ரத்னம் படத்திற்கு கட்டப்பஞ்சாயத்து : விஷால் வேதனை | நகைகள் மாயமானதாக புகார் : ஞானவேல்ராஜா வீட்டு பணிப்பெண் தற்கொலை முயற்சி | துருவ் விக்ரமிடம் பேச்சுவார்த்தையை தொடங்கிய சுதா | ‛இந்தியன் 2' படத்தின் தாத்தா வராரு என்ற முதல் பாடல் விரைவில் வெளியாகிறது | நடிகர் மன்சூர் அலிகான் காங்கிரஸ் கட்சியில் இணைகிறார் | வடக்கன் பட டீசர் வெளியானது | விக்ரமின் 'வீர தீர சூரன்' படப்பிடிப்பு இன்று துவங்கியது | 'கல்கி 2898 ஏடி' : ஒவ்வொருவருக்கும் இவ்வளவு சம்பளமா ? | பஹத் பாசில் படத்தை ஒருபோதும் மிஸ் பண்ணாதீர்கள் : சமந்தா | போதை ஆசாமிகளின் தாக்குதலுக்கு ஆளானேன் : உறுமீன் இயக்குனர் அதிர்ச்சி தகவல் |
பிரேமம் என்ற ஒரு படம், நிவின் பாலியை உலக அளவில் பேச வைத்தது. யதார்த்தமும்,
வித்தியாசமும் தான், இவரை மற்ற நடிகர்களில் இருந்து வேறுபடுத்தி காட்டுகின்றன.
வித்தியாசமான படங்களில் தொடர்ந்து நடித்து வரும் நிவின் பாலியின், நேரடி தமிழ் படம், ரிச்சி. இந்த படம் பற்றிய அனுபவங்களை நம்முடன் பகிர்ந்து கொள்கிறார், நிவின் பாலி.
ரிச்சி படத்தில் உங்கள் கேரக்டர் என்ன?
கவுதம் ராமச்சந்திரன் தான், படத்தின் இயக்குனர். இந்த படத்தின் கதை எனக்கு பிடித்திருந்தது. ஒரு ரவுடியாக நடித்திருக்கிறேன். நட்டி, படகு ரிப்பேர் செய்யும் மெக்கானிக்காக நடித்துள்ளார். இந்த படத்துக்காக சொந்த குரலில் பேசியிருக்கிறேன்.
நேரம் படம் வெளியாகி நான்கு ஆண்டு ஆகி விட்டதே; ஏன் இந்த இடைவெளி?
இதற்கு முன்னும் வாய்ப்புகள் வந்தன. ஆனால், மலையாளத்தில் ஏற்கனவே ஒப்புக் கொண்ட படங்களில் நடிக்க வேண்டியிருந்ததால், தமிழில் நடிக்க முடியவில்லை.
ரிச்சியில் பேசிய வசனங்கள் பற்றி...?
அதுக்கு தான் ரொம்ப கஷ்டப்பட்டேன். மலையாள வாடை இல்லாமல் ரொம்ப சிரமப்பட்டு டப்பிங் பேசினேன்.
காதல், ஆக் ஷன்... எந்த வேடத்தில் நடிப்பது எளிது?
இரண்டுமே சிரமம் தான். அதற்கு பதிலாக, புதிய, வித்தியாசமான கதைகளில் நடிப்பது எளிதாக இருக்கும்.
நிவின் பாலிக்காக பிரத்யேகமாக கதை எழுதுறாங்களா?
எனக்காக, யாரும் கதை எழுதுவது போல் தெரியவில்லை. பல கதைகளை எடுத்து வந்து, என்னிடம் கொடுப்பர். அதில், எந்த கதை நன்றாக இருக்கிறதோ, அந்த கதையை தேர்வு செய்வேன்; அவ்வளவு தான்.
பிரேமம் படம் பற்றிச் சொல்லுங்க?
பிரேமம் வெற்றியை எதிர்பார்த்தோம்; ஆனால், இந்த அளவுக்கு பிரமாண்ட வெற்றி பெறும் என நினைக்கவில்லை. அது, எங்களுக்கே ஆச்சர்யமாக இருந்தது. எல்லாம், கடவுள் ஆசிர்வாதம் தான்.
நீங்கள் சினிமாவுக்கு வந்தது எப்படி?
எங்கள் குடும்பத்தில் யாரும் சினிமாவில் இல்லை. இன்ஜினியரிங் படித்து முடித்தபின், பெங்களூரில் வேலை பார்த்தேன். பின், அந்த வேலையை விட்டு விட்டு, கேரளாவுக்கு வந்து பட வாய்ப்புகளை தேடினேன். அதிர்ஷ்டவசமாக வாய்ப்பு கிடைத்தது; இல்லையெனில், ஒரு பிசினஸ்மேன் ஆகியிருப்பேன்.
உங்க நண்பர்கள் வட்டம் ?
எனக்கு சின்ன வயதில் இருந்தே, நட்பு வட்டம் அதிகம். என்னுடன் வேலை பார்த்தவர்கள், இன்னும் தொடர்பில் உள்ளனர். சென்னையில், விக்ரம், ரவி, சிவா, தனுஷ் போன்றோர், என் சிறந்த நண்பர்கள். நேரம் கிடைக்கும்போது சந்தித்து பேசுவோம்.
அஜித், விஜய் கூட நடிக்க வாய்ப்பு இருக்கா?
அந்த அளவுக்கெல்லாம் என்னை கூப்பிடுவாங்களா என தெரியவில்லை. நடிக்க அழைப்பு வந்தால், கண்டிப்பாக சேர்ந்து நடிப்பேன்.
உங்க குழந்தைகள்?
பையன் பெயர், தாவித். 5 வயது ஆகிறது. ரொம்ப சுட்டிப் பையன். ஆறு மாதத்துக்கு முன் பிறந்த பெண் குழந்தை ரைசா தான், இப்போது எங்க வீட்டு டார்லிங்.
நீங்கள் அதிகம் முறை பார்த்த படம்?
தளபதி படம் தான், அதிக முறை பார்த்த தமிழ் படம்; எத்தனை முறை பார்த்தேன் என, எனக்கே தெரியவில்லை.