Dinamalar

'வட சென்னை' - அமலா பால் நீக்கம் ஏன் ?

வெற்றிமாறன் இயக்கத்தில் தனுஷ் நாயகனாக நடிக்கும் 'வட சென்னை' படத்தின் படப்பிடிப்பு கடந்த வாரம் முதல் மீண்டும் ஆரம்பமானது. ஆனால், படப்பிடிப்பு ஆரம்பமான ஒரு வாரத்திற்குள் படத்தின் நாயகி மாற்றப்பட்டுள்ளார். அமலா பால் நடிப்பதாக இருந்த கதாபாத்திரத்தில் தற்போது ஐஸ்வர்யா ராஜேஷ் ஒப்பந்தம் செய்யப்பட்டு, அவரும் படப்பிடிப்பில் கலந்து கொள்ள ஆரம்பித்துவிட்டார் என்கிறார்கள்.

முதலில் இந்தப் படத்தில் சமந்தா தான் நாயகியாக ஒப்பந்தம் செய்யப்பட்டார். அவருக்கு இந்த ஆண்டில் திருமணம் நடக்க இருப்பதால் படத்திலிருந்து விலகிவிட்டார். அவருக்குப் பதிலாகத்தான் அமலா பாலை ஒப்பந்தம் செய்தனர். இப்போது அவரும் மாற்றப்பட்டு ஐஸ்வர்யா ராஜேஷ் ஒப்பந்தம் செய்யப்பட்டுள்ளார்.

இந்த திடீர் மாற்றத்திற்கு காரணம் குடும்பத் தலையீடா அல்லது உண்மையிலேயே அமலா பாலுக்கு கால்ஷீட் பிரச்சனையா என்பதுதான் கோலிவுட்டின் இன்றைய சூடான டாபிக் ஆக உள்ளது.

அமலா பால் தற்போது 'திருட்டுப் பயலே 2, வேலையில்லா பட்டதாரி' படத்தில் நடித்து முடித்துவிட்டார். விஷ்ணு விஷாலுடன் புதிய படம் ஒன்றில் நடிக்க ஒப்பந்தமாகியுள்ளார். அரவிந்த் சாமியுடன் 'பாஸ்கர் தி ராஸ்கல்' மலையாளப் படத்தின் ரீமேக்கில் நடிக்க உள்ளார். இவர்கள் இருவரையும் விட தனுஷ்தான் முன்னணி ஹீரோ என்பது உண்மை. அப்படியிருக்க வெற்றி மாறன் இயக்கத்தில் உருவாகும் 'வட சென்னை' படத்தில் இருந்து அவர் விலகியிருப்பது ஆச்சரியத்துடன் பார்க்கப்படுகிறது.

கால்ஷீட் பிரச்னை காரணமாக அவர் விலகினார் என்று கூறப்பட்டாலும் அது உண்மையில்லை என்கிறார்கள். தனுஷுடன் 'வேலையில்லா பட்டதாரி 2' படத்தில் நாயகியாக நடித்து முடித்துள்ள நிலையில் மீண்டும் அவர் தனுஷுடன் 'வட சென்னை' படத்தில் நடிப்பது தனுஷ் குடும்பத்தினருக்கு பிடிக்கவில்லை என்று கூறப்படுகிறது. சமீபகாலமாகவே அமலா பால், தனுஷ் பற்றி வதந்திகளும், விமர்சனங்களும் றெக்கை கட்டி பறந்தன. இதைதடுக்க நினைத்த தனுஷ், இயக்குநர் வெற்றி மாறனிடம் கலந்து பேசி வட சென்னை படத்தில் அமலாபாலை நீக்கும்படி சொன்னதாகவும், அதனால் தான் அவர் நீக்கிவிட்டதாகச் சொல்கிறார்கள். விலகல் என்பதற்கும் நீக்கம் என்பதற்கும் வித்தியாசம் இருக்கிறது.

• 
  தொடர் தோல்வியில் தவிக்கும் அக்ஷய் குமார் :'சர்பிரா' காப்பாற்றுமா ?
• 
  அமிதாப், ஏ.ஆர்.ரஹ்மானுக்கு லதா மங்கேஷ்கர் விருது
• 
  சரியான நேரத்தில் சரியானதை செய்துள்ளேன் - வித்யா பாலன்
• 
  அனிமல் படத்தின் வெற்றிக்கு வித்யாபாலன் சொல்லும் காரணம்
• 
  டீப் பேக் வீடியோ மூலம் பிரச்சாரம் : காங்கிரஸுக்கு எதிராக புகார் அளித்த ...

• 
  ஓட்டளிக்க முடியாமல் வேதனையுடன் திரும்பிய சூரி
• 
  ஹிந்தி உரிமையில் சாதிக்கும் தெலுங்குப் படங்கள்
• 
  ஓட்டளிக்க வந்த விஜய் கையில் காயம்
• 
  பிஎம்டபிள்யூ கார் வாங்கிய டான் பட இயக்குனர்
• 
  ஸ்டார் படம் ரிலீஸ் பற்றி கவின் வெளியிட்ட தகவல்