ஜோதிகா, சமந்தா, ஐஸ்வர்யா ராஜேஷ் நடிக்க தயங்கிய கேரக்டரில் ஆண்ட்ரியா : கோபி நயினார் | ஹீரோயின் ஆன சஞ்சனா சிங் | நட்சத்திர ஓட்டலில் திருமணநாளை கொண்டாடிய அஜித் - ஷாலினி ஜோடி | சிவாஜியின் மகன் சாம்பாஜி வாழ்க்கை சினிமா ஆகிறது | மூத்த நடிகர்களை களமிறக்கும் ஆடுகளம் சீரியல் | டப்பிங் யூனியனில் ரூ.60 ஆயிரம் கட்டினேன் : வருத்தத்தில் ரேவதி பாட்டி | புதுவீட்டில் பிறந்தநாள் கொண்டாடிய ரச்சிதா | 12,000 பேர் பங்கேற்ற ஆடிஷன் : பட்டய கிளப்ப வருது ‛சரி க ம ப' சீசன் 4 | அக்ஷய் குமாருக்கு ஜோடியாக நடித்தால் விமர்சிப்பதா? - மனுசி சில்லார் ஆவேசம் | 'அமரன்' நிஜ கதாநாயகனுக்கு அஞ்சலி செலுத்திய இயக்குனர் |
பழம்பெரும் திரைப்பட போட்டோகிராபர் திருச்சி ஆனா ரூனா. நடிகர் திலகம் சிவாஜியின் ஆஸ்தான போட்டோகிராபர். இவரது மகன்கள் ரமேஷ்குமார், சுரேஷ்குமார். இருவரும் சினிமா ஒளிப்பதிவாளர்கள். சுரேஷ்குமார் கடமை கண்ணியம் கட்டுப்பாடு, என் தமிழ் என் மக்கள் உள்பட பல படங்களுக்கு ஒளிப்பதிவு செய்துள்ளார். புனே திரைப்படக் கல்லூரியில் தங்கமெடல் பெற்ற மாணவர்.
விபத்து ஒன்றில் சிக்கி உடல் பாதிப்படைந்த சுரேஷ்குமாருக்கு சினிமா வாய்ப்பு கிடைக்கவில்லை. இதனால் குறும்படங்கள், டாக்குமெண்டரி படங்களில் பணியாற்றி வந்தார். திருமணம் செய்து கொள்ளாத சுரேஷ்குமார் குரோம்பேட்டையில் தனியாக வசித்து வந்தார்.
இந்த நிலையில் கடந்த 27ந் தேதி கோடம்பாக்கம் வந்து விட்டு இரவில் குரோம்பேட்டை திரும்பிய சுரேஷ்குமார், பஸ்சில் இருந்து இறங்கி வீட்டுக்கு நடந்து சென்றுள்ளார். அப்போது திடீரென்று மாரடைப்பு ஏற்பட்டு சாலையோரத்திலேயே சுருண்டு விழுந்து இறந்தார். இதனை யாரும் கவனிக்கவில்லை. பிறகு அந்தப் பக்கம் வந்த மர்ம நபர்கள் சுரேஷ்குமாரின் சட்டைப்பையில் இருந்த பணம், வங்கி ஏடிஎம் கார்டுகள், ஆகியவற்றை திருடிச் சென்று விட்டனர். இதனால் அவர் யார் என்று தெரியவில்லை. பொதுமக்கள் கொடுத்த தகவலின் அடிப்படையில் போலீசார் உடலை கைப்பற்றி குரோம்பேட்டை அரசு மருத்துவமனைக்கு அனுப்பி வைத்தனர்.
அங்கு அவரது உடல் 4 நாட்கள் வைக்கப்பட்டிருந்தது. பின்னார் சுரேஷ்குமார் குடியிருந்த வீட்டின் உரிமையாளர் அவரை காணவில்லை என்று கொடுத்த தகவலின் பேரில் மருத்துவமனையில் இருந்த சுரேஷ்குமார் உடல் அடையாளம் கண்டுபிடிக்கப்பட்டது. நேற்று மாலை அவரது இறுதி சடங்குகள் நடந்தது. இந்த சம்பவம் திரையுலகில் பரபரப்பை ஏற்படுத்தியுள்ளது.