அரசியல் கட்சித் தலைவராக இருந்து விஜய் செய்தது சரியா ? | மோகன்லாலுடன் 56வது முறையாக ஜோடி சேரும் ஷோபனா | 'பிரேமலு 2' அறிவிப்பு : 2025ல் வெளியாகும்… | 'ரோமியோ' படத்தை 'அன்பே சிவம்' படத்துடன் ஒப்பிட்ட விஜய் ஆண்டனி | ஓட்டு கூட போடாத திரைப்பிரபலங்கள்...! | விஜய்யைக் காப்பியடிக்கும் விஷால் : ரசிகர்கள் கிண்டல் | தொடர் தோல்வியில் தவிக்கும் அக்ஷய் குமார் :'சர்பிரா' காப்பாற்றுமா ? | பிரித்விராஜ் - ஏ.ஆர்.ரஹ்மான் இருவருமே உதவி செய்தார்கள் : ஆடுஜீவிதம் ரியல் நஜீப் தகவல் | ஓட்டளிக்க முடியாமல் வேதனையுடன் திரும்பிய சூரி | ஹிந்தி உரிமையில் சாதிக்கும் தெலுங்குப் படங்கள் |
ரஜினிகாந்த் அரசியலுக்கு வருவது உறுதியாகிவிட்டது. பொங்கல் பண்டிகை அன்றோ அல்லது தமிழ் புத்தாண்டு தினத்தன்றோ கட்சி பெயர், கொடி, சின்னம், கொள்கை, செயல்திட்டம் ஆகியவற்றை அறிவிக்க இருக்கிறார். தமிழ்நாடு முழுவதும் சுற்றுப் பயணம் செய்து மக்களையும் சந்திக்க இருக்கிறார்.
ரஜினி அரசியல் வருகை குறித்து அரசியல் கட்சிகள் தான் கருத்து சொல்லி வருகின்றன. ஒரு சில நடிகர்கள் தவிர்த்து மற்றவர்கள் மவுனம் சாதிக்கிறார்கள். ரஜினியை ஆஹா ஓஹோ என்றவர்கள் வாய் திறக்கவில்லை. இந்த நிலையில் நடிகர் ராகவா லாரன்ஸ் ரஜினி கட்சியில் முதல் ஆளாக இணைகிறார்.
"ரஜினியின் காவலன் நான்" என்று அறிவித்திருக்கிறார். நாளை மாலை 4 மணிக்கு அம்பத்தூரில் தன் தாய்க்கு கட்டியிருக்கும் கோவிலுக்கு பூஜை செய்து விட்டு இதனை முறைப்படி பத்திரிகையாளர்களை அழைத்து அறிவிக்க இருந்தார். இதற்கான ஏற்பாடுகள் நடந்து வந்தன.
இந்நிலையில், லாரன்ஸின் தீவிர ரசிகரான கடலூரை சேர்ந்த சேகர் என்பவர் விபத்தில் சிக்கி மரணம் அடைந்தார். இந்த செய்தியை கேட்டு படப்பிடிப்பை ரத்து செய்துவிட்டு கடலூர் செல்கிறார் லாரன்ஸ். இதனால் நாளை பத்திரிகையாளர்களை சந்தித்து, ரஜினியுடன் இணைவதாக அறிவிக்க இருந்த நிகழ்ச்சியை ரத்து செய்துள்ளார்.
மாறாக மதுரையில் 7-ம் தேதி ரஜினி ரசிகர்கள் ஏற்பாடு செய்திருந்த விழாவில் லாரன்ஸ் கலந்து கொள்ள ஏற்கனவே சம்மதம் சொல்லியிருந்தார். அதில் தான், ரஜினியின் கட்சியில் இணைவதை அறிவிக்கிறார்.
ராகவா லாரன்ஸ் ரஜினியின் தீவிர ரசிகர் என்பதை விட தீவிர பக்தர் என்றே சொல்லலாம். ரஜினி பாணியிலேயே ராகவேந்திர பக்தரும் கூட. ராகவேந்திரருக்கு கோவிலும் கட்டி உள்ளார். படங்களில் ரஜினியின் சாயலில் காட்சிகள் வைப்பார். அடிக்கடி ரஜினியை சந்திப்பார். ரஜினி பிறந்த நாளை ஏழை எளிய மக்களுக்கு நலத்திட்ட உதவி வழங்கி கொண்டாடுவார். தற்போது ரஜினி கட்சியை முறைப்படி அறிவிக்கும் முன்பே தன்னை அவருடன் இணைத்துக் கொள்ள இருக்கிறார்.