Dinamalar

என்மீது நம்பிக்கை வைத்தார் கார்த்திக் சுப்புராஜ் -எஸ்.ஜே.சூர்யா பேச்சு

இறைவி படத்தை அடுத்து கார்த்திக் சுப்புராஜ் பிரபுதேவா நடிப்பில் இயக்கியுள்ள படம் மெர்குரி. அதோடு தனது ஸ்டோன் பெஞ்ச் பட நிறுவனம் சார்பில் மேயாதமான் என்ற படத்தையும் தயாரித்திருக்கிறார். இந்த படங்கள் குறித்தஅறிமுக விழா நேற்று முன்தினம் சென்னையில் நடைபெற்றது.

அப்போது டைரக்டர் எஸ்.ஜே.சூர்யா பேசுகையில்,

ஒவ்வொருத்தருமே தங்களுக்குள் இருக்கும் பேஷனை வெளிக்கொண்டு வர ஒவ்வொரு மாதிரி போராடுவார்கள். அதில் ஸ்ட்ராங்கா போராடுறவங்கதான் ஜெயிப்பாங்க. அப்படிப்படட பாதையில் வந்தவர்தான் கார்த்திக் சுப்புராஜ். டிஜிட்டலில் ஒரு கோடியில் படமெடுக்க முடியும். பெரிய படங்களோடு போட்டி போட்டு ஜெயிக்க முடியும் என்பதை நிரூபித்தவர் அவர்தான். என் வாழ்க்கையில் மறக்க முடியாத நபர் அவர். காரணம், நான் நடிப்பில் எவ்ளோ பேஷன் உள்ளவன் என்பது தெரியும். டயலாக்கே இல்லேன்னாகூட வாயை அசைப் பேன். டப்பிங்கில் ஏதாவது போடுவார்கள் என்று நானாக பேசுவேன். ஒருகாலத்தில் நான் நடிக்க வந்தபோது இவன் ஏன்டா நடிக்க வர்றான் டைரக்சன் பண்ணலாமே என்று என் காது படவே சொல்லி வலியை கொடுத்தார்கள். ஆனால் அதையெல்லாம் மீறி எஸ்.ஜே.சூர்யாவினால் நடிக்க முடியும் என்று நம்பி இறைவி படத்தில் நடிக்க வைத்து என்னை உலகத்துக்கு காட்டியவர் கார்த்திக் சுப்புராஜ்.

அவர் உருவாக்கியுள்ள இந்த ஸ்டோன் பெஞ்ச் பட நிறுவனத்தின் தொடக்க விழாவில் கலந்து கொள்வது எனது பேமிலி நிகழ்ச்சியில் கலந்து கொள்வது போல்தான் உள்ளது. இந்த கம்பெனிக்காக கார்த்திக் சுப்புராஜ் தயாரித்துள்ள மேயாதமான் படத்தின் கதையை அவர் ஒருநாள் என்னிடம் சொன்னார். அதைக் கேட்டு விழுந்து விழுந்து சிரித்தேன். அதோடு பிரபுதேவாவை வைத்து மெர்குரி என்ற படத்தை பண்ணியிருக்கிறார்.

இந்த படம் கண்டிப்பாக ரெக்கார்ட் பிரேக் பண்ணும். அவர் தற்போது தயாரிக்கும் படங்கள் எல்லாமே வித்தியாசமான கதைக்களங்கள். இந்த நிறுவனம் தமிழ், தெலுங்கு, இந்தி படங்கள் மட்டுமில்லாமல் ஹாலிவுட் படங்கள் கூட தயாரிக்கும் என்ற நம்பிக்கை எனக்கு உள்ளது.அந்த விழாவிலும் நான் வந்து பேசுவேன் என்றார்.

• செய்திகள்
• வீடியோ
• வந்த படங்கள்

• 
  ஜூனியர் என்டிஆரின் ஜிம் மேட்டாக மாறிய ஊர்வசி ரவுட்டேலா
• 
  ஜெகபதி பாபுவிற்கு சல்மான்கான் சொன்ன அட்வைஸ்
• 
  வித்யாபாலனின் காதல் தோல்வி : அவரே வெளியிட்ட தகவல்
• 
  சல்மான்கான் வீடு மீது துப்பாக்கிச்சூடு
• 
  காதலை உறுதிப்படுத்திய ஜான்வி கபூர்

• 
  தக் லைப் படத்தின் மூலம் இணையும் சிம்பு, துல்கர் சல்மான், ஜெயம் ரவி
• 
  ரீ-ரிலீஸ் ஆகும் ராவணன்
• 
  ரஜினி மகளாக நடிக்கும் ஸ்ருதிஹாசன்
• 
  ஸ்ரீவள்ளி 2.0 ஆக என்னை பார்ப்பீர்கள் : ராஷ்மிகா நம்பிக்கை
• 
  எழுத்தாளரான இயக்குனர்