அரசியல் கட்சித் தலைவராக இருந்து விஜய் செய்தது சரியா ? | மோகன்லாலுடன் 56வது முறையாக ஜோடி சேரும் ஷோபனா | 'பிரேமலு 2' அறிவிப்பு : 2025ல் வெளியாகும்… | 'ரோமியோ' படத்தை 'அன்பே சிவம்' படத்துடன் ஒப்பிட்ட விஜய் ஆண்டனி | ஓட்டு கூட போடாத திரைப்பிரபலங்கள்...! | விஜய்யைக் காப்பியடிக்கும் விஷால் : ரசிகர்கள் கிண்டல் | தொடர் தோல்வியில் தவிக்கும் அக்ஷய் குமார் :'சர்பிரா' காப்பாற்றுமா ? | பிரித்விராஜ் - ஏ.ஆர்.ரஹ்மான் இருவருமே உதவி செய்தார்கள் : ஆடுஜீவிதம் ரியல் நஜீப் தகவல் | ஓட்டளிக்க முடியாமல் வேதனையுடன் திரும்பிய சூரி | ஹிந்தி உரிமையில் சாதிக்கும் தெலுங்குப் படங்கள் |
சிவகார்த்திகேயன் தன்னுடைய பெயரில் தொடங்கிய '24 ஏ.எம்.ஸ்டுடியோஸ்' பட நிறுவனம் தயாரித்த 'ரெமோ' படத்தை அடுத்து, 'வேலைக்காரன்' படத்தை தயாரித்து வருகிறது.
இந்த படத்தின் சாட்டிலைட் ரைட்ஸை விஜய் டி.வி. 16 கோடிக்கு வாங்கியது. ரெமோ படத்தின் சாட்டிலைட் ரைட்ஸ் 8 கோடிக்குத்தான் விற்கப்பட்டது. வேலைக்காரன் படத்துக்கு 16 கோடி கொடுக்கப்பட்டதும் சேனல் வட்டாரங்கள் அதிர்ச்சியுற்றன. இந்நிலையில், சிவகார்த்திகேயன் நடிக்க பொன்ராம் இயக்கும் படத்தின் சாட்லைட் ரைட்ஸை மற்றொரு தனியார் டிவி வாங்கியுள்ளது. இதனை தயாரிப்பு தரப்பினர் அதிகாரபூர்வமாக தெரிவித்துள்ளனர்.
'வருத்தப்படாத வாலிபர் சங்கம்', 'ரஜினி முருகன்' படங்களை தொடர்ந்து சிவகார்த்திகேயனும் பொன்ராமும் மூன்றாவது முறையாக இணையும் இந்த படத்தில் கதாநாயகியாக சமந்தா நடிக்கிறார். டி.இமான் இசை அமைக்கிறார். இந்த படத்தின் படப்பிடிப்பு இம்மாதம் 16-ஆம் தேதி துவங்கியது. 'வருத்தப்படாத வாலிபர் சங்கம்', 'ரஜினி முருகன்' வெற்றிக் கூட்டணியான சிவகார்த்திகேயன், பொன்ராம் இணையும் படம் என்பதால் இப்படத்தின் சாட்டிலைட் ரைட்ஸ் நிச்சயமாக 20 கோடியாக இருக்கும் என்று சொல்லப்படுகிறது.
விஜய் டிவியின் செல்லப்பிள்ளையான சிவகார்த்திகேயன் தன்னுடைய சொந்தப் படத்தின் சாட்டிலைட் ரைட்ஸை வேறு சேனலுக்குக் கொடுத்தது ஏன் என்று தெரியவில்லை. அதிக பணத்துக்கு ஆசைப்பட்டு விற்றாரா? அல்லது விஜய் டிவியுடன் மனஸ்தாபமா?