ஜோதிகா, சமந்தா, ஐஸ்வர்யா ராஜேஷ் நடிக்க தயங்கிய கேரக்டரில் ஆண்ட்ரியா : கோபி நயினார் | ஹீரோயின் ஆன சஞ்சனா சிங் | நட்சத்திர ஓட்டலில் திருமணநாளை கொண்டாடிய அஜித் - ஷாலினி ஜோடி | சிவாஜியின் மகன் சாம்பாஜி வாழ்க்கை சினிமா ஆகிறது | மூத்த நடிகர்களை களமிறக்கும் ஆடுகளம் சீரியல் | டப்பிங் யூனியனில் ரூ.60 ஆயிரம் கட்டினேன் : வருத்தத்தில் ரேவதி பாட்டி | புதுவீட்டில் பிறந்தநாள் கொண்டாடிய ரச்சிதா | 12,000 பேர் பங்கேற்ற ஆடிஷன் : பட்டய கிளப்ப வருது ‛சரி க ம ப' சீசன் 4 | அக்ஷய் குமாருக்கு ஜோடியாக நடித்தால் விமர்சிப்பதா? - மனுசி சில்லார் ஆவேசம் | 'அமரன்' நிஜ கதாநாயகனுக்கு அஞ்சலி செலுத்திய இயக்குனர் |
'காலா' படம் இமாலய வெற்றி, சாதனை வசூல், மக்களின் அமோக ஆதரவில், என படக்குழுவினர் விளம்பரங்கள் கொடுத்து வருகின்றனர். மற்றொரு பக்கம் டுவிட்டரில் சிலரை நியமித்து படம் பற்றிய பாசிட்டிவ்வான செய்திகளை அவ்வப்போது வெளியிட்டு வருகிறார்கள். படம் வெளிவரும் வரை எந்த ரசிகரையும் கண்டு கொள்ளாத இயக்குனர் பா.ரஞ்சித், படம் வெளிவந்த பின் யார் படத்தைப் பற்றி பாராட்டினாலும் அதை உடனே டுவிட்டரில் ரிடுவீட் செய்து வருகிறார்.
ஆனால், ரஜினிகாந்த் படங்கள் என்றாலே ஒரு வாரத்திற்கு ஏறக்குறைய அனைத்து தியேட்டர்களிலும் முன்பதிவு முடிந்திருக்கும். அது 'காலா' படத்திற்குக் கிடைக்காமல் போயிருக்கிறது. சென்னையில் மட்டும் படத்திற்கு நல்ல வசூல் என அதை மட்டுமே முன்னிலைப்படுத்தி வருகிறார்கள். அதே சமயம் சென்னையில் இன்றைய முன்பதிவு நிலவரத்தைப் பார்த்தால் இரண்டு வரிசை டிக்கெட்டுகள் மட்டுமே பெரும்பாலான தியேட்டர்களில் முன்பதிவு செய்யப்பட்டுள்ளன.
பல வெளியூர்களில் சனி மற்றும் ஞாயிற்றுக்கிழமைகளிலேயே 'காலா' படத்தைப் பார்க்க வரும் கூட்டம் வெகுவாகக் குறைந்துவிட்டது என்கிறார்கள். 'காலா' படத்தைக் குடும்பத்துடன் பார்க்க வருபவர்களை விட 'ஜுராசிக் வேர்ல்டு' படத்தைக் குடும்பத்துடன் பார்க்க வருபவர்கள் அதிகமாக இருக்கிறார்கள் எனத் தகவல் வருகிறது.
பா.ரஞ்சித் தொடர்ந்து சாதி ரீதியிலான படத்தை எடுப்பதும், 'காலா' படத்தில் இந்து கடவுள்களை காரணம் இன்றி அவமதித்திருப்பதும், தூத்துக்குடி துப்பாக்கிச்சூடு சம்பவம் தொடர்பாக சொன்னது ஒரு கருத்தாகவும், படத்தில் அப்படியே நேர்மறையாக பேசியிருப்பது, ரஜினி படம் போன்று இல்லை பல இடங்களில் அவரை டம்மியாக காண்பித்திருப்பது போன்ற காரணங்கள் தான் குடும்பத்துடன் வந்து படத்தைப் பார்க்க பலரும் விரும்பவில்லை என்று தியேட்டர் வட்டாரங்களில் தெரிவிக்கிறார்கள். ரஜினிகாந்த் மீதான இமேஜ் இந்தப் படத்திற்குப் பிறகு நிறையவே குறைந்துவிட்டது என்றும் சொல்கிறார்கள்.