Dinamalar

பகத் பாசில்-ஐ அவமதித்த 'வேலைக்காரன்'

மலையாளத் திரையுலகில் இருக்கும் தற்போதைய நடிகர்களில் மிகவும் குறிப்பிட்டுச் சொல்ல வேண்டிய நடிகர் பகத் பாசில். தமிழிலும் பல வெற்றிப் படங்களை இயக்கிய பிரபல இயக்குனர் பாசிலின் மகன். மலையாளத்தில் பல தரமான படங்களில் நடித்து நல்ல நடிகர் என்று பெயர் எடுத்தவர். அவருக்கென்று தனி ரசிகர் கூட்டம் உண்டு. அவர் தமிழில் அறிமுகமாகும் படம் 'வேலைக்காரன்'.

நேற்று முன்தினம் பகத் பாசிலின் பிறந்த நாளை முன்னிட்டு 'வேலைக்காரன்' படத்தின் இரண்டாவது போஸ்டரை வெளியிட்டார்கள். ஆனால், போஸ்டரில் சிவகார்த்திகேயன் நடிக்கும் மோகன்ராஜாவின் 'வேலைக்காரன்' என்றே போஸ்டர்களை வெளியிட்டு பகத் பாசிலின் ரசிகர்களையும், திரைப்பட ரசிகர்களையும் அதிர்ச்சியடைய வைத்தார்கள்.

'வேலைக்காரன்' படத்தின் நாயகன் சிவகார்த்திகேயன் தான், ஆனால் படத்தில் முக்கிய கதாபாத்திரத்தில் நடிக்கும் பகத் பெயரையும் போஸ்டரில் குறிப்பிட்டிருக்கலாமே. அதுவும் அவருடைய பிறந்த நாளில், அவருக்காக வெளியிடப்படும் போஸ்டரில் கூட அவர் பெயர் இடம் பெறவில்லை என்பது அவரை அவமதிக்கும் செயல் என பலரும் சமூக வலைத்தளங்களில் அவர்களது கண்டனங்களைப் பதிவு செய்தனர்.

அதனால்தானோ என்னவோ 'வேலைக்காரன்' படத்தின் தயாரிப்பாளர் ஆர்.டி.ராஜா, பகத் பாசில் நடித்துக் கொண்டிருக்கும் படிப்பிடிப்புத் தளத்திற்கே சென்று வாழ்த்து தெரிவித்துள்ளார். அங்கு அவருக்கு அளிக்கப்பட்ட கேக்கிலும் பகத் பெயர் இல்லாத 'வேலைக்காரன்' போஸ்டருடன் தான் இருந்தது அதைவிட ஆச்சரியம்.

ஏறக்குயை 15 ஆண்டுகளாக 50 படங்கள் வரை நடித்துள்ள பகத் பாசிலின் பெயரை இனி மேலாவது 'வேலைக்காரன்' போஸ்டர்களில் பகத் பெயரை தவறாமல் இடம் பெறச் செய்வார்களா ?.

• 
  அமிதாப், ஏ.ஆர்.ரஹ்மானுக்கு லதா மங்கேஷ்கர் விருது
• 
  சரியான நேரத்தில் சரியானதை செய்துள்ளேன் - வித்யா பாலன்
• 
  அனிமல் படத்தின் வெற்றிக்கு வித்யாபாலன் சொல்லும் காரணம்
• 
  டீப் பேக் வீடியோ மூலம் பிரச்சாரம் : காங்கிரஸுக்கு எதிராக புகார் அளித்த ...
• 
  ஜூனியர் என்டிஆரின் ஜிம் மேட்டாக மாறிய ஊர்வசி ரவுட்டேலா

• 
  இந்தியாவில் தேர்தல் திருவிழா : ஓட்டளித்து ஜனநாயக கடமையாற்றிய ...
• 
  'ஆதிசக்தி' : புதிய பயணத்தை துவங்கிய சம்யுக்தா
• 
  ரீ-ரிலீஸ் ஆகும் ‛மங்காத்தா'
• 
  மகாபாரத கதையை 2 பாகங்களாக இயக்கும் லிங்குசாமி
• 
  இன்ஸ்டா கணக்கு நீக்கம் : யுவன் விளக்கம்