Dinamalar

இந்த வாரப் போட்டியில் 9 படங்கள், தியேட்டர்கள் கிடைக்குமா ?

2017ம் ஆண்டின் கடைசி மாதத்தின் கடைசி பரபரப்பில் இருக்கிறது தமிழ்த் திரையுலகம். ஒவ்வொரு ஆண்டும் சிறிய பட்ஜெட் படங்கள் வெளிவரும் தேதியைப் பொறுத்தே தமிழ்நாடு அரசாங்கத்தின் மானியம் கிடைக்கப் பெறும். அதனால், டிசம்பர் மாதத்தில் குறைந்த அளவில் தியேட்டர்கள் கிடைத்தால் கூட, மேலும் தாமதிக்காமல் படத்தை வெளியிட்டு விடுவார்கள். ஆனாலும், கடந்த ஏழு வருடங்களுக்கான சிறிய பட்ஜெட் படங்களுக்கான மானியத் தொகை பற்றிய அறிவிப்பும் சமீபத்தில்தான் வெளியிடப்பட்டது.

ஆர்.கே.நகர் இடைத் தேர்தலில் தயாரிப்பாளர் சங்கத் தலைவர் விஷால் போட்டியிட்டதால், எங்கே அந்த மானியத் தொகையும் கிடைக்காமல் போய்விடுமோ என்ற அச்சத்தில்தான் பல தயாரிப்பாளர்கள் விஷாலுக்கு எதிராக சர்ச்சைகளையும் எழுப்பினார்கள்.

இந்த வாரம் டிசம்பர் 14 மற்றும் 15 ஆகிய தேதிகளில் மொத்தம் 9 படங்கள் வெளியாகின்றன. கடந்த வாரம் வரை 7 படங்கள் மட்டுமே வெளிவருவதாக அறிவிக்கப்பட்ட நிலையில், தற்போது மேலும் 2 படங்கள் அந்தப் போட்டியில் குதித்துள்ளன. இந்த வாரத்தில் வெளிவரும் படங்களைப் பற்றிய சிறிய தகவல்கள்.

மாயவன்
இயக்கம் - சி.வி.குமார்
இசை - ஜிப்ரான்
நடிப்பு - சந்தீப் கிஷன், ஜாக்கி ஷெராப், டேனியல் பாலாஜி, லாவண்யா திரிபாதி

அருவி
இயக்கம் - அருண் பிரபு புருஷோத்தமன்
இசை - பிந்து மாலினி, வேதாந்த் பரத்வாஜ்
நடிப்பு - அதிதி பாலன், அஞ்சலி வரதன்

பிரம்மா.காம்
இயக்கம் - புருஷ் விஜயகுமார்
இசை - சித்தார்த் விபின்
நடிப்பு - நகுல், சித்தார்த் விபின், ஆஷ்னா சவேரி

சென்னை 2 சிங்கப்பூர்
இயக்கம் - அப்பாஸ் அக்பர்
இசை - ஜிப்ரான்
நடிப்பு - கோகுல் ஆனந்த், அஞ்சு குரியன்

இமை
இயக்கம் - விஜய் கே மோகன்
இசை - மிக்கு கவில், ஆதீப்
நடிப்பு - சரிஷ், அட்சயப்ரியா

கிடா விருந்து
இயக்கம் - தமிழ்செல்வன்
இசை - பிரின்ஸ் நல்லதம்பி
நடிப்பு - எஸ்.பி.பிரசாத், ஷாலினி

பள்ளிப் பருவத்திலே
இயக்கம் - வாசுதேவ் பாஸ்கர்
இசை - விஜய் நாராயணன்
நடிப்பு - நந்தன்ராம், வெண்பா

வீரா
இயக்கம் - ராஜாராமன்
இசை - லியோன் ஜேம்ஸ்
நடிப்பு - கிருஷ்ணா, ஐஸ்வர்யா மேனன்

கடந்த வாரங்களில் வெளிவந்த தீரன் அதிகாரம் ஒன்று, திருட்டுப் பயலே, அண்ணாதுரை, கொடி வீரன், ரிச்சி, சத்யா ஆகிய படங்கள் ஏற்கெனவே தியேட்டர்களில் ஓடிக் கொண்டிருக்கின்றன.

இந்த வாரம் 9 படங்கள் வர இருப்பதால் இந்தப் படங்களுக்கு சரியான தியேட்டர்கள் கிடைப்பதில் சிக்கல்கள் உள்ளன. இப்படி ஒரே சமயத்தில் இத்தனை படங்கள் வெளிவருவதைத் தடுக்க தயாரிப்பாளர் சங்கம் எந்தவித முயற்சிகளையும் இன்னும் எடுக்கவில்லை என சிறிய தயாரிப்பாளர்கள் மிகவும் வருத்தப்படுகிறார்கள். தயாரிப்பாளர் சங்கத்திற்கும், திரைப்பட வினியோகஸ்தர் கூட்டமைப்பிற்கும் இடையே இருக்கும் மோதலே இதற்குக் காரணம் என சொல்லப்படுகிறது.

• 
  அமிதாப், ஏ.ஆர்.ரஹ்மானுக்கு லதா மங்கேஷ்கர் விருது
• 
  சரியான நேரத்தில் சரியானதை செய்துள்ளேன் - வித்யா பாலன்
• 
  அனிமல் படத்தின் வெற்றிக்கு வித்யாபாலன் சொல்லும் காரணம்
• 
  டீப் பேக் வீடியோ மூலம் பிரச்சாரம் : காங்கிரஸுக்கு எதிராக புகார் அளித்த ...
• 
  ஜூனியர் என்டிஆரின் ஜிம் மேட்டாக மாறிய ஊர்வசி ரவுட்டேலா

• 
  'ஆதிசக்தி' : புதிய பயணத்தை துவங்கிய சம்யுக்தா
• 
  ரீ-ரிலீஸ் ஆகும் ‛மங்காத்தா'
• 
  மகாபாரத கதையை 2 பாகங்களாக இயக்கும் லிங்குசாமி
• 
  இன்ஸ்டா கணக்கு நீக்கம் : யுவன் விளக்கம்
• 
  விஷம் கலந்த ஜூஸ் கொடுத்து விட்டார்கள் : நடிகர் மன்சூரலிகான் ...