டைம் டிராவல் கதையா...! : வெளியானது ரஜினி 171 பட அப்டேட் | சூர்யாவின் 44வது படத்தை இயக்கும் கார்த்திக் சுப்பராஜ் | மலையாள பிக்பாஸ் நிகழ்ச்சியில் கைகலப்பு : போட்டியாளர் மருத்துவமனையில் அனுமதி | இயக்குனர் சங்கத்தில் உறுப்பினர் அட்டை பெற்றார் மோகன்லால் | சூர்யா நடிக்கயிருந்த கதையில் விஜய் சேதுபதி | ரூ.100 கோடி பட்ஜெட்டில் உருவாகும் சிவகார்த்திகேயன் படம் | மல்டி ஸ்டார் படமாக உருவாகும் இளையராஜா பயோபிக் | திருமணத்தில் அப்பா விவேக்கின் கனவை நனவாக்கிய மகள் தேஜஸ்வினி | சித்தார்த் - அதிதிக்கு நிச்சயதார்த்தம் நடந்தது...! - இருவரும் அறிவிப்பு | ஏப்ரல் மாதத்தில் ரஷ்யா செல்லும் ‛தி கோட்' படக்குழு |
தமிழ் சினிமாவின் முதல் பின்னணி பாடகி பி.ஏ.பெரிய நாயகி. அவர் முதல் பின்னணி பாடகியானது சுவையான ஒரு நிகழ்வின் மூலம்தான்.
ஏ.வி.எம் நிறுவனம் 1945ம் ஆண்டு ஸ்ரீவள்ளி படத்தை தயாரித்தது. இதில் டி.ஆர்.மகாலிங்கமும், குமாரி ருக்மணியும் நடித்தனர். படத்தில் பாடல்களுக்கு அதிக முக்கியத்துவம் கொடுக்கப்பட்டிருந்தது. படம் முடிந்து படப்பெட்டிகள் எல்லா தியேட்டர்களுக்கும் அனுப்பப்பட்டுவிட்டது. படத்தை மீண்டும் ஒரு முறை பார்த்த தயாரிப்பாளர் ஏ.வி.மெய்யப்ப செட்டியாருக்கு குமாரி ருக்மணியின் பாடல்கள் திருப்தியாக இல்லை. டி.ஆர்.மகாலிங்கத்தின் கணீர் குரலுக்கு ஈடுகொடுக்கும் வகையில் இல்லை.
இதனால் தியேட்டர்களுக்கு அனுப்பபட்டிருந்து படப் பெட்டிகள் அனைத்தையும் திரும்ப கொண்டுவருமாறு உத்தரவிட்டார். அப்போது பாடகியும், நடிகையுமாக இருந்த பி.ஏ.பெரிய நாயகியை அழைத்து ருக்மணி பாடிய அனைத்து பாடல்களையும் அவரை பாடச் செய்தார். அப்போதுதான் போஸ்ட் சிங்க்ரனைசன் என்ற பதிவு தொழில்நுட்பம் அறிமுகமாகியிருந்தது. அந்த தொழில்நுட்பத்தின் மூலம் ருக்மணி பாடல்களுக்கு பதிலாக பிலிமில் பி.ஏ.பெரிய நாயகியின் பாடலை சேர்த்து படப்பெட்டிகளை திரும்ப அனுப்பினார். படம் பெரிய வெற்றி வெற்றது. பெரிய நாயகி முதல் பின்னணி பாடகி ஆனார்.
பி.ஏ.பெரிய நாயகி 'கீதகாந்தி', 'பஞ்சாமிர்தம்', 'என் மனைவி', 'மனோன்மணி', 'மகாமாயா' 'பிரபாவதி', 'கிருஷ்ண பக்தி', 'தர்மவீரன்', 'ஏகம்பவாணன்', 'ருக்மாங்கதன்' உட்பட பல படங்களில் நடித்திருந்தார். புதிய இளம் நடிகைகள் வருகைக்கு பிறகு நடிப்பிலிருந்து விலகி பாடகியாக மட்டும் இருந்தார்.