விஷாலின் வரவு செலவு கணக்கு: கோர்ட்டில் தாக்கல் | பிளாஷ்பேக்: இசையிலும் சாதனை படைத்த ராஜ்குமார் | ஹாலிவுட் பட ஆடிசனில் கலந்து கொண்ட பஹத் பாசில் | தெலுங்கு இயக்குனர் சங்கத்திற்கு பிரபாஸ் ரூ.35 லட்சம் நன்கொடை | ‛ஜவான்' பாடலுக்கு நடனமாடிய மோகன்லால் : ஷாருக்கான் நன்றி | இந்த வருடத்திற்கான ஓடிடி கதவுகள் மூடப்பட்டு விட்டன : விஷால் எச்சரிக்கை மணி | ஈரோட்டில் ரசிகர்களை சந்தித்த த்ரிஷா | வித்யாபாலன் டிவியில் பார்த்த முதல் பாடல், எது தெரியுமா ? | 'கில்லி' எத்தனை மொழிகளில் ரீமேக் ஆனது தெரியுமா ? | குருவாயூரில் நடந்த 'டாடா' நாயகி அபர்ணா தாஸ் திருமணம் |
தமிழ்த் திரையுலகத்தில் நீண்ட நாட்களுக்குப் பிறகு ஒரு காதல் படம் ரசிகர்களை மெய்மறக்கச் செய்யும் அளவிற்கு ரசிக்க வைத்துள்ளது. அறிமுக இயக்குனர் பிரேம்குமார் இயக்கத்தில் விஜய்சேதுபதி, த்ரிஷா முதல் முறையாக இணைந்து நடித்த '96' படம்தான் அப்படி ஒரு மாயத்தைச் செய்துள்ளது. இந்தப் படத்திற்கு ரசிகர்கள் மத்தியில் பெரும் வரவேற்பு கிடைத்துள்ளது. படத்தைப் பார்த்த பலரும் பாராட்டி வருகிறார்கள்.
விஜய் சேதுபதி எப்போதுமே சிறப்பாக நடித்துவிடுவார். அதனால் அவருடைய நடிப்பு ரசிகர்களுக்குப் புதிததல்ல. ஆனால், திரையுலகத்தில் அறிமுகமான இந்த 16 வருடங்களில் த்ரிஷா முதல் முறையாக மிகவும் யதார்த்தமாக நடித்துள்ள படம் '96' என்று அனைவராலும் பாராட்டப்படுகிறார். டுவிட்டரில் பலரும் த்ரிஷாவுக்கு இது பற்றி வாழ்த்துகளைத் தெரிவித்து வருகிறார்கள். ரசிகர்கள் ஒவ்வொருவருக்கும் த்ரிஷா நன்றி தெரிவித்து பதிலளித்து வருகிறார்.
'96' படத்தின் ஜானு கதாபாத்திரம் த்ரிஷா இதற்கு முன் நடித்த சிறந்த காதல் படமான 'விண்ணைத் தாண்டி வருவாயா' ஜெசி கதாபாத்திரத்தை விட சிறப்பாக இருப்பதாகப் பலரும் குறிப்பிடுகிறார்கள். தற்போது 'பேட்ட' படத்தின் படப்பிடிப்பில் வெளியூரில் இருந்தாலும் '96' படத்தின் பாராட்டுக்களை டுவிட்டரில் இடைவேளை கிடைக்கும் போதெல்லாம் இடைவிடாமல் படிக்கிறாராம் த்ரிஷா.