ரத்னம் படத்திற்கு கட்டப்பஞ்சாயத்து : விஷால் வேதனை | நகைகள் மாயமானதாக புகார் : ஞானவேல்ராஜா வீட்டு பணிப்பெண் தற்கொலை முயற்சி | துருவ் விக்ரமிடம் பேச்சுவார்த்தையை தொடங்கிய சுதா | ‛இந்தியன் 2' படத்தின் தாத்தா வராரு என்ற முதல் பாடல் விரைவில் வெளியாகிறது | நடிகர் மன்சூர் அலிகான் காங்கிரஸ் கட்சியில் இணைகிறார் | வடக்கன் பட டீசர் வெளியானது | விக்ரமின் 'வீர தீர சூரன்' படப்பிடிப்பு இன்று துவங்கியது | 'கல்கி 2898 ஏடி' : ஒவ்வொருவருக்கும் இவ்வளவு சம்பளமா ? | பஹத் பாசில் படத்தை ஒருபோதும் மிஸ் பண்ணாதீர்கள் : சமந்தா | போதை ஆசாமிகளின் தாக்குதலுக்கு ஆளானேன் : உறுமீன் இயக்குனர் அதிர்ச்சி தகவல் |
நடிகை மற்றும் சின்னத்திரை தொகுப்பாளரான லட்சுமி ராமகிருஷ்ணன், ஆரோகணம், நெருங்கி வா முத்தமிடாதே, அம்மணி படங்களை இயக்கினார். தற்போது, அவர் ஹவுஸ் ஓனர் என்ற படத்தை இயக்கி வருகிறார். இதில் பசங்க படத்தில் நடித்த கிஷோர், நடிகை விஜி சந்திரசேகரின் மகள் லவ்லின் ஆகியோர் நடிக்கிறார்கள். இந்தப் படத்தில் முதலில் அசோக் செல்வனும், ஐஸ்வர்யா ராஜேசும் தான் நடிப்பதாக இருந்தது. மாற்றம் நடந்தது எப்படி என்பது குறித்து இப்படி விளக்கம் அளிக்கிறார் லட்சுமி ராமகிருஷ்ணன்:
ஆரம்பத்தில், அசோக் செல்வன் மற்றும் ஐஸ்வர்யா ராஜேஷ் ஆகியோரை வைத்து ஹவுஸ் ஓனர் படத்தை எடுக்கும் யோசனை எனக்கு இருந்தது. ஆனால், அந்த நேரத்தில் முதல் டிராப்ட் மட்டுமே தயாராக இருந்ததால் அது தொடங்கப்படவில்லை. இதற்கிடையில் அவர்கள் இருவரும் பிஸியாகி விட்டனர். அவர்கள் தற்போதைய படங்களை முடித்து விட்டு தான் திரும்ப வருவார்கள். அதனால் கிஷோர், லவ்லினை வைத்து படத்தை தொடங்கி விட்டேன்.
முதல்கட்ட படப்பிடிப்பு சமீபத்தில் நிறைவடைந்தது. அடுத்த வாரம் இரண்டாம் கட்ட படப்பிடிப்பு துவங்குகிறது. மேலும் இரண்டு கட்ட படப்பிடிப்போடு, செப்டம்பர் மாதத்தில் முழு படத்தையும் முடிக்க திட்டமிட்டிருக்கிறோம் என்றார் லட்சுமி ராமகிருஷ்ணன்.