சீரியல் ஜோடி திருமணம் | ஓட்டுரிமையை வீணாக்காதீர்கள் : விஜய் ஆண்டனி | மீண்டும் படமான கோத்ரா ரயில் எரிப்பு சம்பவம் : ராஷி கண்ணா நடித்துள்ளார் | பல வருடங்களுக்கு பிறகு கதை நாயகனாக நடிக்கும் ராதாரவி | புதுமுகங்கள் உருவாக்கும் ஹைப்பர்லிங் படம் | டைட்டானிக் கதவு ரூ.5 கோடிக்கு ஏலம் | 'பொன் ஒன்று கண்டேன்' விவகாரம் - 'ஆப்' ஆன வசந்த் ரவி | ரசிகர்களின் ஆபாச கமெண்ட் : விழாவைத் தவிர்த்த அனுபமா பரமேஸ்வரன் | ஷங்கரின் 'கேம் சேஞ்சர்' - 'ஜரகண்டி' பாடல், பிரம்மாண்டம் மட்டுமா ? | நாளைய படங்களின் வெளியீட்டில் ஒரு அபூர்வம் |
சமூக வலைத்தளங்களில் திரையுலகப் பிரபலங்கள் பலர் கணக்கு வைத்துக் கொண்டு அவர்களது கருத்துக்களைத் தொடர்ந்து பதிவிட்டு வருகிறார்கள். பலரும் அதை அவர்களுடைய படங்கள் தொடர்பான புரமோஷன்களுக்கு மட்டும் பயன்படுத்தி வருகிறார்கள்.
நடிகர் ரஜினிகாந்த் யாருக்காவது வாழ்த்து சொல்ல வேண்டும் என்றால் மட்டுமே டுவிட்டரைப் பயன்படுத்துவார். நடிகர் கமல்ஹாசன் மட்டும் சமீப காலங்களில் அரசியல் கருத்துக்களையும், சமூக நலன் சார்ந்த கருத்துக்களையும் பதிவிட்டு பரபரப்பை ஏற்படுத்தி வருகிறார்.
இருந்தாலும் நடிகர்களில் அதிக தொடர்பாளர்களைப் பெற்ற நடிகராக தனுஷ் மட்டுமே இருக்கிறார். சில நாட்களுக்கு முன்பு அவரை டுவிட்டரில் தொடர்பவர்களின் எண்ணிக்கை 60 லட்சத்தைத் தாண்டியுள்ளது. இந்த 60 லட்சம் தொடர்பாளர்களும் தனுஷ் படத்தைப் பார்த்தாலே போதும் அவருடைய படம் வெற்றி பெற்றுவிடும்.
நடிகர் ரஜினிகாந்த் 43 லட்சம் தொடர்பாளர்களுடனும், நடிகர் சிவகார்த்திகேயன் 39 லட்சம் தொடர்பளார்களுடனும், சூர்யா 30 லட்சம் தொடர்பாளர்களுடனும், 28 லட்சம் தொடர்பாளர்களுடனும் உள்ளார்கள்.
நடிகர்களை பல லட்சம் பேர் தொடர்ந்தாலும் அவர்கள் பதிவிடும் விஷயங்களை வெறும் ஆயிரக் கணக்கினர் மட்டுமே லைக் செய்கிறார்கள், நூற்றுக் கணக்கானவர்கள் மட்டுமே ரிடிவீட் செய்கிறார்கள் என்பது குறிப்பிடத்தக்கது. மற்ற தொடர்பாளர்கள் எல்லாம் 'ஸ்லீப்பர்களாக' மட்டுமே இருக்கிறார்கள்.