|
|
இசையமைப்பாளர் பரத்வாஜ் சென்னை தி.நகரில் புதிதாக ஸ்டூடியோ ஒன்றை திறந்திருக்கிறார். காதல் மன்னன் படத்தில் தனது இசை பயணத்தை தொடங்கிய பரத்வாஜ் அதன் பிறகு பல்வேறு படங்களுக்கு இசையமைத்துள்ளார். தற்போது அஜித்தின் அசல் படத்துக்கு இசையமைத்து வரும் பரத்வாஜ், சென்னை தி.நகரில் ஜே.ஜே. என்ற பெயரில் ஸ்டூடியோ தொடங்கியிருக்கிறார். இந்த ஸ்டூடியோவை பரத்வாஜின் நெருங்கிய நண்பரும் இயக்குனருமான சரண் திறந்து வைத்தார். மோதி விளையாடு படத்தைத் தவிர சரணின் அனைத்து படங்களுக்கும் இசைமத்தவர் பரத்வாஜ் என்பது குறிப்பிடத்தக்கது. இந்த நிகழ்ச்சியில் டைரக்டர் தங்கர் பச்சான் மற்றும் பரத்வாஜின் நெருங்கிய நண்பர்கள், உறவினர்கள் கலந்து கொண்டனர். அஜித்தின் அசல் பட பாடல் ரெக்கார்டிங் இந்த ஜே.ஜே. ஸ்டூடியோவில்தான் நடைபெறவிருக்கிறது என்பது கூடுதல் தகவல்.
|
| |
|
|