Dinamalar

விஷாலிடம் பயமில்லாத வீரம் உள்ளது! -ஏ.எல்.அழகப்பன் பேச்சு

அஸ்வின் காக்கமனு, ஸ்வாதி, ஜெயப்பிரகாஷ், ஏ.எல்.அழகப்பன், கருணாகரன், அனுபமா குமார் உள்பட பலர் நடித்துள்ள படம் திரி. அசோக் அமிர்தராஜ் இயக்கியுள்ள இந்த படத்துக்கு கே.ஜி.வெங்கடேஷ் ஒளிப்பதிவு செய்ய, அஜிஸ் இசையமைத்துள்ளார். இப்படத்தின் இசை விழா நேற்று சென்னையில் நடை பெற்றது.

அப்போது ஏ.எல்.அழப்பன் பேசுகையில், இந்த படத்தின் டைரக்டர் அசோக் அமிர்தராஜ் என்னிடம் கதை சொல்ல வந்தார். அப்போது படங்களில் நடிப்பதில் நான் ஒரு கோட்பாடு வைத்திருக்கிறேன். என்னோட காஸ்டியூமெல்லாம் மாத் தக்கூடாது. நான் வழக்கமாக அணியும் அதே மாதிரி காஸ்டியூம்களை அணிந்துதான் நடிப்பேன். ஈசன் தொடங்கி அதன்பிறகு நடித்த நான்கைந்து படங்க ளிலும் நான் வழக்கமாக பயன்படுத்தும் காஸ்டியூமில்தான் நடித்தேன் என அவரிடம் சொன்னேன். அவரும் அதற்கு சம்மதித்த பிறகே நடிக்க ஒத்துக்கொண்டேன்.

இந்த படத்தின் பப்ளிசிட்டி விசயத்தில் எனக்கு வருத்தம் உண்டு. இன்னும் இந்த படம் வெளியில் ரீச்சாகவில்லை. அது எனக்கொரு மனக்குறை. ஏன் இப்படி பண்றீங்க என்று அவர்களிடம் நான் போராடியிருக்கிறேன். பணம் செலவு பண்ணி ஏன் வேஸ்டு பண்றீங்க நானும் 40 படங்கள் வரை தயாரித்தவன். அந்த வகையில்தான் இந்த பப்ளிசிட்டி பற்றி பேசுறேன். மாநகரம் என ஒரு படம் வந்தது. பெரிய படம் என்று சொல்ல முடியாது. ஆனா நல்ல வசூல் பண்ணியிருக்கு. அதேமாதிரி இந்த படமும் வசூலிக்கக்கூடிய படம். அதுக்கு தகுந்த மாதிரி படப்பிடிப்பில் நடிக்கும் சம்பவங்களை சின்னசின்ன பிட் நியூசாக வெளியிட வேண்டும். விளம்பரம் கொடுப்பதால் எந்தவித பயனும் இல்லை. பிட் நியூஸ்களைத்தான் மக்கள் படிக்கிறார்கள். அதை வைத்துதான் ஒரு படத்தை தீர்மானிக்கிறார்கள்.

இப்போது கொஞ்சம் நல்ல காலமாயிருக்கு. வரக்கூடிய படங்களுக்கு என்னென்ன நன்மைகள் செய்யப்போகிறோம் என்பது பற்றி தயாரிப்பாளர் சங்கத்தலைவர் விஷால் நிறைய திட்டங்கள் தீட்டி வைத்திருக்கிறார். அவர் வந்து தயாரிப்பாளர்களின் நன்மைக்காக நிறைய விசயங்களை வகுத்து செயல் படுத்திக்கொண்டிருக்கின்றோம். எதிரணி என்று பார்க்காமல் எல்லோரையும் அணுசரித்து செல்கிறார் அது அவரது பெருந்தன்மை. நான் எதிர்த்து நின்றேன் என்னையே ஒரு கமிட்டி மெம்பராக்கியிருக்கிறார். விஷாலிடம் பயமில்லாத வீரம் உள்ளது. இது வரவேற்க வேண்டிய விசயம் என்றார்.

• 
  சிவாஜியின் மகன் சாம்பாஜி வாழ்க்கை சினிமா ஆகிறது
• 
  அக்ஷய் குமாருக்கு ஜோடியாக நடித்தால் விமர்சிப்பதா? - மனுசி சில்லார் ஆவேசம்
• 
  சல்மான் கானுக்கு ஜோடியாக கியாரா அத்வானி?
• 
  ‛ஜவான்' பாடலுக்கு நடனமாடிய மோகன்லால் : ஷாருக்கான் நன்றி
• 
  அயோத்தியில் இடம் வாங்கிய அமிதாப்பச்சன்

• 
  ரத்னம் படத்திற்கு கட்டப்பஞ்சாயத்து : விஷால் வேதனை
• 
  நகைகள் மாயமானதாக புகார் : ஞானவேல்ராஜா வீட்டு பணிப்பெண் தற்கொலை முயற்சி
• 
  துருவ் விக்ரமிடம் பேச்சுவார்த்தையை தொடங்கிய சுதா
• 
  ‛இந்தியன் 2' படத்தின் தாத்தா வராரு என்ற முதல் பாடல் விரைவில் வெளியாகிறது
• 
  நடிகர் மன்சூர் அலிகான் காங்கிரஸ் கட்சியில் இணைகிறார்