பைக் டாக்சி ஓட்டுனராக நடிக்கும் நக்ஷா சரண் | எழுத்தாளராக நடிக்கும் வெற்றி | ஈரோடு மகேஷ் இல்லையென்றால் சினிமாவில் நான் இல்லை : தமன்குமார் நெகிழ்ச்சி | அரசியல்வாதிகள் நல்லது செய்தால் நடிகர்கள் அரசியலுக்கு வரமாட்டார்கள் : விஷால் | பிளாஷ்பேக்: நடிகையை திருமணம் செய்த முதல் இயக்குனர் | அன்பே வா சீரியல் நடிகருக்கு திருமணம் | எதிர்நீச்சல் நடிகையின் ஜாலி டூர் கிளிக்ஸ் | நடன பள்ளி தொடங்கிய காயத்ரி - யுவராஜ் | தேர்தல் விதி மீறல் : விஜய் மீது சென்னை கமிஷனர் அலுவலகத்தில் புகார் | ஷில்பா செட்டி மற்றும் ராஜ் குந்த்ராவின் 97 கோடி சொத்துக்கள் முடக்கம்! |
ராஜமௌலி இயக்கத்தில் பிரபாஸ், ராணா, அனுஷ்கா மற்றும் பலர் நடிக்க, கடந்த வருடம் ஏப்ரல் 28ம் தேதி வெளியாகி இதுவரை உலகம் முழுவதும் சுமார் 1700 கோடி வரை வசூலித்துள்ள படம் 'பாகுபலி 2'. இப்படத்தை ஆறு வாரங்களுக்கு முன்பு ஜப்பான் நாட்டில் வெளியிட்டுள்ளனர். இன்னமும் அங்கு சில தியேட்டர்களில் படம் ஓடிக் கொண்டிருக்கிறது. ஜப்பான் நாட்டில் இதுவரை 5,50,000 யுஎஸ் டாலர் வரை இந்தப் படம் வசூலித்துள்ளதாக 'பாகுபலி 2' படத்தின் தயாரிப்பாளர்கள் தெரிவித்துள்ளனர். இது எதிர்பார்க்கப்பட்ட வசூலை விட மிகவும் குறைந்த வசூல்தான் என்கிறார்கள்.
ஜப்பான் நாட்டில் பல வருடங்களுக்கு முன்பு ரஜினிகாந்த், மீனா நடித்து வெளியான 'முத்து' திரைப்படம் வசூலித்த தொகையை விட இது மிகவும் குறைவு. 'முத்து' படம் சுமார் 15,00,000 யுஎஸ்டாலர் வசூலித்துள்ளது என்கிறார்கள். இது அப்போதைய பண மதிப்பு. அந்தக் காலத்திலேயே 'முத்து' படம் ஜப்பான் நாட்டில் ஒரு தியேட்டரில் மட்டும் 22 வாரங்கள் ஓடியுள்ளதாகவும் தெரிவிக்கிறார்கள்.
பல கோடி ரூபாய் செலவு செய்து பிரம்மாண்டமாகத் தயாரிக்கப்பட்ட 'பாகுபலி 2' படத்தை சமூக வலைத்தளங்களில் பல ஜப்பானியர்கள் பாராட்டி வருகின்றனர். இருந்தாலும் படத்தின் வசூல் 'முத்து' படத்தின் வசூலில் பாதியைக் கூடத் தொட முடியாதது ஆச்சரியமாக உள்ளது.