Dinamalar

வேலைக்காரன் முடிந்ததும் சிவகார்த்திகேயன் - சமந்தா படம்

தெலுங்கு நடிகர் நாக சைதன்யாவை திருமணம் செய்து கொண்டு விரைவில் குடும்ப வாழ்க்கையில் செட்டிலாக இருக்கிறார் சமந்தா. அதற்கு முன்னதாக, பொன்.ராம் இயக்கத்தில் உருவாகவுள்ள புதிய படத்தில் சிவகார்த்திகேயனுக்கு ஜோடியாக நடிக்க இருக்கிறார். அனேகமாக, திட்டமிட்டபடி சமந்தாவின் திருமணம் நடந்தால், அவர் நடிக்கும் கடைசி தமிழ்ப்படம் இதுவாகத்தான் இருக்கும்.

வருத்தப்படாத வாலிபர் சங்கம் படத்தைப்போல் இந்தப்படத்தை முழுக்க முழுக்க கிராமப்பின்னணியில் படமாக்க இருக்கிறார் பொன்ராம். இந்தப் படத்தில் வீரமான பெண்ணாக நடிக்கும் சமந்தா அந்த கதாபாத்திரத்திற்காக சிலம்பம் கற்றுக் கொண்டுள்ளார். உடற்பயிற்சிக் கூடத்தில் சமந்தா சிலம்பம் சுற்றுவது போன்ற வீடியோ சில நாட்களுக்கு முன்பு வெளியானது.

சமந்தா வெளியிட்ட இந்த வீடியோ சமூகவலைத்தளங்களில் வைரலாக பரவியது. ஆனால் எதற்காக சிலம்பம் கற்றுக்கொண்டார் என்பதை அவர் தெரிவிக்கவில்லை. இந்நிலையில் பொன்.ராம் - சிவகார்த்திகேயன் இணையும் படத்துக்காகத்தான் சமந்தா சிலம்பம் கற்றுக் கொண்டுள்ளார் என்ற தகவல் தற்போது வெளியாகி இருக்கிறது.

வேலைக்காரன் படப்பிடிப்பு முடிந்த சில வாரங்களில் இப்படத்தின் படப்பிடிப்பு தொடங்க உள்ளது. படத்தில் நடிப்பதற்காக மட்டுமல்ல, சிலம்பம் கற்றுக்கொள்வதற்காகவும் சேர்த்து சமந்தாவுக்கு பெரிய தொகை சம்பளமாக கொடுக்கப்பட்டிருக்கிறது.

• 
  ஷில்பா செட்டி மற்றும் ராஜ் குந்த்ராவின் 97 கோடி சொத்துக்கள் முடக்கம்!
• 
  'வார்-2' படப்பிடிப்பில் ஜிம் பயிற்சியாளரை மகிழ்வித்த ஜூனியர் என்டிஆர்
• 
  தொடர் தோல்வியில் தவிக்கும் அக்ஷய் குமார் :'சர்பிரா' காப்பாற்றுமா ?
• 
  அமிதாப், ஏ.ஆர்.ரஹ்மானுக்கு லதா மங்கேஷ்கர் விருது
• 
  சரியான நேரத்தில் சரியானதை செய்துள்ளேன் - வித்யா பாலன்

• 
  ‛கில்லி' ரீ-ரிலீஸ் : த்ரிஷா நெகிழ்ச்சி
• 
  சந்தானத்தின் இங்க நான் தான் கிங்கு படம் மே 10 ல் ரிலீஸ்
• 
  பைக் டாக்சி ஓட்டுனராக நடிக்கும் நக்ஷா சரண்
• 
  எழுத்தாளராக நடிக்கும் வெற்றி
• 
  ஈரோடு மகேஷ் இல்லையென்றால் சினிமாவில் நான் இல்லை : தமன்குமார் நெகிழ்ச்சி