| |
|
|
|
ஸ்பெஷல் ரிப்போர்ட்
|
|
|
நடிகர் சங்கம் : எக்ஸ்குளூசிவ் தகவல்கள்
|
|
|
|
* நடிகர் சங்கம் 1952ம் ஆண்டு தொடங்கப்பட்டது.
* நடிகர் சங்கத்தின் முதல் உறுப்பினர் என்.என்.கண்ணப்பா. பல படங்களில் நாயகனாக நடித்திருக்கும் இவர் 15-02-1953 அன்று உறுப்பினர் ஆனார்.
* நடிகர் சங்கத்தின் 2வது உறுப்பினர் எம்.என்.கிருஷ்ணன். மதுரை வீரன், பராசக்தி உள்ளிட்ட படங்களில் நடித்துள்ள இவரும் 15-02-1953 அன்றே உறுப்பினர் ஆனார்.
* நடிகர் சங்கத்தின் முதல் தலைவர் டி.வி.சுந்தரம்.
* நடிகர் நம்பியார் 15-02-53 அன்று உறுப்பினர் ஆனார். அவரது உறுப்பினர் எண் 7.
* முன்னாள் முதல்வரும் நடிகருமான எம்.ஜி.ஆர் உறுப்பினர் ஆனதும் 15-02-53 அன்றுதான். எம்.ஜி.ஆரின் உறுப்பினர் எண் 10.
* நடிகர் சங்கத்தின் முதல் பெண் உறுப்பினர் எம்.என்.ராஜம். இவர் 29-03-53 அன்று உறுப்பினராக இணைந்தார். அவரது உறுப்பினர் எண் 19.
* இருபதாவது ஆளாக உறுப்பினர் ஆனவர் ஆர்.எஸ்.மனோகர். இவர் 29-03-53 அன்று உறுப்பினர் ஆனார்.
* எஸ்.எஸ்.ராஜேந்திரன் 28-04-53 அன்று சங்கத்தின் 24வது ஆளாக உறுப்பினர் ஆனார்.
* நடிகர் திலகம் சிவாஜிகணேசன் 19-05-53 அன்று உறுப்பினர் ஆனார். அவரது உறுப்பினர் எண் 26.
* கமல்ஹாசன் 13-04-1975ல் உறுப்பினர் ஆனார். அவரது உறுப்பினர் எண் 515.
* நடிகர் ரஜினிகாந்த் 09-04-1978 அன்று நடிகர் சங்கத்தின் உறுப்பினராக 720வது தன்னை இணைத்துக் கொண்டார்.
* நடிகர் சங்கத்தின் தலைவராக அதிக முறை பதவி வகித்தவர் நடிகர் ராதாரவி. அவர் மொத்தம் 12 ஆண்டுகள் சங்கத்தின் தலைவராக இருந்துள்ளார். ராதாரவியின் உறுப்பினர் எண் 1932. அவர் 31-01-1982ல் உறுப்பினர் ஆனார்.
* நடிகர் சரத்குமார் 20-01-1991 அனறு தன்னை நடிகர் சங்கத்தின் உறுப்பினராக இணைத்துக் கொண்டார். அவரது உறுப்பினர் எண் 4327.
* நடிகர் விஜய் 18-02-1994 அன்று நடிகர் சங்க உறுப்பினர் ஆனார். அவரது உறுப்பினர் எண் 4743.
* நடிகர் அஜித் 40-05-2006 அன்று சங்கத்தின் 6091வது உறுப்பினராக இணைந்தார்.
* சமீபமாக உறுப்பினர் ஆனவர் பிரேம்ஜி அமரன். இவர் 31-03-2009 அன்று நடிகர் சங்கத்தின் உறுப்பினர் ஆனார். இவரது உறுப்பினர் எண் 7366.
* நடிகர் சங்கம் சார்பில் முதலமைச்சர் கருணாநிதிக்கு சிவாஜி தலைமையில் பாராட்டு விழா நடந்துள்ளது.
* கமல் தேசிய விருது பெற்றபோது நடிகர் சங்கம் சார்பில் விழா எடுத்து கவுரவிக்கப்பட்டது.
* கலைச்செல்வம் என்ற விருது 12 வருடங்களாக கொடுத்து வருகின்றனர். அந்த விருது விழா, இனி நாடக விழாவாக நடைபெற இருக்கிறது. மறைந்த கலைஞர்களின் நினைவாக வருகிற ஆகஸ்ட் மாதம் 15ம்தேதி முதல் 7 நாட்கள் நடைபெறும் இந்த நாடக விழாவில் நடிகர் சங்க உறுப்பினர்களே நடிக்கவுள்ளனர். சரத்குமார் விழாவை தொடங்கி வைக்கவுள்ளார்.
* நடிகர் சங்கத்துக்கு ரூ.2 கோடி கடன் இருந்தது. விஜயகாந்த் தலைவராக இருந்தபோது ரஜினி, கமல் உள்பட அனைவரும் கலந்து கொண்ட கலைநிகழ்ச்சியை நடத்தி அந்த கடனை அடைத்து சாதனை படைக்கப்பட்டது.
*சென்ற வருடம் சரத்குமார் தலைமையில் கலைநிகழ்ச்சி நடத்தி ரூ.3 கோடி வருவாய் சேர்த்துள்ளனர்.
* நலிந்த கலைஞர்களுக்கு மாதம்தோறும் ரூ.500 வீதம் 300 பேருக்கு உதவித்தொகை வழங்கப்பட்டு வருகிறது.
* நடிகர் சங்கத்திற்கு என்று தனி வெப்சைட் உருவாகி வருகிறது.
* சமீபகாலமாக திரைத்துறையில் ஏற்படும் பிரச்னைகளை நடிகர் சங்கமும், தயாரிப்பாளர் சங்கமும் இணைந்து சுமூகமாக தீர்த்து வருகிறார்கள்.
* நடிகர் திலகம் சிவாஜிகணேசன் நினைவிடம் அமைக்க தமிழக அரசிடம் இடம் கேட்கப்பட்டுள்ளது.
- தினமலர் சினி டீம் -
|
|
|
<< ஸ்பெஷல் ரிப்போர்ட் முதல் பக்கம்
சினிமா முதல் பக்கம்
|
 |
|
|
|