறார், தினேஷ். இதனால், தனக்கு, 'செட்'டாகும் கதைகளை மட்டுமே தேர்வு செய்து, நடிக்கிறார். அடுத்து வெளியாகவுள்ள, உள்குத்து படம் பற்றி, நம்மிடம் அவர் பேசியதாவது:


அது என்ன தலைப்பு உள்குத்து?


திருடன் போலீஸ் படத்தை இயக்கிய, கார்த்திக் ராஜ் எடுத்த படம் இது. யதார்த்தத்தை மீறாத ஒரு கதை. கந்து வட்டி பிரச்னை, நண்பன் வாழ்க்கை, அக்கா - தங்கை பாசம் இப்படி பல விஷயங்களை சொல்லும் படமாக இது இருக்கும். சுருக்கமாக கூற வேண்டுமென்றால், மகாபாரத சகுனி கதை போல என, இதை சொல்லலாம். சண்டை காட்சிகளும் அதிகம் இருக்கு. படப்பிடிப்பு துவங்கியதுமே, சண்டை காட்சியில் தோளில் அடிபட்டது. அதே வலியுடன் தொடர்ந்து நடித்தேன்.


படத்தில் உங்கள் தோற்றம் எப்படி?


ரொம்ப அழுக்காக இருப்பேன். பனியன் லுங்கி என, இந்த படத்துக்காக சுத்தமாக மாறி இருக்கிறேன். மீன் வெட்டுவேன், பூ கட்டுவேன், இப்படி பல சிறப்புகள் உள்ளன. படத்தின் பெரும்பாலான காட்சிகள், ஆழமான கடல் பகுதியில் எடுக்கப்பட்டன. எனக்கு, அதுவே பெரிய அனுபவம் தான்.


நந்திதாவுடன் மீண்டும் நடித்தது பற்றி?


அந்த பொண்ணு, ரொம்ப இயல்பான பொண்ணு. நல்லா பழகுவாங்க. அவங்களும் சரி; நானும் சரி; கொஞ்சமும் மாறவில்லை; அப்படியே தான் இருக்கோம்.


சினிமாவுக்கு வந்த பின், உங்கள் வளர்ச்சியை எப்படி பார்க்கிறீங்க ?


படித்து முடித்ததுமே, சினிமா ஆசை எனக்குள் இருந்தது. 'ஹால் டிக்கெட்'டில் ஒட்டி இருந்த போட்டோவை எடுத்து, 'பிரின்ட்' போட்டு, சினிமா கம்பெனிகளுக்கு வாய்ப்பு கேட்டு போயிருக்கேன். வண்ணாரப்பேட்டையிலிருந்து, சாலிகிராமம் வரை, நடையாக நடந்திருக்கிறேன். பெண் என்ற, 'டிவி' சீரியலில், சீதா மேடத்தின் பையனாக, முதல் முதலாக கேமரா முன் நின்றேன். ஆடுகளம், மவுன குரு போன்ற படங்களில் சிறிய வேடங்கள் கிடைத்தன. தொடர்ந்து போராடினேன்; அதற்கு கிடைத்த வெற்றி தான், அட்டக்கத்தி வாய்ப்பு. நான், இப்போது தான், பந்தயத்தை துவக்கியுள்ளேன். இன்னும் நிறைய ஓட வேண்டியுள்ளது.


உங்களின், 'மைனஸ்' என்ன?


எல்லாருமே வாழ்க்கையில் கொஞ்சம் பொறுமையா இருக்கணும். ஆனால், நான் இன்னும் பொறுமையாக இருக்க வேண்டும். எந்த விஷயத்துக்கும், உடனே, 'ரியாக்ட்' செய்யும் பழக்கம் என்னிடம் உள்ளது; அதை கைவிட வேண்டும். ஓரளவு வளர்ந்த பின், அந்த பக்குவம் வந்து விடும் என, நினைக்கிறேன்.


2௦17ம் ஆண்டு எப்படி இருந்தது?


என்னை கொஞ்சம் யோசிக்க வைத்தது. இந்த புத்தாண்டு, எனக்கு பல புதிய வாய்ப்புகளை தரும் என, நம்புகிறேன். அண்ணனுக்கு ஜே என்ற படம், விரைவில் வெளியாக உள்ளது. இது, அரசியல் பின்னணியில் உருவாகியுள்ள படம். இதுதவிர, இன்னும் இரண்டு படங்கள் கைவசம் உள்ளன.


யாரையாவது காதலிக்கிறீர்களா?


இப்போதைக்கு காதலும் இல்லை; கல்யாணமும் இல்லை. சுதந்திரமாக இருக்கிறேன். படங்களிலேயே இன்னும் நான், டூயட் பாடியதில்லை. அதற்கெல்லாம் நிறைய நேரம் இருக்கு; பார்க்கலாம்.

Advertisement
கருத்துகள் (0) கருத்தைப் பதிவு செய்ய
மறக்க முடியுமா? - வெயில்மறக்க முடியுமா? - வெயில் 'மாஸ்டர்' ஒரு மைல்கல்! - சிலிர்க்கிறார் மகேந்திரன் 'மாஸ்டர்' ஒரு மைல்கல்! - ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய

வாசகர் கருத்து

No comments found

உங்கள் கருத்தைப் பதிவு செய்ய

Login :
New to Dinamalar ?
(Press Ctrl+g   to toggle between English and Tamil)
Advertisement
Advertisement

டாப் 5 படங்கள்

  • வரவிருக்கும் படங்கள் !
    Tamil New Film Na Na
    • நா நா
    • நடிகர் : சசிகுமார் ,
    • இயக்குனர் :NV நிர்மல்குமார்
    Tamil New Film Mayan
    • மாயன்
    • நடிகர் : வினோத் மோகன்
    • நடிகை : பிந்து மாதவி
    • இயக்குனர் :ராஜேஷ் கண்ணா
    Tamil New Film Devadas
    • தேவதாஸ்
    • நடிகர் : உமாபதி
    • நடிகை : ஐரா ,மனிஷா யாதவ்
    • இயக்குனர் :மகேஷ்.ரா
    Tamil New Film Yang Mang Chang
    • எங் மங் சங்
    • நடிகர் : பிரபுதேவா
    • நடிகை : லட்சுமி மேனன்
    • இயக்குனர் :எம்எஸ் அர்ஜூன்
    dinamalar-advertisement-tariff

    Tweets @dinamalarcinema

    Advertisement
    Copyright © 2024 Dinamalar - No.1 Tamil website in the world. All rights reserved. Mail Us Your Suggestion to webmaster@dinamalar.in