டைம் டிராவல் கதையா...! : வெளியானது ரஜினி 171 பட அப்டேட் | சூர்யாவின் 44வது படத்தை இயக்கும் கார்த்திக் சுப்பராஜ் | மலையாள பிக்பாஸ் நிகழ்ச்சியில் கைகலப்பு : போட்டியாளர் மருத்துவமனையில் அனுமதி | இயக்குனர் சங்கத்தில் உறுப்பினர் அட்டை பெற்றார் மோகன்லால் | சூர்யா நடிக்கயிருந்த கதையில் விஜய் சேதுபதி | ரூ.100 கோடி பட்ஜெட்டில் உருவாகும் சிவகார்த்திகேயன் படம் | மல்டி ஸ்டார் படமாக உருவாகும் இளையராஜா பயோபிக் | திருமணத்தில் அப்பா விவேக்கின் கனவை நனவாக்கிய மகள் தேஜஸ்வினி | சித்தார்த் - அதிதிக்கு நிச்சயதார்த்தம் நடந்தது...! - இருவரும் அறிவிப்பு | ஏப்ரல் மாதத்தில் ரஷ்யா செல்லும் ‛தி கோட்' படக்குழு |
தமிழ், தெலுங்குத் திரையுலகின் முன்னணி நாயகியான சமந்தாவுக்கும், நடிகர் நாக சைதன்யாவுக்கும் கடந்த வருடம் அக்டோபர் மாதம் திருமணம் நடந்தது. திருமணம் முடிந்த பின்னும் இருவரும் பிஸியாக நடித்துக் கொண்டிருக்கிறார்கள். அதிலும் சமந்தாவுக்கு திருமணமும் திரையுலகில் ஒரு ராசியாகவே அமைந்துவிட்டது. இதற்கு முன்பெல்லாம் திருமணமான நடிகையை திரையுலகைவிட்டே ஒதுக்கிவிடுவார்கள். ஆனால், சமந்தா திருமணம் ஆன பின் தான் அடுத்தடுத்து ஹிட்டுகளைக் கொடுத்து வருகிறார்.
'ரங்கஸ்தலம், மகாநதி, இரும்புத்திரை' என திருமணத்திற்குப் பிறகு அவர் நடித்து வெளிவந்த மூன்று படங்களுமே வசூலில் சாதனை புரிந்துள்ளன. திருமண ராசி சமந்தாவுக்கு நல்லதொரு வெற்றிகளைத்தான் கொடுத்துக் கொண்டிருக்கிறது. மேலும், தற்போது தமிழில் இரண்டு படங்களை நடித்து முடித்துவிட்டு தமிழ், தெலுங்கில் 'யு டர்ன்' ரீமேக்கில் பிசியாக நடித்துக் கொண்டிருக்கிறார்.
சமந்தா நேற்று திடீரென அவருடைய திருமண வீடியோ ஒன்றை இன்ஸ்டாகிராமில் வெளியிட்டார். அவருக்கும், நாகசைதன்யாவுக்கும் நடந்த திருமணத்தின் சில சுவாரசியமான காட்சிகள் அந்த வீடியோவில் இடம் பெற்றுள்ளன. அதற்கு இதுவரை 12 லட்சத்திற்கும் மேற்பட்ட பார்வைகள் கிடைத்துள்ளன. இத்தனை மாதங்கள் கழித்து வெளியிடப்பட்ட அவர்களின் வீடியோவிற்கு இவ்வளவு வரவேற்பா ?.