ரத்னம் படத்திற்கு கட்டப்பஞ்சாயத்து : விஷால் வேதனை | நகைகள் மாயமானதாக புகார் : ஞானவேல்ராஜா வீட்டு பணிப்பெண் தற்கொலை முயற்சி | துருவ் விக்ரமிடம் பேச்சுவார்த்தையை தொடங்கிய சுதா | ‛இந்தியன் 2' படத்தின் தாத்தா வராரு என்ற முதல் பாடல் விரைவில் வெளியாகிறது | நடிகர் மன்சூர் அலிகான் காங்கிரஸ் கட்சியில் இணைகிறார் | வடக்கன் பட டீசர் வெளியானது | விக்ரமின் 'வீர தீர சூரன்' படப்பிடிப்பு இன்று துவங்கியது | 'கல்கி 2898 ஏடி' : ஒவ்வொருவருக்கும் இவ்வளவு சம்பளமா ? | பஹத் பாசில் படத்தை ஒருபோதும் மிஸ் பண்ணாதீர்கள் : சமந்தா | போதை ஆசாமிகளின் தாக்குதலுக்கு ஆளானேன் : உறுமீன் இயக்குனர் அதிர்ச்சி தகவல் |
இந்தியா முழுக்க தனது நடிப்பு திறமையால் வியக்க வைத்த ஸ்ரீதேவி, இன்று உயிரோடு இல்லை. திடீர் மாரடைப்பு அவரின் உயிரை பறித்துவிட்டது. ஸ்ரீதேவியின் மறைவுக்கு கோலிவுட் முதல் பாலிவுட் வரை பல திரைப்பிரபலங்கள் இரங்கல் தெரிவித்துள்ளனர். இன்றைக்கு இருக்கும் பல இளம் நடிகைகளுக்கும் அவர் ரோல் மாடலாக இருந்திருக்கிறார். அப்படி தமிழ் சினிமாவில் இருக்கும் இளம் நடிகைகள், ஸ்ரீதேவியின் மறைவுக்கு இரங்கல் தெரிவித்துள்ளனர். இதோ...
ஸ்ரீதேவியின் மரண செய்தி கேட்டு அதிர்ச்சியானேன். அவர் எனது உந்துதல் சக்தி. நான் நடிக்க முக்கிய காரணமும் அவர் தான். நடிப்பு உள்ளிட்ட எல்லாவிஷயங்களிலும் என் ரோல்மாடலும் அவர் தான். இந்திய சினிமாவுக்கு மட்டுமல்ல உலக சினிமாவிற்கும் பேரிழப்பு. ஒரு ரசிகையாக அவரை சந்திக்க வேண்டும் என ஆசைப்பட்டேன், அந்த கனவும் இறந்துவிட்டது. எப்போதும் அவரின் நினைவு இருக்கும் என கூறியுள்ளார் நடிகை மகிமா.
நிறைய நடிகைகளுக்கு முன்மாதிரியாகவும், ரோல் மாடலாகவும் இருந்தவர். அவரின் மறைவு செய்தி கேட்டு மிகவும் அதிர்ச்சியானேன். ஸ்ரீதேவியின் வளர்ச்சியை பார்த்து நிறைய விஷயம் கற்று கொண்டேன். வாழ்க்கையில் இதுபோன்ற திடீரென எதிர்பாராத விஷயங்கள் நடக்கும். ஸ்ரீதேவியின் குடும்பத்தாருக்கு ஆறுதல் என கூறியுள்ளார் நடிகை ஆஷ்னா சவேரி.
இனம், மொழி என பல தடைகளை கடந்து சாதனை படைத்தவர். ஸ்ரீதேவிக்கு என்ன நடந்தது என நினைக்கும்போதும், குறைந்த வயதில் நம்மை விட்டு சென்றதும் மனதுக்கு வருத்தமாக உள்ளது. அவரது குடும்பம் எப்படி இதை ஏற்பார்கள் என்று..? என்னால் நினைத்து கூட பார்க்க முடியவில்லை என கூறியுள்ளார் நடிகை காயத்ரி.
எனது ஆல் டைம் பேவரிட் ஹீரோயின் ஸ்ரீதேவி தான். அவரின் அழகு, நடிப்பு மற்றும் திறமையை பார்த்து வியந்திருக்கிறேன். இந்த பூமியில் அவர் இல்லை என நினைக்கும்போது அதிர்ச்சியாக உள்ளது. அவரின் நினைவுகள் என்றும் பொக்கிஷங்களாக இருக்கும். அவரின் ஆன்மா சாந்தியடைய வேண்டுகிறேன் என தெரிவித்துள்ளார் நடிகை சஞ்சிதா ஷெட்டி.
ஸ்ரீதேவி, நல்ல திறமையான அழகான நடிகை. அவரின் மரணம் செய்தி யாராலும் ஏற்க
முடியாது. என்றும் மக்கள் மனதில் அவர் வாழ்வார் என்கிறார் வல்லினம்
மிருதுளா.
இவ்வளவு சீக்கிரம் நம்மளை விட்டு சென்றுவிட்டார், மிகவும்
வருத்தமளிக்கிறது. அவரின் ஆத்மா சாந்தி அடையட்டும் என நடிகை ரேகா
கூறியுள்ளார்.