டைம் டிராவல் கதையா...! : வெளியானது ரஜினி 171 பட அப்டேட் | சூர்யாவின் 44வது படத்தை இயக்கும் கார்த்திக் சுப்பராஜ் | மலையாள பிக்பாஸ் நிகழ்ச்சியில் கைகலப்பு : போட்டியாளர் மருத்துவமனையில் அனுமதி | இயக்குனர் சங்கத்தில் உறுப்பினர் அட்டை பெற்றார் மோகன்லால் | சூர்யா நடிக்கயிருந்த கதையில் விஜய் சேதுபதி | ரூ.100 கோடி பட்ஜெட்டில் உருவாகும் சிவகார்த்திகேயன் படம் | மல்டி ஸ்டார் படமாக உருவாகும் இளையராஜா பயோபிக் | திருமணத்தில் அப்பா விவேக்கின் கனவை நனவாக்கிய மகள் தேஜஸ்வினி | சித்தார்த் - அதிதிக்கு நிச்சயதார்த்தம் நடந்தது...! - இருவரும் அறிவிப்பு | ஏப்ரல் மாதத்தில் ரஷ்யா செல்லும் ‛தி கோட்' படக்குழு |
தமிழ்த் திரையுலகத்திற்கு உலக அளவில் மிகப் பெரிய மார்க்கெட் 'கபாலி' படம் மூலம் உருவாகியுள்ளது. அமெரிக்கா முதல் ஆஸ்திரேலியா வரை தமிழர்கள் வசிக்கும் பல நாடுகளிலும், சிறிய ஊர்களில் கூட 'கபாலி' படம் திரையிடப்பட்டுள்ளது. ஆப்பிரிக்காவில் உள்ள நைஜீரியா நாட்டிலும் இரு தினங்களுக்கு முன்பு 'கபாலி' படம் திரையிடப்பட்டுள்ளது. நைஜீரியா தலைநகரான அபுஜா-வில் வசிக்கும் ரஜினி ரசிகர்களான தமிழ்நாட்டைச் சேர்ந்த திலீப், எல்விஸ், ராஜேந்திரன், ராஜ், கணேஷ், செந்தில், ஹரி ஆகியோர் அங்கு வசிக்கும் தமிழ் மக்களுக்காக படத்தை திரையிட ஏற்பாடு செய்துள்ளார்கள்.
தலைநகர் அபுஜாவில் இரண்டு காட்சிகளும், மற்றொரு பெரிய நகரான லாகோஸ்-ல் இரண்டு காட்சிகளும், போர்ட் ஹர்கோர்ட், கனோ ஆகிய ஊர்களில் தலா ஒரு காட்சி என மொத்தம் 6 காட்சிகள் திரையிட்டுள்ளார்கள். 'கபாலி' படத்தைப் பார்க்க தமிழ் மக்கள் மட்டுமல்லாது, மற்ற இந்திய மக்களும், நைஜீரியா, அமெரிக்கா, இஸ்ரேல் நாட்டவர்களும் படத்தை ஆர்வத்துடன் வந்து ரசித்துள்ளார்கள். 6 காட்சிகளுக்கான மொத்த டிக்கெட்டுகளும் விற்கப்பட்டுவிட்டதாம். படம் பார்க்க வந்தவர்களுக்கு மதிய உணவும், இரவு உணவும் ரசிகர்கள் ஏற்பாடு செய்துள்ளனர்.
நைஜீரியாவிற்கான இந்திய தூதர் பி.என்.ரெட்டி அவருடைய மனைவி லலிதா தேவியுடன் கலந்து கொண்டு திரையிடல் நிகழ்வை ஆரம்பித்து வைத்துள்ளார். தென்னிந்திய கலாச்சார சங்கத்தினரும் இதில் கலந்து கொண்டுள்ளனர்.
“ஒரு திருவிழா போல 'கபாலி' படம் பார்த்த அனுபவத்தை அனைவரும் கொண்டாடி ரசித்தார்கள். ரஜினிக்கு வயது 65 என்று சொன்னால் யாரும் நம்பவேயில்லை. நைஜீரிய நாட்டு மக்கள் அடுத்த ரஜினி படம் வரும் போது அதை நைஜீரிய மொழியில் டப்பிங் செய்து திரையிடுங்கள் என்று கேட்டுக் கொண்டார்கள்,” என அங்குள்ள ரஜினியின் தீவிர ரசிகரான திலீப் கூறுகிறார்.
இதற்கு முன் நைஜீரியாவில் 'தெறி, வேதாளம்' படத்தைத் திரையிட்டார்களாம். ஆனால், அவற்றிற்குக் கிடைத்த வரவேற்பை விட பல மடங்கு வரவேற்பும் கொண்டாட்டமும் 'கபாலி' படத்திற்குக் கிடைத்தது என்கிறார் அவர்.