Dinamalar

'நடிகையர் திலகம்' படம் நேர்மையாக இருக்கும் - இயக்குனர் நாக் அஸ்வின்

திரைப்பட நட்சத்திரங்களின் தனிப்பட்ட வாழ்க்கையைப் பற்றித் தெரிந்து கொள்ள பல ரசிகர்களுக்குப் பேராவல் இருக்கும். அதை சமீபத்தில் நடந்த சில நிகழ்வுகளே உதாரணம். பின்னணிப் பாடகி சுசித்ரா டிவிட்டரில் வெளியான புகைப்படங்களைப் பார்த்து திரையுலகமும், ரசிகர்களும் எந்த அளவிற்கு அதிர்ச்சி அடைந்தார்கள் என்பது அனைவருக்கும் தெரியும். திரையில் ஜொலிக்கும் நட்சத்திரங்களின் தனிப்பட்ட வாழ்க்கை அவ்வளவு பிரகாசமாக இருக்காது என்பது பலருக்குத் தெரியாது.

தியாகராஜ பாகவதர் காலம் முதல் இன்றைய காலம் வரை பல மர்மங்கள் நிறைந்த வாழ்க்கையாகவே பலரின் தனிப்பட்ட வாழ்க்கை இருக்கிறது. கருப்பு, வெள்ளை காலத்தில் தமிழ், தெலுங்கு ரசிகர்களின் மனம் கவர்ந்த நடிகையாக விளங்கிய நடிகை சாவித்ரியின் தனிப்பட்ட வாழ்க்கையும் பல மர்மங்கள் நிறைந்த வாழ்க்கைதான். அவருக்கும் நடிகர் ஜெமினிகணேசனுக்குமான காதல், திருமணம், பிரிவு என அந்தக் காலத்தில் பரபரப்பாகப் பேசப்பட்டவை. கடைசி காலத்தில் கடன் தொல்லையாலும், குடிப் பழக்கத்தாலும் பாதிக்கப்பட்டு 44 வயதிலேயே மரணமடைந்தவர் சாவித்ரி என்று அந்தக் காலக் கட்டத்தில் பல்வேறு விதமான செய்திகள் வெளிவந்தன. அவையெல்லாம் அவருடைய வாழ்க்கை வரலாற்றை படமாக எடுக்க இருக்கும் 'நடிகையர் திலகம்' படத்தில் இடம் பெறுமா என்ற கேள்வி எழுந்துள்ளது.

“சாவித்ரியின் வாழ்க்கை வரலாற்றை கொண்டாட்டமாகவும், முழுமையான நேர்மையாகவும் படைக்க ஆசைப்படுகிறேன். அவருடைய வாழ்க்கையில் நடந்த பல விஷயங்களை குறிப்பிட உள்ளேன். அவருடைய குணத்தை பெருமைப்படுத்தும் பல சிறு சம்பவங்கள் அவருடைய வாழ்க்கையில் நடந்துள்ளன. ஒரு அற்புதமான மனிதர், அவருடைய நடிப்புத் திறமைக்கு எந்த ஒரு அறிமுகமும் தேவையில்லை.

புகைப்படங்களைத் தவிர வேறு எந்த சரியான ஆதாரமும் அவரைப் பற்றி இல்லை. தமிழ், தெலுங்கு திரையுலகத்தின் 50, 60 களில் நடந்த பல விஷயங்களை மீண்டும் உருவாக்க என்ன தேவையோ அவற்றிற்கான ஆராய்ச்சியில் ஈடுபட்டு, அதை அப்படியே கொடுக்க உள்ளோம்,” என்று இயக்குனர் நாக் அஸ்வின் தெரிவித்துள்ளார்.

படம் ஆரம்பமாகும் போதே எந்த ஒரு சர்ச்சையையும் ஏற்படுத்தாமல் இருந்தால் சரி.

• 
  தொடர் தோல்வியில் தவிக்கும் அக்ஷய் குமார் :'சர்பிரா' காப்பாற்றுமா ?
• 
  அமிதாப், ஏ.ஆர்.ரஹ்மானுக்கு லதா மங்கேஷ்கர் விருது
• 
  சரியான நேரத்தில் சரியானதை செய்துள்ளேன் - வித்யா பாலன்
• 
  அனிமல் படத்தின் வெற்றிக்கு வித்யாபாலன் சொல்லும் காரணம்
• 
  டீப் பேக் வீடியோ மூலம் பிரச்சாரம் : காங்கிரஸுக்கு எதிராக புகார் அளித்த ...

• 
  ஓட்டளிக்க முடியாமல் வேதனையுடன் திரும்பிய சூரி
• 
  ஹிந்தி உரிமையில் சாதிக்கும் தெலுங்குப் படங்கள்
• 
  ஓட்டளிக்க வந்த விஜய் கையில் காயம்
• 
  பிஎம்டபிள்யூ கார் வாங்கிய டான் பட இயக்குனர்
• 
  ஸ்டார் படம் ரிலீஸ் பற்றி கவின் வெளியிட்ட தகவல்