ஜோதிகா, சமந்தா, ஐஸ்வர்யா ராஜேஷ் நடிக்க தயங்கிய கேரக்டரில் ஆண்ட்ரியா : கோபி நயினார் | ஹீரோயின் ஆன சஞ்சனா சிங் | நட்சத்திர ஓட்டலில் திருமணநாளை கொண்டாடிய அஜித் - ஷாலினி ஜோடி | சிவாஜியின் மகன் சாம்பாஜி வாழ்க்கை சினிமா ஆகிறது | மூத்த நடிகர்களை களமிறக்கும் ஆடுகளம் சீரியல் | டப்பிங் யூனியனில் ரூ.60 ஆயிரம் கட்டினேன் : வருத்தத்தில் ரேவதி பாட்டி | புதுவீட்டில் பிறந்தநாள் கொண்டாடிய ரச்சிதா | 12,000 பேர் பங்கேற்ற ஆடிஷன் : பட்டய கிளப்ப வருது ‛சரி க ம ப' சீசன் 4 | அக்ஷய் குமாருக்கு ஜோடியாக நடித்தால் விமர்சிப்பதா? - மனுசி சில்லார் ஆவேசம் | 'அமரன்' நிஜ கதாநாயகனுக்கு அஞ்சலி செலுத்திய இயக்குனர் |
தமிழ்த் திரையுலகத்தில் ரஜினிகாந்த், கமல்ஹாசன் உச்சத்தில் இருந்த காலத்திலேயே தன்னுடைய பிரம்மாண்டமான படைப்புகளால் தமிழ் சினிமா ரசிகர்களை தன் பக்கம் திரும்பிப் பார்க்க வைத்தவர் டி.ராஜேந்தர்.
2007ல் வெளிவந்த 'வீராசாமி' படத்திற்குப் பிறகு அவ்வப்போது புதிய படம் ஒன்றை அவர் இயக்கப் போவதாக செய்திகள் வெளிவரும். ஆனால், அது ஆரம்பமானதா இல்லையா என்பது தெரியாமலேயே அந்த செய்திகள் அப்படியே அடங்கிப் போய்விடும். அவருடைய இளைய மகன் குறளரசன் நாயகனாக நடிக்க படம் இயக்கப் போகிறார் என்று கூட சொன்னார்கள்.
ஆனால், இன்று தன்னுடைய அடுத்த படமாக 'இன்றைய காதல்டா...' என்ற படத்தை இயக்கப் போவதாக டி. ராஜேந்தர் அறிவித்துள்ளார். அப்படி டிஆரை காதல் படம்தான் இயக்க வேண்டும் என அவருடைய மகன் சிம்பு சொன்ன ஆலோசனையை அவர் ஏற்றுக் கொண்டிருக்கிறார். முதலில், 'இகே நகர் இடைத்தேர்தல்' என்ற அரசியல் படத்தைத்தான் இயக்க டிஆர் முடிவு செய்திருந்தாராம்.
பல காதல் படங்களைக் கொடுத்து தமிழ் சினிமாவில் உங்களுக்கென தனி அடையாளத்தை வைத்திருக்கிறீர்கள், அதனால், நீங்கள் காதல் படம்தான் இயக்க வேண்டும் என்று சிம்பு சொன்னாராம். அதே சமயம், வெங்கட் பிரபு இயக்கத்தில் சிம்பு நடிக்க உள்ள படத்தின் பெயர் 'மாநாடு' என்று அறிவித்துள்ளார்கள். இதுதான் அரசியல் படம் போலத் தெரிகிறது.
ஒருவேளை தான் அரசியல் படத்தில் நடிக்கப் போவதால் அப்பவின் ரூட்டை மாற்றிவிட்டாரோ சிம்பு....?