டைம் டிராவல் கதையா...! : வெளியானது ரஜினி 171 பட அப்டேட் | சூர்யாவின் 44வது படத்தை இயக்கும் கார்த்திக் சுப்பராஜ் | மலையாள பிக்பாஸ் நிகழ்ச்சியில் கைகலப்பு : போட்டியாளர் மருத்துவமனையில் அனுமதி | இயக்குனர் சங்கத்தில் உறுப்பினர் அட்டை பெற்றார் மோகன்லால் | சூர்யா நடிக்கயிருந்த கதையில் விஜய் சேதுபதி | ரூ.100 கோடி பட்ஜெட்டில் உருவாகும் சிவகார்த்திகேயன் படம் | மல்டி ஸ்டார் படமாக உருவாகும் இளையராஜா பயோபிக் | திருமணத்தில் அப்பா விவேக்கின் கனவை நனவாக்கிய மகள் தேஜஸ்வினி | சித்தார்த் - அதிதிக்கு நிச்சயதார்த்தம் நடந்தது...! - இருவரும் அறிவிப்பு | ஏப்ரல் மாதத்தில் ரஷ்யா செல்லும் ‛தி கோட்' படக்குழு |
விஜய்சேதுபதி, திரிஷா நடிப்பில் கடந்த மாதம் வெளியான படம் 96. ஒளிப்பதிவாளர் பிரேம் குமார் இப்படத்தை இயக்கி இருந்தார். வணிகரீதியில் மிகப்பெரிய வெற்றியடைந்த இந்தப்படம் இன்னமும் பல்வேறு தியேட்டர்களில் ஓடிக் கொண்டிருக்கிறது.
96 படம் திரைக்கு வந்த சில நாட்களில் அப்படத்தின் மீது சர்ச்சை எழுந்தது. அதாவது, சில வருடங்களுக்கு முன்பு 92 என்ற பெயரில் சுரேஷ் என்ற உதவி இயக்குனர் உருவாக்கிய கதையை, பிரேம்குமார் திருடி 96 என்ற பெயரில் படமாக இயக்கி உள்ளார் என்ற குற்றச்சாட்டு எழுந்தது.
மேலும் 92 கதையை பாரதிராஜா தயாரிப்பதாகவும் இருந்தது. சுரேஷ் சொல்வது உண்மைதான், 96 படத்தின் கதை 92 கதையிலிருந்து திருடப்பட்டது என்று பாரதிராஜாவும் பகிரங்கமாக அறிவித்தார்.
இந்நிலையில், இந்த விவகாரம் குறித்து பிரேம் குமார் பத்திரிகையாளர்களை சந்தித்து விளக்கம் அளித்தார். அவருடன் இயக்குநர்கள் தியாகராஜா குமாரராஜா, பாலாஜி தரணிதரன் உள்ளிட்டவர்களும் பங்கேற்றனர்.
பிரேம்குமார் பேசியதாவது : 92 கதைக்கும் 96 கதைக்கும் எந்த சம்பந்தமும் இல்லை. 96 படத்திற்கான முழு பவுண்டட் கதை என்னிடம் உள்ளது. 96 கதை என்னுடையது தான் என்பதை நிரூபிக்க ஆதாரம் உள்ளது. என் வாழ்வில் நடந்த சம்பவம் தான் இந்த கதை. பக்ஸ், பாலாஜி தரணிதரன், தியாகராஜா குமாரராஜா ஆகியோர் என்னிடம் கதை விவாதத்தில் இருந்தனர்.
படத்தின் டைட்டில் டிசைன், படம் தொடர்பான விளம்பரங்கள் வெளியானபோது எதிர்ப்பு தெரிவிக்காதவர்கள், படம் வெளியாகி வெற்றி பெற்றதும் எதிர்க்கிறார்கள். இந்தப்படத்தின் வெற்றியை கூட என்னால் கொண்டாட முடியவில்லை.