டைம் டிராவல் கதையா...! : வெளியானது ரஜினி 171 பட அப்டேட் | சூர்யாவின் 44வது படத்தை இயக்கும் கார்த்திக் சுப்பராஜ் | மலையாள பிக்பாஸ் நிகழ்ச்சியில் கைகலப்பு : போட்டியாளர் மருத்துவமனையில் அனுமதி | இயக்குனர் சங்கத்தில் உறுப்பினர் அட்டை பெற்றார் மோகன்லால் | சூர்யா நடிக்கயிருந்த கதையில் விஜய் சேதுபதி | ரூ.100 கோடி பட்ஜெட்டில் உருவாகும் சிவகார்த்திகேயன் படம் | மல்டி ஸ்டார் படமாக உருவாகும் இளையராஜா பயோபிக் | திருமணத்தில் அப்பா விவேக்கின் கனவை நனவாக்கிய மகள் தேஜஸ்வினி | சித்தார்த் - அதிதிக்கு நிச்சயதார்த்தம் நடந்தது...! - இருவரும் அறிவிப்பு | ஏப்ரல் மாதத்தில் ரஷ்யா செல்லும் ‛தி கோட்' படக்குழு |
ஆசியாவின் முதல் பெண் ஒளிப்பதிவாளர் பி.ஆர்.விஜயலட்சுமி நீண்ட இடைவெளிக்கு பிறகு மீண்டும் அபியும் அனுவும் என்ற படத்தை இயக்கி உள்ளார். அவர் பணியாற்றும் சரிகம நிறுவனமே படத்தை தயாரித்துள்ளது. மலையாள நடிகர் டோவினோ தாமஸ், பியா பாஜ்பாய், பிரபு, ரோகினி உள்பட பலர் நடித்துள்ளார்கள். இது ஒரு உண்மை கதை என்கிறார் விஜயலட்சுமி. அவர் மேலும் கூறியதாவது:
மீண்டும் சினிமா இயக்க வேண்டும் என்பது நீண்ட நாள் ஆசை. எங்கள் நிறுவனமே படம் தயாரிக்க முன் வந்ததால் நான் மீண்டும் படம் இயக்க வந்து விட்டேன். அபியும் அனுவும் அமெரிக்காவில் ஒரு காதலர்களுக்கு நடந்த உண்மை கதை. இதை எங்கள் நிறுவன சேர்மனே சொன்னார். அவர் சொன்ன ஒன் லைனுக்கு திரைக்கதை எழுதி உருவானது தான் அபியும் அனுவும். அமெரிக்காவின் காதலுக்கும், நம்ம காதலுக்கும் நிறைய வித்தியாசம் இருக்குமே அது எப்படி இங்கே பொருந்தும் என்று நினைக்கலாம். அங்கு மட்டுமல்ல இங்கேயும் அது நடந்திருக்கிறது. எனக்கு தெரிந்த ஒரு இயக்குனருக்கே நடந்திருக்கிறது.
உலகில் எந்த நாட்டுக்கும், எந்த மொழிக்கும் இது பொருந்தும். நிறைய காதல் கதைகள் வந்தாலும் இந்த காதல் புதிதாக இருக்கும், ரசிகர்களை ஷாக் அடிக்க வைக்கும். அப்படியொரு புது விஷயம் இருக்கும். படத்தை பார்த்து விட்டு வரும்போது உங்கள் நண்பர்களிலோ அல்லது உறவினர்களிலோ ஒருவருக்கு இப்படி நடந்திருப்பது தெரியும். என்கிறார் பி.ஆர்.விஜயலட்சுமி.