டைம் டிராவல் கதையா...! : வெளியானது ரஜினி 171 பட அப்டேட் | சூர்யாவின் 44வது படத்தை இயக்கும் கார்த்திக் சுப்பராஜ் | மலையாள பிக்பாஸ் நிகழ்ச்சியில் கைகலப்பு : போட்டியாளர் மருத்துவமனையில் அனுமதி | இயக்குனர் சங்கத்தில் உறுப்பினர் அட்டை பெற்றார் மோகன்லால் | சூர்யா நடிக்கயிருந்த கதையில் விஜய் சேதுபதி | ரூ.100 கோடி பட்ஜெட்டில் உருவாகும் சிவகார்த்திகேயன் படம் | மல்டி ஸ்டார் படமாக உருவாகும் இளையராஜா பயோபிக் | திருமணத்தில் அப்பா விவேக்கின் கனவை நனவாக்கிய மகள் தேஜஸ்வினி | சித்தார்த் - அதிதிக்கு நிச்சயதார்த்தம் நடந்தது...! - இருவரும் அறிவிப்பு | ஏப்ரல் மாதத்தில் ரஷ்யா செல்லும் ‛தி கோட்' படக்குழு |
திருமணத்துக்குப் பிறகு நடிக்க மாட்டேன் என்று அறிவிக்கும் நடிகைகள் மத்தியில் சமந்தா சமர்த்து. சுமார் 10 நாட்கள் மட்டும் புதுமண வாழ்க்கையை அனுபவித்துவிட்டு மீண்டும் நடிக்க வந்துவிட்டார். கைவசம் அரை டஜன் படங்கள் வைத்திருக்கிறார் சமந்தா.
இந்த வருடம் அவரின் நடிப்பில் நான்கு படங்களாவது வெளிவர வாய்ப்பிருக்கிறது. விஷாலுக்கு ஜோடியாக நடித்துள்ள 'இரும்புத்திரை' படம் மார்ச் 28ல் வெளியாகிறது. தியாகராஜன் குமார ராஜா இயக்கத்தில் 'சூப்பர் டீலக்ஸ்' என்ற படத்திலும் சமந்தா நடித்து வருகிறார்.
இந்தப்படத்தின் படப்பிடிப்பும் விறுவிறுப்பாக நடைபெற்று வருகிறது. இன்னொரு பக்கம், நடிகை சாவித்திரியின் வாழ்க்கை வரலாறான 'மகாநதி' படத்திலும் நடித்து வருகிறார். இந்த மூன்று படங்கள் இல்லாமல், 'யு டர்ன்' கன்னடப் படத்தின் தமிழ் ரீமேக்கிலும் நடிக்கிறார் சமந்தா.
சமந்தா நடிப்பில் தமிழில் ரீமேக் ஆகும் என நீண்டநாட்களாக சொல்லப்பட்டுக் கொண்டிருந்த இந்தப் படம் பற்றிய அறிவிப்பு தற்போது அதிகாரபூர்வமாக வெளியாகியுள்ளது. ஸ்ரீனிவாசா சில்வர் ஸ்கிரீன் என்ற பேனர் தமிழ், தெலுங்கு என ஒரே நேரத்தில் இரண்டு மொழிகளில் இந்தப் படத்தை தயாரிக்கிறது. இப்படத்தின் படப்பிடிப்பு பிப்ரவரியில் துவங்குகிறது.