அரசியல் கட்சித் தலைவராக இருந்து விஜய் செய்தது சரியா ? | மோகன்லாலுடன் 56வது முறையாக ஜோடி சேரும் ஷோபனா | 'பிரேமலு 2' அறிவிப்பு : 2025ல் வெளியாகும்… | 'ரோமியோ' படத்தை 'அன்பே சிவம்' படத்துடன் ஒப்பிட்ட விஜய் ஆண்டனி | ஓட்டு கூட போடாத திரைப்பிரபலங்கள்...! | விஜய்யைக் காப்பியடிக்கும் விஷால் : ரசிகர்கள் கிண்டல் | தொடர் தோல்வியில் தவிக்கும் அக்ஷய் குமார் :'சர்பிரா' காப்பாற்றுமா ? | பிரித்விராஜ் - ஏ.ஆர்.ரஹ்மான் இருவருமே உதவி செய்தார்கள் : ஆடுஜீவிதம் ரியல் நஜீப் தகவல் | ஓட்டளிக்க முடியாமல் வேதனையுடன் திரும்பிய சூரி | ஹிந்தி உரிமையில் சாதிக்கும் தெலுங்குப் படங்கள் |
பாடலாசிரியர் வைரமுத்து மீது பாடகி சின்மயி உள்ளிட்ட சில பெண்கள் மீ டூ மூலம் பாலியல் புகார் கூறினர். இதனால் பெரும் பரபரப்பு ஏற்பட்டது. இந்த புகார்கள் பொய்யாக புனையப்பட்டவை. சட்டப்படி சந்திப்பேன் என்று வைரமுத்து தெரிவித்தார். ஆனால் அவரது மகன்களும், பாடல் ஆசிரியர்களுமான கபிலன் வைரமுத்துவும், மதன் கார்க்கியும் எதுவும் கூறாமல் மவுனமாக இருந்தனர்.
தற்போது கபிலன் வைரமுத்து "அப்பா மீது கூறப்பட்டுள்ள குற்றச்சாட்டுகள் மீது நீதிமன்றம் தீர்ப்பளிக்கட்டும்" என்று கூறியிருந்தார். இந்த நிலையில் மதன் கார்க்கியும் அப்பாவுக்கு ஆதரவாக தனது டுவிட்டர் பக்கத்தில் லிங்கா படத்தில் இடம் பெற்ற "உண்மை ஒருநாள் வெல்லும்..." என்ற பாடலின் ஆடியோவை வெளியிட்டுள்ளார்.
லிங்கா கதைப்படி ரஜினி மீது ஊரே பழிசொல்லி துரத்தும்போது அவர் தன் மனைவியுடன் கண்ணீருடன் ஊரை விட்டுச் செல்வார். அப்போது இந்த பாடல் ஒலிக்கும். பாடல் வரிகள் இதுதான்...
உண்மை ஒருநாள் வெல்லும்
இந்த உலகம் உன்பேர் சொல்லும்.
அன்று ஊரே போற்றும் மனிதன். நீயே நீயடா.
பொய்கள் புயல்போல் வீசும். ஆனால் உண்மை மெதுவாய் பேசும்.
அன்று நீயே வாழ்வில் வெல்வாய். கலங்காதே. கரையாதே.
ராமனும் அழுதான் தர்மனும் அழுதான்.
நீயோ அழவில்லை. உனக்கோ அழிவில்லை.
சிரித்து வரும் சிங்கம் உண்டு.
புன்னகைக்கும் புலிகள் உண்டு.
உரையாடி உயிர் குடிக்கும் ஓநாயும் உண்டு.
பொன்னாடை போர்த்தி விட்டு உன்னாடை அவிழ்ப்பதுண்டு. பூச்செண்டில் ஒளிந்திருக்கும் பூநாகம் உண்டு.
பள்ளத்தில் ஊர் யானை விழுந்தாலும்
அதன் உள்ளத்தை வீழ்த்திட முடியாது.
கெட்டாலும் நம் தலைவன் இப்போதும் ராஜன்.
கரையாதே கலங்காதே.