ரச்சிதா பிறந்தநாளில் வெளியான ‛பயர்' முன்னோட்ட வீடியோ | மே 3ல் ரிலீஸாகும் ‛குரங்கு பெடல்' | அஜித்துக்காக உருவாக்கப்பட்ட டைட்டிலில் அருண் விஜய் | பவன் கல்யாண் எத்தனை கார்கள் வைத்திருக்கிறார் தெரியுமா ? | இயக்குனர் சேரனின் மூத்த மகளுக்கு திருமணம் | மே 1ம் தேதி முதல் மாற்றம் : ராகவா லாரன்ஸ் | அருண் விஜய் நடிக்கும் ரெட்ட தல | சல்மான் கானுக்கு ஜோடியாக கியாரா அத்வானி? | பாடலாசிரியரும் உரிமை கோரினால் என்னவாகும் - இளையராஜா தரப்புக்கு நீதிபதிகள் கேள்வி | கன்னடத்தில் கால் பதிக்கும் ஐஸ்வர்யா ராஜேஷ் |
ஹரி இயக்கத்தில் நீண்ட இடைவெளிக்குப் பிறகு விக்ரம் நாயகனாக நடிக்கும் 'சாமி ஸ்கொயர்' படத்தின் டிரைலர் நேற்று யு டியுபில் வெளியிடப்பட்டது. முழுக்க முழுக்க ஒரு ஆக்ஷ்ன் படமாக மட்டுமே இருக்கும் இந்தப் படத்தின் டிரைலர் வெளியான நிமிடத்திலிருந்தே பல சர்ச்சையை உருவாக்கிவிட்டது. பார்ப்பதற்கு 'சிங்கம்' படங்களின் காட்சிகள் போன்று இருப்பதாகப் பலரும் விமர்சித்து வருகிறார்கள்.
ஆனால், டிரைலரைப் பார்த்தால் பாலகிருஷ்ணா நடித்த படங்களை ஒரே டிரைலரில் பார்த்த எபெக்ட் தான் கிடைக்கிறது. வழக்கம் போல சுமோக்களும், கார்களும் பறக்கின்றன. நாயகன் அடித்தால் 50 அடி தள்ளி விழுகிறார்கள். டிரைலர் முழுவதுமே 10 பச்சை மிளகாயை ஒன்றாக்க் கடித்த்து போல விக்ரம் ஆவேசத்துடனேயே இருக்கிறார். வழக்கம் போல சிரித்துக் கொண்டே இருந்தாலும் கீர்த்தி சுரேஷ், விக்ரம் ஜோடியாக பொருத்தமாக இருப்பாரா என்றும் யோசிக்க வைக்கிறது.
'நான் தாய் வயித்துல பொறக்கலடா, பேய் வயித்துல பொறந்தேன், நான் சாமி இல்ல பூதம்' என்ற வசனங்கள் சீரியசாக பேசப்படுவதை விட கிண்டலாக பேசப்பட்டுக் கொண்டிருக்கிறது. இவற்றை வைத்து நேற்றே பல மீம்ஸ்கள் சமூக வலைத்தளங்களை தெறிக்க விட்டுக் கொண்டிருக்கின்றன.
பலத்த விமர்சனங்கள் எழுந்தாலும் 24 மணி நேரத்திற்குள் 30 லட்சம் பார்வைகளைக் கடந்து 'சாமி ஸ்கொயர்' டிரைலர் யு டியூபில் டிரென்டிங்கிலும் முதலிடத்தில் உள்ளது.