ரச்சிதா பிறந்தநாளில் வெளியான ‛பயர்' முன்னோட்ட வீடியோ | மே 3ல் ரிலீஸாகும் ‛குரங்கு பெடல்' | அஜித்துக்காக உருவாக்கப்பட்ட டைட்டிலில் அருண் விஜய் | பவன் கல்யாண் எத்தனை கார்கள் வைத்திருக்கிறார் தெரியுமா ? | இயக்குனர் சேரனின் மூத்த மகளுக்கு திருமணம் | மே 1ம் தேதி முதல் மாற்றம் : ராகவா லாரன்ஸ் | அருண் விஜய் நடிக்கும் ரெட்ட தல | சல்மான் கானுக்கு ஜோடியாக கியாரா அத்வானி? | பாடலாசிரியரும் உரிமை கோரினால் என்னவாகும் - இளையராஜா தரப்புக்கு நீதிபதிகள் கேள்வி | கன்னடத்தில் கால் பதிக்கும் ஐஸ்வர்யா ராஜேஷ் |
ராம் இயக்கத்தில் ஆண்ட்ரியா, அஞ்சலி, வசந்த் ரவி நடித்த படம் தரமணி. ஜே.எஸ்.கே பிலிம் கார்பரேஷன் சார்பில் ஜே.சதீஷ்குமார் தயாரித்திருந்தார். 3 வருடங்களுக்கு மேல் தயாரிப்பில் இருந்த இந்தப் படம், கடந்த ஆகஸ்ட் மாதம் 11ந் தேதி வெளிவந்தது. நல்ல வரவேற்பை பெற்ற இந்தப் படம் பெரிய அளவில் வசூலை குவிக்கவில்லை என்றாலும் தயாரிப்பாளர்களுக்கு சிறிய அளவிலான லாபத்தை கொடுத்தது.
தரமணிக்கு பிறகு சில பெரிய படங்கள் வந்ததால் அப்போது தரமணியை தூக்கி விட்டு புதிய படங்களை போட்டார்கள். இயக்குனர் ராம் இதனை அப்போது வருத்தத்துடன் தெரிவித்திருந்தார். இப்போது தமிழக அரசின் 10 சதவிகித கேளிக்கை வரியை கண்டித்து புதிய படங்களை வெளியிட மாட்டோம் என்ற தயாரிப்பாளர் சங்கத்தின் அறிவிப்பால் தியேட்டர்களில் திரையிட புதிய படங்கள் எதுவும் இல்லை.
இந்த நிலையில் தரமணி படத்தை இன்று முதல் மீண்டும் வெளியிட்டிருக்கிறார் தயாரிப்பாளர் ஜே.எஸ்.கே.சதீஷ்குமார். சென்னையில் தேவி, மாயாஜால், வேளச்சேரி லக்ஸ், ஓ.எம்.ஆர், டி.நகர் ஏஜிஎஸ், கோயம்பேடு ரோகிணி தியேட்டர்களில் மறு வெளியீடு செய்யப்பட்டிருக்கிறது. தமிழ்நாடு முழுவதும் 60 தியேட்டர்களில் மறு வெளியீடு செய்யப்பட்டிருக்கிறது.