Dinamalar

விஜய்சேதுபதி, ஜி.வி.பிரகாஷை இயக்கும் ஈட்டி ரவி அரசு!

அதர்வா நாயகனாக நடித்த ஈட்டி படத்தை இயக்கியவர் ரவி அரசு. அதர்வாவுடன் ஸ்ரீதிவ்யா, ஜெயப்பிரகாஷ், நரேன் ஆகியோர் முக்கிய வேடங்களில் நடித்த இந்த படம் சூப்பர் ஹிட்டானது. அதோடு தொடர் தோல்விப்படங்களை கொடுத்து வந்த அதர்வாவுக்கு இந்த படம் பெரிய திருப்புமுனையை கொடுத்தது. அந்த ஈட்டி படத்தை இயக்கிய ரவி அரசு, தற்போது ஜி.வி.பிரகாஷ், விஜய்சேதுபதியை வைத்து படம் இயக்க தயாராகிக்கொண்டிருக்கிறார்.

இதில், ஜி.வி.பிரகாஷ் நாயகனாக நடிக்கும் படத்தை பொங்கலுக்கு பிறகு தொடங்குகிறார். இதுவரை ரொமான்ஸ், காமெடி கதைகளில் நடித்து வரும் ஜி.வி.பிரகாஷ்குமார் இந்த படத்தில் முதன்முறையாக ஆக்சன் கதையில் நடிக்கிறார். அந்த படத்தை அடுத்து விஜய்சேதுபதி நடிக்கும் படத்தை 2017ம் ஆண்டு அக்டோபரில் இயக்குகிறார் ரவி அரசு. அந்த படமும் ஆக்சன் கதைதானாம். இந்த இரண்டு படங்களையுமே ரவி அரசு இயக்குவது உறுதி செய்யப்பட்டுவிட்ட நிலையில், ஜி.வி.பிரகாஷை இயக்கும் படத்திற்கான நடிகர் - நடிகைகள், டெக்னீசியன் தேர்வில் தற்போது அவர் தீவிரமடைந்துள்ளார்.

மேலும், ஈட்டி படம் வசூல் ரீதியாக விநியோகஸ்தர்களுக்கு நல்ல லாபத்தை கொடுத்ததோடு, சமீபகாலமாக ஜி.வி.பிரகாஷ் நடிக்கும் படங்களும் விநியோகஸ்தர்களுக்கு லாபத்தை கொடுத்து வருவதால், ஈட்டியைத் தொடர்ந்து தான் இயக்கும் புதிய படத்தையும் விநியோகஸ்தர்களுக்கு லாபம் கொடுக்கும் வகையில், பக்கா கமர்சியலான கதையை ரெடி பண்ணியிருக்கிறாராம் ரவி அரசு.

• 
  அயோத்தியில் இடம் வாங்கிய அமிதாப்பச்சன்
• 
  சினிமாவில் வளர திறமை மட்டுமே போதாது : பரிணிதி சோப்ரா
• 
  கபீர் சிங் படத்தில் நடித்தது நான் செய்த இமாலய தவறு ; பாலிவுட் நடிகர் ...
• 
  ஷில்பா செட்டி மற்றும் ராஜ் குந்த்ராவின் 97 கோடி சொத்துக்கள் முடக்கம்!
• 
  'வார்-2' படப்பிடிப்பில் ஜிம் பயிற்சியாளரை மகிழ்வித்த ஜூனியர் என்டிஆர்

• 
  பாண்டிராஜ் இயக்கத்தில் விஜய் சேதுபதி?
• 
  விக்ரம் படத்தில் இணைந்த மற்றொரு மலையாள நடிகர்
• 
  கள்ளழரை அருகில் கண்ட பேரானந்தத்தில் சூரி
• 
  ரஜினியின் கூலி படத்தில் இணைந்த சிவகார்த்திகேயன் பட வசனகர்த்தா
• 
  10 மில்லியன் பார்வையாளர்களை கடந்த ‛இனிமேல்' ஆல்பம்