Dinamalar

சின்னபட்ஜெட்டில் தயாராகும் 'நயன்தாரா-63'

சில வருடங்களுக்கு முன்புவரை தமிழில் தொடர்ச்சியாக நடிக்காமல் எப்போதாவது ஒரு படத்தில் நடித்து வந்தார் நயன்தாரா. தெலுங்கில்தான் அவருடைய கவனம் இருந்தது. இப்போது நயன்தாராவின் முழுகவனமும் தமிழில்தான்.

'விஸ்வாசம்', 'கோலமாவு கோகிலா', 'இமைக்கா நொடிகள்' என்று பல படங்களை கைவசம் வைத்து பிசியாக நடித்து வருகிறார் நயன்தாரா. இந்தப்பட்டியலில் 'லட்சுமி' என்ற குறும்படத்தின் மூலம் பிரபலமான கே.எம்.சர்ஜுன் இயக்கும் புதிய படமும் இணைந்துள்ளது.

நயன்தாரா நடிப்பில் 'அறம்' படத்தை தயாரித்த 'கே.ஜே.ஆர்.ஸ்டுடியோஸ்' நிறுவனம் தயாரிக்கும் இந்த படத்திற்கு இன்னும் பெயர் சூட்டப்படவில்லை. அதனால் 'நயன்தாரா-63' என்று தற்காலிகமாக பெயரிட்டுள்ளனர்.

இந்த படத்தில் நயன்தாராவுடன் யாரெல்லாம் நடிக்கிறார்கள் என்பது குறித்த எந்த தகவலையும் படக்குழுவினர் வெளியிடவில்லை! என்றாலும் இந்த படத்தில் நயன்தாரா தவிர படத்தில் பணிபுரியும் நடிகர் நடிகை அனைவரும் புதுமுகங்கள் என்றும், தொழில்நுட்பக்கலைஞர்களும் புதுமுகங்கள்தான் என்ற தகவல் கிடைத்துள்ளது.

இந்த படத்திற்கு சுந்தரமூர்த்தி என்ற வளர்ந்து வரும் இசை அமைப்பாளரே இசையமைக்கிறார். இவர் 'கிரகணம்' என்ற படத்திற்கு இசை அமைத்துள்ளர்! இந்த படத்தில் நயன்தாரா வித்தியாசமான ஒரு கேரக்டரில் நடிக்கிறார். இது கமர்ஷியல் படம் இல்லை என்பதால் சின்ன பட்ஜெட்டில் இப்படத்தை தயாரிக்க திட்டமிட்டுள்ளனர்.

• 
  அயோத்தியில் இடம் வாங்கிய அமிதாப்பச்சன்
• 
  சினிமாவில் வளர திறமை மட்டுமே போதாது : பரிணிதி சோப்ரா
• 
  கபீர் சிங் படத்தில் நடித்தது நான் செய்த இமாலய தவறு ; பாலிவுட் நடிகர் ...
• 
  ஷில்பா செட்டி மற்றும் ராஜ் குந்த்ராவின் 97 கோடி சொத்துக்கள் முடக்கம்!
• 
  'வார்-2' படப்பிடிப்பில் ஜிம் பயிற்சியாளரை மகிழ்வித்த ஜூனியர் என்டிஆர்

• 
  பாண்டிராஜ் இயக்கத்தில் விஜய் சேதுபதி?
• 
  விக்ரம் படத்தில் இணைந்த மற்றொரு மலையாள நடிகர்
• 
  கள்ளழரை அருகில் கண்ட பேரானந்தத்தில் சூரி
• 
  ரஜினியின் கூலி படத்தில் இணைந்த சிவகார்த்திகேயன் பட வசனகர்த்தா
• 
  10 மில்லியன் பார்வையாளர்களை கடந்த ‛இனிமேல்' ஆல்பம்