ரச்சிதா பிறந்தநாளில் வெளியான ‛பயர்' முன்னோட்ட வீடியோ | மே 3ல் ரிலீஸாகும் ‛குரங்கு பெடல்' | அஜித்துக்காக உருவாக்கப்பட்ட டைட்டிலில் அருண் விஜய் | பவன் கல்யாண் எத்தனை கார்கள் வைத்திருக்கிறார் தெரியுமா ? | இயக்குனர் சேரனின் மூத்த மகளுக்கு திருமணம் | மே 1ம் தேதி முதல் மாற்றம் : ராகவா லாரன்ஸ் | அருண் விஜய் நடிக்கும் ரெட்ட தல | சல்மான் கானுக்கு ஜோடியாக கியாரா அத்வானி? | பாடலாசிரியரும் உரிமை கோரினால் என்னவாகும் - இளையராஜா தரப்புக்கு நீதிபதிகள் கேள்வி | கன்னடத்தில் கால் பதிக்கும் ஐஸ்வர்யா ராஜேஷ் |
ஏற்கனவே வெளியான படங்களின் தலைப்புகளை தன்னுடைய படத்துக்கு சூட்ட வேண்டும் என்பதில் ஆர்வம் காட்ட ஆரம்பித்திருக்கிறார் பிரபுதேவா. சமீபத்தில் அவரது நடிப்பில் வெளியான குலேபகாவலி ஏற்கனவே வெளியான படத்தின் தலைப்புதான்.
தற்போது அவர் நடித்து வரும் 'லட்சுமியும் ஏற்கனவே வந்த படத்தின் தலைப்புதான். இந்தவரிசையில் இன்னொரு படமும் சேர்கிறது. மெர்குரி', 'யங் மங் சங்', 'சார்லி சாப்ளின்-2', 'லட்சுமி' என பல படங்களில் பிசியாக நடித்து வரும் பிரபு தேவா, மற்றுமொரு படத்தில் நடிக்க இருக்கிறார். அறிமுக இயக்குனர் ஆகாஷ் சாம் இயக்கும் இந்த படத்திற்கு 'ஊமை விழிகள்' என டைட்டிலை சூட்டியிருக்கிறார்கள்.
ஆபாவாணன் தயாரிப்பில், அரவிந்த்ராஜ் இயக்கத்தில், விஜய்காந்த் நடிப்பில் 1986-ல் வெளியாகி மிகவும் பரபரப்பாக பேசப்பட்ட படம் 'ஊமை விழிகள். இந்தப் படத்தின் டைட்டிலை தன்னுடைய படத்துக்கு சூட்டியதன் மூலம் மக்களின் கவனத்தை ஈர்க்க முடியும் என நினைக்கிறாராம் பிரபுதேவா.
உமேஷ், சுதன் சுந்தரம் இணைந்து தயாரிக்கும் இந்த படத்திற்கு விஷ்ணு ராமகிருஷ்ணன் ஒளிப்பதிவு செய்கிறார். இந்த படத்தில் பிரபுதேவாவுடன் நடிக்க இருக்கும் மற்ற நடிகர் நடிகைகள் மற்றும் தொழில்நுட்ப கலைஞர்களின் தேர்வு நடந்து வருகிறது.
பிரபுதேவா நடிப்பில் உருவாகியுள்ள 'மெர்குரி' ஏப்ரல் 13-ஆம் தேதி வெளியாகவிருக்கிறது. இந்த படத்தை தொடர்ந்து பிரபுதேவா நடிப்பில் ரெடியாக இருக்கும் 'யங் மங் சங்', சார்லி சாப்ளின்-2', 'லட்சுமி' ஆகிய படங்கள் அடுத்தடுத்து வெளியாகும் என்று சொல்லப்படுகிறது.