டைம் டிராவல் கதையா...! : வெளியானது ரஜினி 171 பட அப்டேட் | சூர்யாவின் 44வது படத்தை இயக்கும் கார்த்திக் சுப்பராஜ் | மலையாள பிக்பாஸ் நிகழ்ச்சியில் கைகலப்பு : போட்டியாளர் மருத்துவமனையில் அனுமதி | இயக்குனர் சங்கத்தில் உறுப்பினர் அட்டை பெற்றார் மோகன்லால் | சூர்யா நடிக்கயிருந்த கதையில் விஜய் சேதுபதி | ரூ.100 கோடி பட்ஜெட்டில் உருவாகும் சிவகார்த்திகேயன் படம் | மல்டி ஸ்டார் படமாக உருவாகும் இளையராஜா பயோபிக் | திருமணத்தில் அப்பா விவேக்கின் கனவை நனவாக்கிய மகள் தேஜஸ்வினி | சித்தார்த் - அதிதிக்கு நிச்சயதார்த்தம் நடந்தது...! - இருவரும் அறிவிப்பு | ஏப்ரல் மாதத்தில் ரஷ்யா செல்லும் ‛தி கோட்' படக்குழு |
'பாகுபலி 2' - 100 வருடத் திரையுலக வரலாற்றில் தங்க எழுத்துக்களால் பொறிக்கப்பட வேண்டிய ஒரு வெற்றியைக் கொடுத்துள்ளது. வியாபாரம், வெற்றி, வசூல், டப்பிங் ஆகி மற்ற மொழிகளில் வசூல், வெளிநாடுகளில் வசூல், ஓடிய நாட்கள் என பல விதங்களில் இந்தப் படம் தனிப் பெரும் சாதனையைப் படைத்துள்ளது. ஏப்ரல் 28ம் தேதி வெளியான இந்தப் படம் தமிழ், தெலுங்கு, ஹிந்தி ஆகிய மொழிகளில் 100 நாட்களைத் தொட்டிருக்கிறது.
கடந்த சில வருடங்களாக ஒரு படம் 100 நாட்களைக் கடப்பது என்பது சிரமமான விஷயமாக இருந்த சூழ்நிலையில் இப்படம் பல தியேட்டர்களில் 100 நாட்களைத் தொட்டிருக்கிறது. உலகம் முழுவதும் சுமார் 1800 கோடி வரை வசூல் செய்திருக்கலாம் என்று எதிர்பார்க்கப்படுகிறது. அடுத்த மாதம் சீனாவில் வெளியாக உள்ளது. அங்கும் இந்தப் படத்திற்கு நல்ல வரவேற்பு கிடைத்தால் மொத்த வசூல் 2000 கோடியைத் தாண்ட முடியும்.
இந்திய சினிமா ஒன்று பிரம்மாண்டமாக எடுக்கப்பட்டால் அது வியாபார எல்லை எந்த அளவிற்கு இருக்கும் என்பதை மொத்த திரையுலகத்திற்கும் உணர்த்திய படம் 'பாகுபலி 2'. அந்த எல்லையைத் தொட இனி பலரும் முயற்சிப்பார்கள். இருந்தாலும் 'பாகுபலி 2' போல வெற்றியும், சாதனையும் மற்றுமொரு படம் நிகழ்த்துமா என்பதற்கு நாம் கொஞ்சம் காத்திருக்க வேண்டும்.