டைம் டிராவல் கதையா...! : வெளியானது ரஜினி 171 பட அப்டேட் | சூர்யாவின் 44வது படத்தை இயக்கும் கார்த்திக் சுப்பராஜ் | மலையாள பிக்பாஸ் நிகழ்ச்சியில் கைகலப்பு : போட்டியாளர் மருத்துவமனையில் அனுமதி | இயக்குனர் சங்கத்தில் உறுப்பினர் அட்டை பெற்றார் மோகன்லால் | சூர்யா நடிக்கயிருந்த கதையில் விஜய் சேதுபதி | ரூ.100 கோடி பட்ஜெட்டில் உருவாகும் சிவகார்த்திகேயன் படம் | மல்டி ஸ்டார் படமாக உருவாகும் இளையராஜா பயோபிக் | திருமணத்தில் அப்பா விவேக்கின் கனவை நனவாக்கிய மகள் தேஜஸ்வினி | சித்தார்த் - அதிதிக்கு நிச்சயதார்த்தம் நடந்தது...! - இருவரும் அறிவிப்பு | ஏப்ரல் மாதத்தில் ரஷ்யா செல்லும் ‛தி கோட்' படக்குழு |
தமிழ்த் திரையுலகம் மட்டுமல்லாது இந்தியத் திரையுலகமே 'பைரசி' பிரச்சனையால் சிக்கித் தவித்துக் கொண்டிருக்கிறது. ஒரு படம் வெளிவந்த அடுத்த சில மணி நேரங்களுக்குள் அந்தப் படம் இணைய தளங்களில் வெளியாகிறது. அதைத் தொடர்ந்து அவை டிவிடியிலும் பதிவு செய்யப்பட்டு விற்கப்படுகிறது. இதன் மூலம் தயாரிப்பாளர்கள் பெரிதும் சிரமத்திற்கு ஆளாகிறார்கள்.
மத்திய அரசும், தொலைத் தொடர்பு வசதிகளை ஏற்படுத்தித் தந்துள்ள தனியார் நிறுவனங்களும், மாநில அரசுகளும் மனது வைத்தால் இந்தப் பிரச்சனைக்கு நிரந்தரத் தீர்வை ஏற்படுத்த முடியும். ஆனால், ஏனோ இந்த விஷயத்தில் யாரும் இன்னமும் தீவிர கவனம் செலுத்தாமல் இருக்கிறார்கள்.
கடந்த வாரம் தனுஷ் நடித்த 'தொடரி', விஜய் சேதுபதி நடித்த 'ஆண்டவன் கட்டளை' ஆகிய படங்கள் வெளிவந்தன. அந்தப் படங்கள் வெளியான அன்றே இணையதளங்களில் வெளியாகின. 'தொடரி' படத்தின் தயாரிப்பாளர் தரப்பிலிருந்து அப்படிப்பட்ட இணையதளங்களை முடக்கும் வேலைகளும் செய்யப்பட்டன. ஆனாலும், அவர்கள் தங்களது இணைய முகவரிகளை மாற்றி மாற்றி வெளியிட்டுக் கொண்டிருக்கிறார்கள்.
இதனிடையே, இதற்கு எதிர்ப்பு தெரிவிக்கும் வகையில் கடலூர் மாவட்டத்தைச் சேர்ந்த விஜய் ரசிகர்கள் ஊர்வலமாகச் சென்று மாவட்ட காவல்துறையிடம் புகார் மனுவை அளித்தனர். மற்ற நடிகர்கள் நடித்த படமாக இருந்ததலும் 'பைரசி' மூலம் திரையுலகம் பாதிக்கப்படுகிறது என்பதால் புகார் மனு அளித்தோம் என அவர்கள் தெரிவித்துள்ளார்கள்.
விஜய் ரசிகர்களின் இந்த செயலுக்கு நடிகர் தனுஷ் நன்றி தெரிவித்துள்ளார். நடிகர் சங்க செயலாளர் விஷாலும் விஜய் ரசிகர்களுக்கு தன்னுடைய நன்றியைத் தெரிவித்துள்ளார். இதைப் போல மற்ற நடிகர்களது ரசிகர்களும் செய்ய முன் வரவேண்டும். ரசிகர்களால் தான் இதற்கு ஒரு மாற்றத்தைக் கொண்டு வர முடியும் என்றும் அவர் கூறியுள்ளார்.
'பைரசி'யை எதிர்த்து கடந்த சில வருடங்களாகவே விஷால் தனி ஆளாக குரல் கொடுத்து வருகிறார். சில தினங்களுக்கு முன்பு இதுகுறித்து விஷாலின் பதிவிற்கு எந்த ஒரு பதிலும் சொல்லாத தனுஷ், விஜய் ரசிகர்களுக்கு மட்டும் நன்றி தெரிவித்துள்ளார் என்பது குறிப்பிடத்தக்கது.