‛கில்லி' ரீ-ரிலீஸ் : த்ரிஷா நெகிழ்ச்சி | சந்தானத்தின் இங்க நான் தான் கிங்கு படம் மே 10 ல் ரிலீஸ் | பைக் டாக்சி ஓட்டுனராக நடிக்கும் நக்ஷா சரண் | எழுத்தாளராக நடிக்கும் வெற்றி | ஈரோடு மகேஷ் இல்லையென்றால் சினிமாவில் நான் இல்லை : தமன்குமார் நெகிழ்ச்சி | அரசியல்வாதிகள் நல்லது செய்தால் நடிகர்கள் அரசியலுக்கு வரமாட்டார்கள் : விஷால் | பிளாஷ்பேக்: நடிகையை திருமணம் செய்த முதல் இயக்குனர் | அன்பே வா சீரியல் நடிகருக்கு திருமணம் | எதிர்நீச்சல் நடிகையின் ஜாலி டூர் கிளிக்ஸ் | நடன பள்ளி தொடங்கிய காயத்ரி - யுவராஜ் |
சூர்யா தயாரிப்பில், குற்றம் கடிதல் பிரம்மா இயக்கத்தில், ஜோதிகா, ஊர்வசி, பானுப்ரியா, சரண்யா பொன்வண்ணன், நாசர் நடிப்பில், கடந்த வாரம் வெளியான படம் 'மகளிர் மட்டும்'. பெண்களை மையமாக வைத்து எடுக்கப்பட்டிருந்த '36 வயதினிலே' படத்தைப் போலவே இந்த படமும் பெண்களின் பிரச்சனைகளைப் பற்றி பேசுகிறது. எனவே பெண்கள் மத்தியில் மட்டுமே நல்ல வரவேற்பு கிடைத்துள்ளது.
'ஜோக்கர்' படத்தை இயக்கிய ராஜுமுருகன் 'மகளிர் மட்டும்' படத்தை பார்த்துவிட்டு, ''மகளிர் மட்டும்' படத்தை பார்த்தேன். நெடுநாட்களுக்குப் பிறகு கண்ணீரையும், புன்னகையையும் தந்த படம். நமது அம்மாக்களின், சகோதரிகளின், மனைவிகளின், காதலிகளின், தோழிகளின் அகத்தை அற்புதமாய் பேசுகிற படம். ஒவ்வொருவரும் பார்க்க வேண்டிய படைப்பு. தோழன் இயக்குனர் பிரம்மாவுக்கு முத்தங்கள். இப்படியான நல்ல படைப்பை தந்த தயாரிப்பாளர் சூர்யா, ராஜசேகர் கற்பூர சுந்தரபாண்டியனுக்கும், படத்தில் பங்காற்றிய அத்தனை பேருக்கும் வாழ்த்துக்கள்'' என்று தனது பாராட்டுக்களை தெரிவித்துள்ளார்.
இயக்குனர் ராஜுமுருகனின் பாராட்டை மகளிர் மட்டும் விளம்பரத்துக்கு பயன்படுத்த உள்ளார்கள்.