டைம் டிராவல் கதையா...! : வெளியானது ரஜினி 171 பட அப்டேட் | சூர்யாவின் 44வது படத்தை இயக்கும் கார்த்திக் சுப்பராஜ் | மலையாள பிக்பாஸ் நிகழ்ச்சியில் கைகலப்பு : போட்டியாளர் மருத்துவமனையில் அனுமதி | இயக்குனர் சங்கத்தில் உறுப்பினர் அட்டை பெற்றார் மோகன்லால் | சூர்யா நடிக்கயிருந்த கதையில் விஜய் சேதுபதி | ரூ.100 கோடி பட்ஜெட்டில் உருவாகும் சிவகார்த்திகேயன் படம் | மல்டி ஸ்டார் படமாக உருவாகும் இளையராஜா பயோபிக் | திருமணத்தில் அப்பா விவேக்கின் கனவை நனவாக்கிய மகள் தேஜஸ்வினி | சித்தார்த் - அதிதிக்கு நிச்சயதார்த்தம் நடந்தது...! - இருவரும் அறிவிப்பு | ஏப்ரல் மாதத்தில் ரஷ்யா செல்லும் ‛தி கோட்' படக்குழு |
பழம்பெரும் இசையமைப்பாளர் கோவர்த்தனம் காலமானார். அவருக்கு வயது 90. சேலம் குகைபாலம் பகுதியில் வசித்து வந்த கோவர்த்தனம், கடந்த சில தினங்களாக உடல்நலம் பாதிக்கப்பட்டிருந்த நிலையில் நேற்று(செப்., 18) காலமானார்.
ஜெமினி கணேசன் நடித்த கைராசி, ஜெய்சங்கர் நடித்த பட்டணத்தில் பூதம், முத்துராமன் நடித்த பூவும் பொட்டும், சிவாஜி நடித்த அஞ்சல் பெட்டி 520 உட்பட 10-க்கும் மேற்பட்ட படங்களுக்கு தனியாக இசையமைத்துள்ளார். தமிழில் கே.பாலசந்தரின் இயக்கத்தில் வெளிவந்த பூவா தலையா படம், 1971-இல் தெலுங்கில் பொம்மா பொருசா என்ற பெயரில் வெளிவந்தது. அதேப்போல ராமு படம் 1966-ஆம் ஆண்டு தெலுங்கில் வெளியானது. இந்த இரண்டு படங்களுக்கும் இசையமைத்தவர் கோவர்த்தனம் தான்.
எம்.எஸ்.விஸ்வநாதன், இளையராஜா, தேவா உள்ளிட்ட இசையமைப்பாளர்களிடம் 20 ஆண்டுகாலம் பல்வேறு மொழி படங்களுக்கு உதவி இசையமைப்பாளராகவும் இருந்துள்ளார். தென்னிந்திய அளவில் கர்நாடக இசையில் ஆர்மோனிம் வாசிப்பதில் கைதேர்ந்தவர்.
சிவாஜி நடித்த புதியபறவை பாடல் ரீ-ரெக்கார்டிங்கின் போது மின்சாரம் தாக்கி, செவித்திறன் இழந்தார். 1990-களுக்கு பின்னர் சென்னையை விட்டு சேலம் வந்தவர், அங்கேயே செட்டிலாகிவிட்டார். மறைந்த கோவர்த்தனத்திற்கு இந்திராபாய்(வயது 80) எஜ்ற மனைவியும், இரு மகள்களும் உள்ளனர்.
கோவர்த்தனம் உடல்நலம் பாதிக்கப்பட்டு வறுமையில் வாடிய போது, மறைந்த முதல்வர் ஜெயலலிதா, 2016-ம் ஆண்டு, ரூ.10 லட்சம் நிதியுதவி வழங்கியுள்ளார். கோவர்த்தனத்தின் இறுதிச்சடங்கு இன்று(செப்., 19) மதியம் 2 மணியளவில் நடந்தது.